shani grah ka uprokt barah avasthaon men sthit hone ka fal nimn prakar hota hai:
1). shaynavastha men shani grah ho to: vyakti sada asantoshi, asantusht rahta hai. yuvavastha tak kuch n kuch rog rahta hai tatha yuvavastha ke bad safal v bhagya ka sath pane vala hota hai.
2) upveshnavastha men shani ho toah vyakti mote suje ya vayu vikar se yukt pairon vala, charmarogon se pirit, rajya se dhan hani, pita ke lie hanikarak v nitya pirit hota hai.
3) netrapani men shani ho to: jatak kam parha likha hone ke bavjud vidvan hota hai. vah murkh hokar bhi gyani v dharmik hota hai. use pittarog hota hai. krodh, agni v jal se bhay vala hota hai. use guda v joron men pira rahti hai. yadi shani kundli ke lagn ya dasham bhav men sthit ho to stri v dhan ki kami hoti hai lekin svasthya bahut achcha rahta hai.
4) prakashnavastha men shani ho to ah jatak rajya se kripa prapt kar yash pata hai. vah anek gunon se yukt hota hai. uska hriday pavitra v satvik hota hai. lekin yadi lagn ya saptam bhav men shani sthit ho to vah pakar bhi sab kho deta hai v vinash ko prapt hota hai.
5) gamnavastha men shani ho to: jatak bahut bara dhanvan hota hai. vah guni, prasiddh, dani, anek putron vala v sarvashreshth vyakti hota hai.
6) agmnavastha men shani ho to ah jatak kanjus, lobhi, dant dabakar krodh karne vala, dusron ki nitya ninda karne vala, pairon men sujan vala hota hai. yadi shani panchven ya satven bhav men sthit ho to jatak ke putra v stri ka nash hota hai aur yadi shani nauven, dashven ya barhven men sthit ho to jatak ko sabhi prakar ke sukh prapt hote hain. vah dhani v mani hota hai.
7) sabhavas men shani ho to: jatak dhanvan, putravan, har samay kitabon men khoya rahne vala, har samay vidya arjit karne vala hota hai. lekin shani shashth bhav men sthit ho aur shatru grah dvara dekha jata ho to jatak ka sab kuch barbad ho jata hai.
8) agmavastha men shani ho to ah jatak bat-bat par krodh karne vala v rogi hota hai. navam bhav men shani ho to nirantar bhagya hani, sangharsharat v yashhin hota hai.
9) bhojnavastha men shani ho to: jatak ko apach, mandagni, kam bhukh lagna, bavasir rogi, shul v netra rogi hota hai lekin shani yadi uchch ya svarashi men sthit ho to sabhi prakar se sukh pradan karta hai.
10). nrityalipsavastha men shani ho to: jatak dhanvan, dharmik, vibhinn prakar ki sampattiyon se yukt sabhi sukh pane vala, rajya se labh prapt karne vala, ranvir v shurvir hota hai lekin shani pancham bhav men sthit ho to uske sabhi putron ka nash ho jata hai.
11). kautukavastha men shani ho to ah jatak apne varishth adhikariyon ka vishvaspatra, mahadhni, dani, bhogi v karya daksh, dharmik v vidvan hota hai. lekin yadi shani pancham, saptam, navam aur dasham bhav men sthit ho to jatak ke sabhi karya bigar jate hanai aur vibhinn rogon se vah pirit rahta hai.
12.) nidravastha men shani ho to ah jatak dhanvan, vidvan, netra v pitt rogi hota hai. jatak do patni vala v kai putron vala hota hai. yadi dasham bhav men shani ho to sabhi dharma-karm nasht ho jate hai. is tarah uprokt avasthaon ke anusar sabhi grahon ka fal jancha ja sakta hai aur mul badhit grah ki bhi jankari mil jati hai. is lekh men ek bat aur bata den ki in avasthaon ka fal bhi cheshta, vicheshta v drishti ke adhar par kam ya adhik milta hai.