pan0 gopal sharma ji ke amrika daure men unke seminar men ae ek gujrati pravasi bhartiya shri khamir patel ne apne ghar ka vastu dekhne ka agrah kiya to pandit ji unke kori lek (florida) sthit ghar men vastu parikshan karne ke lie gae. unhonne bataya ki pichle kai salon purva jab se is ghar men ae hain anchahe kharche, karyon men rukavten, bachchon ke svasthya men giravat, vaicharik matbhed tatha mansik tanav bana rahta hai. unhonne ek plaet kharida hua hai jo ki vahan ke sabse pratishthit sthan par hai par vah n to ghar banva pa rahe hain aur n hi vahan ja pate hain. unka achal sanpda v bhavan nirman ke kshetra men kafi nam hai tatha unke bahut achche achche klaintas hain par kai bar unse n chahte hue bhi man mutav ho jata hai.
vastu parikshan karne par pae gae vastu dosh:
1 uttara-purva ke kone men unhonne paltu kutton ke rahne ka kamra banaya tha. is kone ke band hone se sabhi or se badhaon ka samna karna parta hai. bachchon ke vikas evan unke svasthya men hani ke sath arthik v mansik samasyaon ke utpann hone ki vajah se jivan men sukh shanti ka abhav ho jata hai.
2 dakshin-pashchim men gairaj age ki or barha hua tha jisse bilding aniyamit akar ki ho rahi thi. is disha ke barhne se ghar men anchahe kharchon ke alava ghar ke malik ke jivan men bhi sankat bana rahta hai. uttar pashchim ka kona bhi barha hua tha jo ki yojnaon ko karyanvit hone men vilamb tatha anavashyak man mutav ka karan hota hai. - rasoi men gais evan sink (ag v pani) bhi amne-samne the jo ki parivar men vaicharik matbhed ka karan hote hain. dakshin men mukh karke khana banane se khana banane vale ki svasthya hani hoti hai. kamar v kandhon men dard rahta hai.
sujhav:
- uttara-purva ka kona khulvaya gaya. kutton ke rahne ke lie dakshin ki divar ke sath chota sa kamra banvaya gaya.
- baithak ki divar ko age ki or barhakar tatha mukhya dvar ke upar plastik ki shit lagakar use gairaj ki chat se jorne ki salah di gai taki ghar aytakar ho sake.
- rasoi men gais ko dakshin-purva men sthanantrit karvaya gaya. pandit ji ne unhen ashvasan diya ki sabhi sujhavon ko karyanvit karne ke pashchat unhen jaldi hi avashya labh milega tatha sabhi ruke hue kam banakar jivan men sukh, shanti v samriddhi ki vriddhi hogi. rashna: pandit ji, sadar pranam main ek sadharan parivar se hun aur jivan men ai samasyaon se kafi pareshan hun. ghar men arthik samasya bani rahti hai tatha koi n koi avashya hi bimar rahta hai.
apas men matbhed rahne se mansik tanav bana rahta hai. kripya hamare ghar ka naksha dekhakar apna paramarsh dekar hamen kritarth karen. rakesh kumar, chapra (bihar) uttara: apke ghar ke dakshin-pashchim ki a er ti. pvaint tatha k ua n, uttara-pashchim men haindapamp tatha uttara-purva men rasoi hona hi apki sabhi samasyaon ka karan hai. uttara-purva men rasoi bhari kharch v vaicharik matbhed ka karan hoti hai. rasoi ko purva men bane kamre ke sthan par sthanantrit karen.
uttara-pashchim men lage haindapamp ko turant band karake gaddhe ko achche se bharvaen tatha boring ya haindapamp ko uttar men lagvayen jisse apki arthik samasyaen bilkul khatm ho jaengi tatha ghar men prem evan samanjasya badhega kyonki dakshin-pashchim men bane kuen v ti pvaint ko badlna hamare hath men nahin hai, piche ki divar par kanvaiks pakua shisha lagane se tatha piche ki divar par lal tatha safed lain ka pent karane se inke nakaratmak prabhav ko kuch kam kiya ja sakta hai. uttar ki or se charh rahi sirhi ko bhi pashchim ki divar se charhana uttam hoga.
jivan men jarurat hai jyotishiya margadarshan ki? abhi bat karen fyuchar point jyotishiyon se!