tairo dek men yah kard atmaniyantran evan sanyam ka kard hai. tairo riding ke dauran jab is kard ka uday hota hai aur jis vyakti ke liye uday hota hai yah batata hai ki us vyakti ko apni bhavnaon par kantrol hai. vah jvalnshil muddon ko thande chitt se nibtana janta hai jiska achcha parinam nikal sakta hai. jiska yah kard niklta hai
vah rishton men samrsta la sakta hai jisse pichli katuta svayan hi samapt ho jati hai. usmen shanti v shukun ke sath kam karne ki kala hoti hai. vah rishton ko thande chitt se nibhata hai. yah kard batata hai ki jis vyakti ka yah kard pratinidhitva karta hai usmen ek farishte jaise vyaktitva ki visheshtaen hoti hain jo sadaiv sabka khyal rakhta hai, sabki bhavnaon ki kadra karta hai. aisa vyakti manviya gunon se bharpur hota hai. sahridyta inmen kut-kut kar bhari hoti hai. aisa vyakti agar tichar hai
to vah apne shishyon ko apna sara gyan bant dena chahta hai jisse unka bhavishya ujjval bane. ye apne hriday se inka achcha chahte hain, inke man men koi chal kapat nahin rahta. aisa vyakti agar kisi yunit ka mukhiya hai to usko yuniyan ke sabhi karmachari chahe vah kisi bhi pad par kyon n hane, sabhi prasann rahte hain kyonki sabhi ko sachcha margadarshan milta hai. vah sabhi ke sath nyay karta hai, kisi ke bhi sath anyay nahin hone deta vah yunit ke sabhi adhikari v karmachariyon ka priya aur adarsh hota hai.
jiska yah kard niklta hai agar vah koi gharelu stri hai to vah parivar ke sabhi sadasyon ke sath madhur sanbandh bana kar rakhti hai. kabhi bhi, kisi bhi rishte men karvahat nahin ane deti. kisi karan se koi sanbandh bigrne lage to turant hi sanbhal leti hai tatha kai bigrte rishte v bigrte kamon ko rokakar unmen samrsta le ati hai. agar yah kard kisi aise vyakti ya mahila ka niklta hai jo kisi se partanaraship men bijnes karte hain to unke kam men itni paradarshita rahti hai
ki vahan dhokhe ka koi kam hi nahin. vah puri nishchalata se apne katrtavya ka nirvah karte hain aur bijnes ko age pragti ki or le jate hain aur hamesha saflta ki sirhiyan charhte hain. isse unke rileshan apne bijnes partanar ke sath sarvatha achche bane rahte hain aur unka bijnes bhi unchaiyon ko chuta hai. agar ham do mitron ya saheliyon ko len to unke sath bhi yahi sthiti rahti hai.
unmen se jiska yah kard nikla ho vah apne mitra ya saheli ke prati adhik vafadari rakhta hai aur sachche dil se dusre ka bhala chahta hai. vah samay ane par uske mitra ke lie kuch bhi karne ke lie taiyar rahta hai. n vah apne dhan ki parvah karta hai n apne man v sharir ki. uske liye vah kuch bhi tyag karne ke liai taiyar rahta hai.
agar uparyukt kard ‘‘di temparensa’’ pati-patni men se kisi ek ka niklta hai to jiska yah kard nikle vah atyadhik vishvas ka patra hai aur har ghari, har paristhiti men apne pati ya patni ka sath dena chahta hai aur dega. aisa vyakti apne parivar men samrsta bhar sakta hai tatha apne parivarik jivan ko sukhi bana sakta hai. aisi mahila apne sasural men bhi sabse ghul-mil kar rahti hai tatha sabhi rishton men yathochit samman v pyar dekar rishton ki dor ko tutne nahin deti varan pyar ki ganthon se rishton ko aur majbut kar deti hai. aisi bahu-beti jis ghar men ho vah ghar svarg ban jata hai.