prashnakatrta jab prashn se sanbandhit kard nikalta hai ya niklvata hai to jo bhi kard niklta hai vah prashnakatrta ko riperajent karta hai. uski samasyaen v gun usi kard men nihit hoti hain. man lijie kisi prashnakatrta ka kard seshan men ‘di ful’’ kard nikla to jo visheshtaen ‘di ful’ kard ki hain vahi visheshtaen prashnakatrta ki bhi hongi. ‘di ful’ kard tairo dek men mejar arkana ka annanbard kard hai isko jiro (0) nanbar kard ka nam diya gaya hai. mejar arkana men kul 22 kard hain jismen 21 kard nanbard kard hain lekin 22 ven kard ‘di ful’ ko koi nanbar nahin diya gaya. isliye is kard ko annanbard v jiro (0) kard kaha gaya hai. ‘di ful’ kard men ek yuvak pahari raste par laprvahi se ja raha hai, har taraf se bekhabar ki uske raste men kya-kya taklifen ane vali hain. ek kutta uske piche-piche a raha hai jo use kat bhi sakta hai. uske pair men chappal bhi nahin hai.
usne ek lathi par ek potli bandh kar apne kandhe par latka rakhi hai. sir par pagri nahin hai, paise nahin hain par vah masti se age barha chala ja raha hai. yah kard jis vyakti ke liye nikla hai yah sinbal hai uske liye ki vah vyakti kisi naye kam ki shuruat karne ja raha hai. vah vyakti behad sidha sada hai, isse anjan ki uske raste men kya-kya badhaen ane vali hain. vah apna kam karta rahta hai. usko koi dhokha bhi de sakta hai, usko dusre log thag sakte hain, nuksan pahuncha sakte hain. usko koi chot pahuncha sakta hai. yah chot dil par bhi lag sakti hai aur vah pareshani men par sakta hai. usko koi arthik hani bhi pahuncha sakta hai. aisa vyakti bas apna kam karta rahta hai bina yah samjhe ki iska anjam bura bhi ho sakta hai. vah jis sachchai v imandari se kam karta hai ya dusron se vyavhar karta hai
vah sochta hai dusre log bhi mere jaise hi hain, par vastav men aisa nahin hota. apne charon or ki pathrili rahen, kanton, badhaon, baik baitars, dushmanon ko vah dekh nahin pata. kuch log aise insan ko murkh samjhte hain aur apna kam nikalne ke lie uska istemal karte hain aur us par hanste bhi hain ki hamne usko murkh bana diya. agar prashnakatrta ya jiske liye prashn pucha gaya hai aur kard seshan men uske liye ‘di ful’ kard niklta hai to kuch chalak usse apna kam nikal lete hain par samay ane par uski koi madad nahin karte hain. agar vah yuva hai, paise vala hai to uske dhan par dusre log aisa karte hain tatha uski jarurat par kanni kat lete hain. agar vah naukri men hai to kuch log uski sadgi ka anavashyak labh uthate hue apne hisse ka kam bhi usse karva lete hain tatha samay ane par uska sath n dekar balki usko nicha dikhate hain
baes se uski shikayat kar sakte hain. shadi-shuda jindgi men bhi patni us par havi rahti hai, uski bat nahin sunti, apni chalati hai. parivar men bhi bhai-bahan usse apni bat manva lete hain, uski sahridyta ka anuchit labh uthate hain. mata-pita bhi usse hi adhik apeksha rakhte hain. agar yah kard kisi stri ka nikle to uske sasural vale use daba sakte hain, pati bhi usse apni hi bat manvayega uski bat nahin manega. agar ek aisa yuvak jise bure yuvkon ka sang mil gaya to buri sangat se yuvak ke charitra ka hanan bhi ho sakta hai kyonki saral hriday ke vyakti par dusron ki achchi ya buri sangat ka asar jaldi parta hai. buri sangat ke karan uska svasthya bhi kharab ho sakta hai
uske khane-pine ki galat adton ke karan. arthat yah ki jivan ke har kshetra men log uske sidhepan ka labh utha kar usko nuksan pahuncha sakte hain. iska sidha arth to yah hai ki aisa vyakti sachcha/imandar, baron ka agyakari v sahridyi hai, par rinatmak arth men uske is gun ka labh utha kar dusre log usko hani pahuncha sakte hain. aise vyakti ko savdhan rahne ki avashyakta hai. charon taraf chaikanna rahakar hi vah vyakti safal v sukhi banakar rah sakta hai.