prashna: mukhya darvaja kahan hona chahie aur kahan bilkul nahin hona chahie? athon dishaon ka fal v upay batayen.
kisi bhi bhavan ka upyog karne ke lie usmen dvar rakhna avashyak hota hai. vastunukul sthan par laga dvar us bhavan men rahne valon ke jivan men sukh-samriddhi evan sarlta lata hai aur iske viprit galat sthan par laga dvar jivan men vibhinn prakar ki samasyaen paida kar dukh pahunchata hai. islie vastushastra men dvar ka bahut mahattvapurn sthan hai.
kisi bhi bhavan men kahan par darvaja rakhna shubh hoga aur kahan rakhna ashubh hoga? kitne darvaje rakh sakte hain? is bare men vastushastra ke purane granthon jaise vashishth sanhita, vastu pradip, vishvakarma adi men vistrit jankari di gai hai. lagabhag sabhi manak vastu granthon men agam v nirgam dvar ke sath-sath darvajon ki lanbai, chaidai v unchai ka bhi vivaran diya gaya hai.
manak granthon ke anusar ghar ke kisi bhi disha ke madhya men darvaja shubh nahin hota hai. lekin mandir, hotal, karyalay, sarvajnik sthala par mukhya dvar shubh hota hai. bhavan ke kis bhag men mukhyadvar rakhne ka kya shubh ashubh parinam hota hai iske liye bhavan ki pratyek disha ko saman nau bhagon men vibhajit kiya gaya hai. is vibhajan se kul battis bhag bante hain. har bhag ka ek devta pratinidhitva karta hai. pratyek bhag par dvar hone par nimnalikhit shubhashubh parinam milenge.
1. agnibhay, ag lagne se hani.
2. parivar men balikaon ka janm.
3. vittiya samriddhi, sanpannata.
4. rajasamman, sarkar se sahayta v sanrakshan.
5. krodh se ghar parivar man ashanti.
6. asatyabhashi, jhuthe aropon ka lagna.
7. kraru , nidarya ta arai dakhd sthitiya.
8. chori se hani.
9. putra santan ki mrityu athva bimari, ag lagne se hani, dhan hani.
10. dasta evan hinta ki bhavna.
11. shubh, dhan samriddhi men vriddhi.
12. santansukh, dhan sampannata men badhottari, parivar men bachchon ka janm.
13. atyadhik ashubh, vanshnashak.
14. kritaghnata, besharmi.
15. nirdhanata, dhan ki hani.
16. santanakasht, putra ki kshamata v yogyata ka hras.
17. santanakasht, daridrata, alpayu, faltu ke kharche, putra ko kasht.
18. shatruvriddhi, bhayajanak.
19. vittiya kasht aur putra hani.
20. dhan samriddhi badhe, putrasukh se parivar badhe.
21. sampannata, parivar ki unnati.
22. rajabhay, dhan labh.
23. dhan ki hani.
24. parivar ke logon ki asvasthata evan bimariyan.
25. dukhad mrityu, karavas, durghatanaen.
26. shatruvriddhi.
27. putra v dhanlabh, sukh v sanpannata badhe.
28. dhan labh v parivar men badhottari.
29. dharmikvritti, sab prakar ke sukh v labh milen.
30. putra se vair, dukh
31. stri men dosh, parivar men mahilaon men rog.
32. daridrata, ag lagne se hani.
uprokt sarni ke anusar 3, 4, 11, 12, 20, 21, 27, 28 v 29ven bhag men hi dvar shubh hota hai.
vastu men purva dvar sabse uttam mana jata hai. ise ‘‘vijay dvar’’ bhi kahte hain. uttari dvar bhi uttam faldayak mana jata hai. ise ‘‘kuber dvar’’ bhi kaha jata hai. atah makan ka pravesh dvar purva, uttar ya uttara-purva (ishan) men hona chahiye. pashchimi dvar madhyam faldayak aur ise ‘makar dvar’ bhi kaha jata hai. jahan tak sanbhav ho dakshini dvar banane se bachna chahiye. charon konon ke dvar ke fal nimn hain:
uttara-purvi (ishan) dvar aishvarya, labh, vansh vriddhi evan medhavi santan dene vala hota hai. atah yah atyant shubh mana jata hai.
dakshin-purvi (agney) dvar stri rog, agni bhay tatha atmaghat vala hota hai.
dakshin-pashchim (nairritya) dvar akasmik mrityu, atmaghat, bhut-pret badha tatha vyavsayik hani dene vala hai. atah ise atyant hi ashubh mana jata hai.
uttara-pashchim (vayavya) dvar mansik ashanti ke sath dhanhani bhi deta hai. iske sath hi is bat ka bhi dhyan rakhna chahie ki vayavya disha men darvaja kholte samay sadaiv pashchim, uchch sthan ke uttara-pashchim men hi darvaja khulna chahie, nahin to kai prakar ki pareshaniyon ka samna karna pad jata hai.
vast k siddhatan ansu ar bhakhdan /makan men mukhya pravesh dvar ka nirdharan nimn do prakar se kiya jata hai.
1-uchcha-nich 2. vastu purush anusar
pahle prakar arthat uchcha-nich anusar charan dishaon ko nimn do bhagon men bantte hain- pahle bhag men uttar, uttara-purva-(ishan), purva, dakshin-parvu v uttara-pashchim m khulne vale mukhya pravesh dvar shubh tatha uchch sthan vale mane jate hain. iske viprit, dusre bhag men dakshin, pashchim, dakshin-pashchim men khulne vale mukhya pavra sh dvar ashabh tatha nich sthan vale hote hain. ismen nich ke dakshin-purva v uttara-pashchim bhi ashubh mane jate hain. yah siddhant bhukhand ke sath kamron ke lie bhi upyogi hai.
vastu men yadi bhukhand ke charon konon (ishan, agney, rnaitya v vayavya) men kisi bhi kon men sadak ho to mukhya dvar do vargon ko chodakar banana chahiye. mukhya dvar sadaiv chaidi sadak ki taraf hi banana shubh rahta hai. yadi ek se adhik vikalp ho to dishaon ke sath-sath chaidi sadak v uchcha-nich siddhant rakhakar mukhya dvar ka nirman karvana shubh rahta hai kyonki vastu men mukhya pravesh dvar ka kafi mahatva hai.
bhavan nirman ke samay nivas sthan ke andar ane jane ka rasta, jahan chitra men sahi ke nishan lage hain, ke anusar rakhna chahie. jahan kraes ke nishan hain us jagah par pravesh dvar rakhne se jivan men vibhinn prakar ki pareshaniyon ke sath-sath arthik kasht bhi ate hain.
ye charon dvar, aise dvar hain, jinse mahalakshmi ki kamna ki jati hai tatha inhen 5 sal se adhik khule rahne den to vyakti ko atisanpann bana dete hain. yadi inmen se ek se adhik bar khol payen to aise makan/bhukhand shaktishali fal dete hain basharte ki ye dvar bhukhand ki bahri sima rekha par hi hone chahiye. lekin sath men yah bhi dhyan rakhna chahiye ki nirman pahle dakshin, dakshin-pashchim v pashchim disha men kiya jana chahie. aise bhukhand svami ko safal v atyant unchi sthiti men la dete hain.
yadi keval pashchimi disha men hi nirman ho arthat - dakshin ya dakshin-pashchim men nirman nahin ho to ghar men mahalakshmi ka agaman to shuru hoga parantu grihasvami lakshmi prapti ke anurup samman prapt nahin kar payega.
yadi dakshin v dakshin-pashchim m sabse bhari nirman karaya jaye to netritva v adhikar bhi mil jata hai. keval pashchim men bhari nirman se jo dhan ata hai, usmen dhan ka apavyay bhi bahut tej gati se hota hai. yadi bad ki pidhiyan vastu men parivartan kar de ta lakshmi bhi apna ghar badal late
athon dishaon men mukhya pravesh dvar ka nirman v prabhav nimn hai:
1. ishan dvar: bhukhand ke is kon (u. pu.) ki disha ka pratinidhitva brihaspati grah ke karne se ishan dvar ko vastu shastra men sarvashreshth mana gaya hai. isse svasthya achcha hone se sukh, samriddhi bhi milti hai. ismen dosh hone par upay ke rup men guru yantra ki sthapna karen.
2. purvi dvar: bhukhand ki is disha ka pratinidhitva surya grah ke karne se ismen mukhya dvar banana shreshth mana jata hai. isse dhan v vansh vriddhi hoti hai tatha jatak nirogi rahta hai. ismen yadi dosh ho to surya yantra ki sthapna kar upay karen.
3. agney dvar: bhakhdan k is kan (d.-pu.) ki disha ka pratinidhitva shukra grah karta hai jisse is disha men mukhya pravesh dvar banvane se sadaiv agni ka bhay rahta hai. atah is disha men upay ke rup men shukra yantra sthapit karen.
4. dakshini dvar: bhukhand ki yah disha yam (kal) ka pratinidhitva karti hai. atah is disha men mukhya pravesh dvar banvana shreshth nahin hota hai. atah upay ke rup men mangal yantra sthapit karna shubh rahta hai.
5. nairritya dvar: is kon men pravesh dvar banvane se rog, kasht v dhan hani hoti hai. atah upay ke rup men rahu yantra ki sthapna karen.
6. pashchimi dvar: is disha men mukhya dvar hone se amtaur se kashton men vriddhi tatha duahkh milta hai. atah upay ke rup men shani yantra sthapit karna shubh rahta hai.
7. vayavya dvar: is kon men mukhya pravesh dvar banvana samanya shreni arthat madhyam rahta hai. yadi upay karna chahen to chandra yantra sthapit karna chahiye.
8. uttari dvar: is disha men mukhya dvar banvane se sukh-samriddhi, aishvarya, dhan adi ki prapti hoti hai. jaise dakshini disha apki ashubh hai to iske thik samne uttari disha kuber ki mani jati hai. uttar dhan-lakshmi ki disha hai aur labh ke liye budh ke sath kuber v lakshmi yantra ki is disha men sthapna karen.
mukhya pravesh ‘‘dvar vedh’’ prabhav, sujhav: yadi dvar ki map shastrokt n ho ya nap men kam ho ya fir dvar adha khandit ho athva dvar ke samne hain. kuch vedh dvar ke fal nimn hain-
1- yadi dvar ke samne ped ho ya yantra se viddh ho to dhan ka nash karne vala hota hai.
2- yadi vriksh se vedh ho to balkon (santan) ko kasht hota hai. yah vedh, vriksh ki lanbai se duguni duri tak hota hai.
3- kisi bhi marg ka antim bhukhand ya aisa bhukhand jo kisi anya marg dvara vedhit ho ya sadharan bhasha men kahen to ‘jsh par pad raha ho to jivan sangharshapurn hota hai. ise vithishul bhi kahte hain.
4- mukhya dvar ke samne sidha rasta arthat ‘jsh nahin ho to yah grihasvami ke lie ashubh hota hai.
5- ghar ka mukhya dvar raste se viddh ho arthat yadi rasta bhavan ke mukhya dvar par samapt ho to grihasvami ko kasht, santan ko taklif hoti hai. akasmik durghatana yog banta hai.
6- yadi dvar ke samne bichon-bich khanbha ho to striyon men charitrik dosh a jata hai.
7- yadi darvaje ke samne lagatar pani bahta rahe to grihasvami ka apavyay hota hai.
8- yadi kichad ya nala ho to rogon ki utpatti ke alava ghar ke sadasyon men apsi manmutav v khinchtan hoti hai. sab apne-apne svabhavavash svatantra rup se bina ek-dusre ki salah se kam karte hain. shok bhi hate
9- dvar ke samne kuan ya haindpanp ho to mirgi ke daure ya pagalapan rog hota hai.
10- yadi ghar ke dvar ke samne mandir ka dvar padta ho to vinash hota hai. (mirgi/atisar)
11- vishnu, surya v shiv mandir ke samne ghar ka hona ashubh hai.
12- dvar apan ap khalu jae ta unmad ya matibhram aur apne ap band ho jaye to koi anisht jaise kulnashak hota hai tatha donon hi sthiti men svatah band ho ya khule to bhavi santti par bhi pratikul prabhav padta hai.
13- yadi darvaja adanr ki taraf latka ho to grihasvami ke arisht ka aur yadi bahar ki or latka ho to nirantar videsh pravas karvata hai.
14- yadi pavra sh dvar jamin s ragad khata hua khule ya band ho to bahut kasht ke bad dhan agaman hota hai.
15- yadi pravesh dvar praman se uncha ho to rog, rajabhay v sarkari vibhag se pareshani hoti hai.
16- praman se chota dvar ho to dhan hani, dukh, ghar ki vastuen chori chale jane ka bhay rahta hai.
17- yadi pravesh dvar donon saman motai ke nahin hon arthat ek kapat (palla) patla v dusra mota ho to ghar men kisi bhi sadasya ko bhukh pida v di-haidreshan (pani ki kami) tatha raktalpata (khun ki kami) ho jati hai.
18- yadi dvar ke pilar chote-bade ho jaen to shubh fal ko rok dete hain. jaise- sagai tutna, shadi men vilanb adi.
19- yadi pilar men darar pade ya jod khule to danpatya jivan kashtamay hota hai.
20- yadi dvar men jod ho to grihasvami ko dukh, kasht, pida deta hai. dvar men chidra ashubh hai.
21- pavra sh dvar upar dvar amgan lakari hota hai tatha ise’’ yamraj ka mukh’’ kahte hain yadi niche ho to bhi dukhad rahta hai.
22- yadi dvar ke upar dvar banvana pade to upar ka dvar niche se chota ho.
23- niche ke dvar se upar ka dvar dvadshansh chota hona chahiye. isi tarah niche ke mahal se upar ke mahal ki unchai dvadshansh kam honi chahie. dvar ke upar dvar v dvar ke samne dvar arthat amne-samne ashubh hote hain tatha dhan ka apavyay karne vale evan daridrata karak hote hain.
24- ghar ke madhya bhag men dvar banane par kulnash, dhan-dhanya nash, stri ke lie dosh v ladai-jhagda hota hai tatha anek shok v dukhad fal prapt hote hain.
25- jis ghar ke age aur piche ki donon divaron ke darvaje apas men viddh hote hain, vah grihasvami ke liye ashubh, dukhad rahta hai. vahan sthapit kisi bhi vastu ki vriddhi nahin hoti hai.
26- chaikhat ek taraf choti v dusri taraf badi ho ya anupat men n ho tatha dvar tedha ya khandit ho to ashubh hai.
27 kothi ya bhukhand vale makan ke pravesh dvar ke thik samne dusre ka pravesh dvar vedh hai. dhan-dhanya ka vinash hota hai. parantu flaits men ek ka mukhya dvar, dusre flaits ke mukhya dvar ke samne hona dvar vedh nahin mana jata.
28- mukhya pravesh dvar ko adhik bada nahin banvana chahiye lekin ise ghar ke kamron ke anya dvaron se avashya bada banana shubh rahta hai. mukhya pravesh dvar aisa hona chahie ki iski unchai, dvar ki chaidai se duguni ho. aisa dvar ‘‘mukhya adarsh pravesh dvar’’ kahlata hai. yadi sanbhav ho to mukhya dvar ki chaidai 4 fit se kam n rakhen tatha unchai 8 fit shubh rahegi.
29- bahut chote ya sankre pravesh dvar hon to parivar ke sadasyon men mansik tanav deta hai.
30- darvaja kholte ya band karte samay kisi bhi darvaje ka avaj karna ashubh rahta hai.
31- ghar ke sabhi dvar do palle (kapat) vale han. yadi sabhi dvar aise n banaye ja saken to kam se kam mukhya pravesh dvar, pujan v mukhya shayan kaksh ke dvar avashya do palle vale hona shubh hai.
32- mandir hone se grihasvami ka anisht aur balkon ko dukh hota hai.
33- shmashan ho to pishach bhay hota hai.
34- chaya hone se nirdhanata ati hai.
35- gaddha ho to dhanhani, virodh v kalah hota hai.
36- bavdi ho to daridrata, atisar, sannipat adi hote hain.
37- dhvaja se dravyanash tatha rog, divar hone se garibi tatha chabutra hone se arisht hota hai.
38- shila hone se shatruta tatha pathri rog hota hai.
39- kumhar ka chakra ho to hriday rog hota hai.
40- okhli v pardesh vas se nirdhanata hoti hai.
41- bhasm se bavasir tatha dimak ki banbi hone se pardesh gaman, kisi makan adi ka kona ho to durgati tatha mrityubhay, bhatthi ya avan ho to putra nash hota hai.
dvar ki akriti: mukhya pravesh dvar v anya dvar ko sadaiv ‘‘aytakar’’ rakhna hi shubh hota hai. anya dvaron men tikona ya trikonatmak dvar nari ko pida, shaktakar dvar svami ko bhay dane val, saryu k saman dvar-dhan nashak, dhanushakar dvar- kalhkari naya chartul ya vrittakar dvar adhik kanyaon ko janm dene vale hote hain adi.
1- mukhya pravesh dvar bahar ki apeksha andar khulna chahie, nahin to rog v asvasthata badh jati hai.
2- yadi kivad ke jod gadabad han to grihasvami kai kasht jhelta hai. parivarik shanti bhi bhang ho jata hai.
3- mukhya pravesh dvar bahut bada aur bahut hi sankra/chota ashubh hota hai. iska akar ghar ke anupat men hi hane chahiya jasai ki upar bataya gaya hai. tulna men bada dvar parivar men matbhed badhata hai tatha isse ‘‘chi’’ urja bhi simit hoti hai.
4- mukhya pravesh dvar, yadi piche ka dvar hai, ta isas akar m kuch bada hane chahie arthat piche dvar chota hona chahiye. isse ‘chi’ urja asani se ghar men pravesh kar sake aur kuch der thahre, uske bad hi bahar jaye.
5- bhavan ke bahar se dekhne par mukhya pravesh dvar ki sthiti bhavan ke bayin or honi chahie taki draigan dvar ki suraksha kar sake.
6- bhavan men age aur piche ke dvar thik amne-samne nahin hone chahie. isse sakaratmak urja pravesh karne ke sath hi bahar nikal jayegi.
7- age aur piche ke dvar ke bich men kristal latkakar ‘‘chi’’ urja ko adhik samay tak ke liye thahraya ja sakta hai.
8- mukhya pravesh dvar par ghar ke mukhiya (grih svami) ki nem plet lagana ati shubh hota hai.
9- mukhya pravesh dvar ke as-pas andar ya bahar ke bhag men akhbar ki rdadi, kabad ya tuta-futa saman, jute-chappal, jhadu, dastabin, adi kam avashyak saman n rakhan, iske rakhne se jivan men pragti ruk jati hai.
10- mukhya pravesh dvar ke bahar svastik ya rangoli ya chote-chote paudhe gamle men lagana shubh rahta hai. kante vale padh jasai nagfni, galub, kakai tas v dadh nikalan val adi tatha baunsai tatha bel adi paudhe n lagayen. svastik men alag ganesh murti ya anya shubh sanket chihn lagana shubh rahta hai. isse ghar, buri najron se bacha rahta hai. iske liye pakua darpan ka bhi upyog kar sakte hain.
11- chunki mukhyapravesh dvar ghar ka ayna hota hai. atah use akarshak banane ke liye apni srijnatmak kshamata ka upyog karna chahie. mukhya dvar k pas tulsi ka paudha vastuanusar shubh, uttam rahta hai.
12- mukhya dvar hamesha chaikhat vala hona chahiye. aj ke vartaman daur men adhikatar gharon men chaikhat ki bajay tin said vala dor frem lagaya ja raha hai. jo ki vastuanusar shubh nahin hai. is vastudosh ko dur karne ke liye lakdi ki patli patti ya vudan floring men istemal hone vali patli si vudan tail ko mukhya dvar par farsh k sath chipka dane s upay ho jata hai.
13- yadi ghar ka mukhya, pravesh marg, dvar se chota v sankra hai to yah vastudosh vali ashubh sthiti hai. isse bhagya v dhan men kami rahegi. atah upay ke rup men ghar ke mukhya pravesh marg par das gol ghere banakar usmen hari ghas laga di jaye to is dosh ka nivaran hokar bhagya, dhan (lakshmi) ki barakat hogi.
14- ghar ke mukhya dvar ke upar ek roshndan avashya lagana chahiye, jo sadaiv khula rahe. ise kanch se band bhi nahin karna chahiye, kyonki yah shivji ke tisre netra ki bhanti karya karta hai jo ki pure parivar ki unnati v khushi lata hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!