aprail mah men pandit ji ko paharganj sthit ek bahut bare/prasiddh lakri ke vyapari ne bulaya. vastu nirikshan ke dauran unhonne bataya ki ve log bahut samay se mukdmebaji, dhan ki kami v bimari se pareshan hain. donon larkiyon ki shadi men bahut vilamb hota ja raha hai. plaivud ki dukan bhi thik se nahin chal rahi hai.
lagatar barhte nuksan ke karan ghar ko bhi bechna chahte hain parantu bharasak prayatnon ke bavjud saflta nahin mil rahi hai. sab kuch karne ke bad ant men ham bahut ummid se apko sanpark kar rahe hain. kripya batayen kya vastu dvara koi samadhan sanbhav hai.
vastu nirikshan ke samay paye gaye dosh :
- dakshin-pashchim men ghar ka dvar dhan hani ka ek mukhya karan hai tatha ise bikne nahin deta.
- uttara-purva men shauchalay v iske upar chat par pani ki tanki ke karan hamesha mansik tanav v dhan ki kami bani rahti hai, udhar fans jata hai tatha paisa tut-tut kar ata hai.
- sirhi ke niche motar v vash besin ka hona, bikri men kami v larkiyon ke bhagya men rukavat banta hai.
- sirhi ka niche se band hona, sirhiyon ke bich dakshin-pashchim men shauchalay bahut bara vastu dosh hai. yah mukdmebaji ke karan vyapar ko band kar sakta hai tatha ghar ki bahan betiyon ke liye atyant hanikarak hai.
- rasoi uttara-pashchim men ho sakti hai parantu thora hissa uttar men ana apsi matbhed barhata hai.
- rasoighar men chulhe ka dakshin-pashchim-dakshin men hona striyon ko bimar karta hai aur visheshtya sarvaikal v kandhon men dard bana rahta hai.
- dakshin-pashchim men sirhiyan dhan v svasthya ke liye achchi hain parantu sirhiyon ke samne laga shisha (mirr) unke achche asar khatm karke apsi man mutav, vyarth ke kharche v bimari deta hai.
upay :
- mukhya pravesh dvar par dahlij banayen v usko pila pent karen. uske niche chandi ki strip lagana aur chaikhat ke upar tin chote pile piramid lagana aur bhi adhik labhdayak siddh hoga.
- sirhiyon se mirar hatakar kahin bhi uttara-purvi/purvi divar par lagayen parantu usmen bed najar nahin ana chahie.
- shauchalay, motar v vash besin ko bhi sirhiyon ke niche se turtan hatayen. chunki yah dukan ke staf v grahkon ke liye hi hai, ise dukan men dikhaye gaye sthan par uttara-pashchim men bana sakte hain, apratyashit labh ki garanti hai.
- chat ki pani ki tanki ko sirhiyon ke najdik vale shauchalay ke upar sthanantrit karen. dhan ke avagaman men ashcharyajanak sudhar hoga.
- rasoi men ag ko rasoi ke dakshin-purva men purvamukhi rakhen ghar men shanti barhegi v bimari jarur kam hogi.
prashnah- kripya die gae plaet ki vastunurupta ke bare men batane ki kripa karen. is dakshin-pashchim mukhi plaet ke samne bara park hai. bildar ka stilt ke upar pratham tal ham lena chah rahe hain. - charu khemani, thane maharashtra
uttarah- priya charu, ghar ke liye nairritya mukhi plaet akhiri vikalp hona chahie. aise plaet ka age se terha hona (dakshina/dakshin-pashchim kata hona) anavashyak vivad, har kam men deri adi nakaratmakata ko aur barhata hai. kichan ka purva kata hona striyon ke svasthya ke liye hanikarak hai. piche donon shauchalyon ka adhikansh bhag uttara-purva (ishan) men hona bhi bhari kharch v mansik ashanti ka karan hai. sirhiyan dakshin-purva men thik hain parantu lift ka dakshin me hona pit (gaddha) hone ke karan kharcha v bimari barhata hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!