laukik sukh ke dayre men ane vali har chij pane aur salon tak lakhon ke dilon ki dharakan banakar shauharat sukh ka anand pane vale harfnmaula supar star rajesh khanna ne antim samay men apne nivas ki chardivari men gumnami ke andheron men jine ke bad bhi maut ko jitni jindadili se svikar kiya yah unke kundli men vidyaman grah yogon ka hi kamal hai.
hindi film jagat ke suparastar rajesh khanna ke antim shabd the ‘taim ho gaya paikap’ aur ve 18 julai 2012 ko apne lakhon chahne valon ko moh bandhan tor alvida kahakar param parmatma ki sharan men chale gaye lekin rajesh khanna jaisa supar star kabhi bhi janta ke dil se dur nahin ja sakta unke jaise supar star ka jalva n koi dekh paya hai aur shayad n hi dekh paega. rajesh khanna ka janm amritasar men 29 disanbar 1942 ko hua.
bachapan men hi unhen unke najdiki rishtedar ne god le liya aur unhen munbai le ae. bachapan men unka nam jatin tha par pyar se unhen kaka kaha jata tha. unke mata-pita vahan ke ek rais the. unka laln-palan atyant raisi mahaul men hua. skul men hi jatin ko natkon ka bahut shauk tha aur ke. si. kaelej jane tak unhonne stej par dhum macha di.
pita ka vishal karobar unhen nahin lubhata tha aur ve khud ko bare parde par dekhna chahte the. unki raisi ka alam yah tha ki natkon men bhag lene ke lie bhi ve apni shandar sportas kar men jaya karte the. 1964 men film indastri ke kuch nirmataon ne yunaited prodyusars nam se ek grup bana kar filmafeyar maigjin ke jariye nai pratibhaon ko talashne ke jo kantest karvae,jatin ne unmen hissa liya aur ath fainliston men unhen chun liya gaya.
unhen pahla chans diya jipi sippi ne apni film ‘raj’ men. aur unhen naya nam bhi mila rajesh. halanki chetan anand ki film akhri khat pahle rilij hui. iske bad ve nasir husain ki ‘baharon ke sapne’ men ae lekin shakti samant ki ‘aradhna’ se unhen jo saflta aur lokapriyata milni shuru hui uske bad unke pas piche murakar dekhne ki n to fursat rahi, n hi jarurat.
chand hi barson men rajesh khanna ne do raste, anand, khamoshi, sachcha jhutha, kati patang, safar, amar prem, hathi mere sathi jaisi behad kamyab filmon ki katar khari kar di aur charo or unka danka bajne laga. rajesh khanna pahle aise abhineta the jinhonne supar staradam hasil ki. film nirmata aur vitarak unke ghar ke samne sachmuch ki katar lagaya karte the, tab kahin jakar ve unse mil pate.
unke bangle ‘ashirvad’ ke bahar rojana hajaron ki tadad men log unki bas ek jhalak pane ko betab khare rahte the. larkiyan apne khun se unhen khat likhti thi. kitni hi larkiyon ne unki foto se vyah racha liya tha aur apni ungli kat kar apni mang lal kar li. unke stail stetment ko bhi hajaron lakhon logon ne apnaya-chahe vah unki thora jhuk kar bat karne ki ada ho ya palkane jhapkane ki.
unka heyar stail v paint ke sath pahna jane vala guru kurta bhi bahut papular hua. 1975 ke bad jab amitabh bachchan ne supar star ke sinhasan par kabja jamaya to kaka ki chamak bhale hi fiki pari lekin ve lagatar filme karte rahe aur kuch filmon ke bad dhire-dhire kinare ho gaye. rajiv gandhi ke kahne par ve rajniti men utre aur 1991 men nai dilli sit par diggaj rajneta lal krishn advani ko karari takkar dete hue mahaj ek hajar voto se hare.
agle hi sal isi sit par hue upchunav men unhonne shatrudhn sinha ko karari mat di lekin rajniti men ve adhik kuch nahin kar sake aur 1996 ke chunav men vah n keval dilli se hare balki gujrat se bhi har gaye. dhire-dhire rajniti valon ne unse v unhonne rajniti se duri bana li. unki apne jindgi ke romantik pahlu men jhanke to faishan dijayanar aur adakara anju mahendu se unka sat sal ka lanba afeyar chala.
lekin shadi unhonne ki ‘baebi’ se har javandil ki dharakan bani dimpal kapariya se. unse unki do betiyan hui, tivankal v rinki. aj ke star akshay kumar unki beti tivankal ke hi pati hain. pichle das pandrah varshon ka samay rajesh khanna ne kafi ekaki rup se bitaya. hal men unhonne kuch filmon men kam kiya, chote parde par bhi ae lekin jyada kuch nahin kar sake. ve kuch varshon se kainsar se pirit the.
is rog ne unhen puri tarah se khokhla kar diya aur antat is sadi ka supar star sabse vida lete hue panchatva men vilin ho gaya. rajesh khanna ke nidhan ke sath hindi filmon ke itihas men romantik filmon ka ek yug khatm ho gaya. 180 se adhik filmon men kam karne vale is shandar abhineta ne 1969 se 1972 ke bich akele dam par lagatar pandrah supar hit filmen di. yah aisa rikard hai jo char dashak bad aj bhi kayam hai.
aie karen kaka ki kundli ka jyotishiya vishleshan jyotish ke anek prasiddh granthon ke anusar inki kundli men anek shubh prasiddh yog vidyaman hain. pushkal yog faldipika a. 6 .. shlok 19-20 .. men varnit pushkal yog ke anusar janmapatrika men lagn ka svami aur chandrama jis rashi men hai uske svami ek sath kendra men hon, tatha koi balvan grah kendra ko dekhta ho to pushkal yog banta hai.
inki kundli men lagn ka svami budh aur chandra rashi ka svami surya ek sath saptam bhav kendra men hai tatha balvan grah mangal, shukra, budh, lagn ko dekh rahe hain jiske karan inka pushkal yog ghatit ho raha hai. is yog ke anusar jivan ki choti avastha se hi inhen uchch bhautik sukh suvidhaen prapt hui tatha itni bari kamyabi hasil hui evan log bhi inke divane ho gaye.
saral yog faldipika a. 6/shlok 57, 65 men varnit saral yog ke anusar yadi ashtamesh ya ashtam bhav ashubh grahon se yut ya nirikshit ho aur ashtam bhav ka svami 6, 8, 12 ven bhav men sthit ho to saral yog banta hai. inki kundli men ashtamesh shani ashubh grah mangal se drisht hai, tatha vah barhven bhav men hai jiske falasvarup saral yog ban raha hai.
is yog ke anusar inhen achchi vidya, buddhi tatha pratiyogitaon men vijay mili evan apni kala ke dvara hindi film jagat men vikhyat kar diya. dirghayu yog sarvarth chintamni a. 7 shlok 7ke anusar lagnesh yadi kendra men guru shukra se yukt ya drisht ho to dirghayu yog banta hai.
atah inki kundli men lagnesh budh saptam bhav men shukra se yut tatha brihaspati se drisht hai jiske karan ganbhir bimari hone ke bavjud bhi inki dirghayu kal vali mrityu hui. vashi yog saravli .. a. 14 /shlok 1, 6 .. is yog ke anusar yadi janmapatrika men surya se dvadash sthan men chandrama ko chorakar koi anya grah sthit ho to vashi namak yog banta hai.
inki janmapatrika men surya se barhve men mangal sthit hone se yah yog bana. is yog ke fal ke anusar inhonne apni utkrisht vani aur achchi buddhi-chaturya ke dvara, apne achchi abhinay kala se hindi film jagat men suparastar banakar apni amit chap chori, jisko ajatak bhi koi dhumil nahin kar paya. isi yog ke fal ke anusar inhen sundar sharir tatha raja ke saman dhan-vaibhav ki bhi prapti hui.
jiska parinam hai ki ve aj apne piche apni arbon ki sanpatti chor gaye hain. anek uchch vahan prapti yog sarvarth chintamni a. 4/shlok 163.. is yog ke anusar yadi chaturthesh kendra men ho aur jis rashi men vah sthit hai us rashi ka svami grah lagn men ho to yah yog banta hai.
inki kundli men sukhesh budh saptam sthan kendra men brihaspati ki rashi men sthit hai tatha brihaspati lagn men sthit hai jiske falasvarup yah yog purnarup se ban raha hai, is yog ke fal ke anusar inhen apne jivan ki choti avastha se hi uchch koti vahan ka sukh prapt hua.
desh videsh yatra yog brihatparashar horashastra .. an. 12, shlok 246.. is yog ke anusar yadi vyayesh pap grah se yukt ho aur vyay bhav men pap grah ho tatha pap grah ki drishti vyay bhav par ho to aisa vyakti desh-videsh ki yatraen karta hai.
inki kundli ke anusar vyay bhav ka svami shukra surya ke sath saptam bhav men pap sanidhya men hai, tatha vyay bhav men shani pap grah sthit hai evan pap grah mangal ki vyay bhav par drishti hai jiske karan inki kundli men yah yog ghatit hone se yah apne jivan men desh-videsh ki yatraen karte rahe. inke jivan ka sabse adhik safal samay rahudsha kal tha.
1965 se jab inki yah dasha praranbh hui tab se inke jivan men uchch saflta ka daur shuru hua. inki kundli men rahu grah tisre bhav men sinh rashi par sthit hokar balvan hai. dashmesh brihaspati aur navmesh shani ki antardasha men inhen vishesh saflta prapt hui tatha age budh ki antardasha tak ye saflta ki sirhiyan chadhte rahe.
lekin uske pashchat dhire-dhire inki kala ka jadu kam hota gaya hai kayonki uske bad rahu men yogkarak grahon ki antardashaen purn ho gayi thi tatha asflta ka daur aranbh hua jisse inhen vishesh saflta nahin mili. inki mrityu ke samay prabal marak grahon ki dasha, antardasha, pratyantar dasha chal rahi thi tatha gochar men ye grah ashubh sthiti men the.
ashtamesh shani ki mahadsha men shashthesh mangal ki antardasha evan markesh chandrama ki pratyantrdsha men inka dehant hua. gochar ke samay men bhi inke mangal aur shani rashi se marak bhav men tatha lagn se sukh bhav men ek sath gochar kar rahe the, jiske falasvarup inka lanbi bimari ke bad achanak dehavsan hua.