kya hai tairo kard tairo vastav men chitron ke madhyam se bhavishya janne ki kala hai. jis tarah se hathon ki rekhaon ya kundli ke dvara jyotish shastra men bhavishya jana jata hai usi tarah yah vidha sanket, chitra, ank, rang jyotish tatha panch tatva jal, agni, vayu, prithvi aur akash adi ke dvara manav jivan ki uljhnon ko suljhane men sahayak hai. yah vidha ek sath ankshastra, rang chikitsa tatha jyotish ka kombineshan hai. ismen har rang, chitra aur ank ka ek nishchit arth hai. tairo men 78 kard hote hain. 22 mejar kard aur 56 mainar kard hote hain. inmen 14-14 ke set hote hain. yah set pani, ag aur vayu adi ka pratinidhitva karte hain. kaise jana jata hai bhavishya tairo kard vidha ke anusar hamara bhavishya hamare hi avchetan (sabkanshs) men fid hota hai. jaise gita ke anusar ham sabke man men ek sankalp hota hai aur ham use avashya pura karte hain. vaise hi tairo kard kahta hai
ki hamara bhavishya hamare hi bhitar surakshit hai, hamen bas use parhna hai. yah ek brij hai jiske dvara ap apne sabkanshas se jurte hain. bhartiya pariprekshya men yah vidha adhyatmikta se jur kar aur adhik vishvasniya ho jati hai. kaise puchen prashn aur janane tairo bhavishyavani sabse pahle ap jo bhi prashn puchna chahte hain use ek bar apne man men achchi tarah se dohra len ya adhik spashtata ke lie prashn ko kisi kagaj par likh len. iske bad ‘kard chunen’ ek ke bad ek kar tin kards chunen. pahla kard apke prashn puchte samay ki manahsthiti ko darshata hai. dusra kard apko apki ichchaon ki purti ke lie jo prayatn karne honge, unhen batata hai. tisra aur antim kard apko parinamasvarup apke prashn ka uttar deta hai. kitne pratishat sahi hoti hai tairo kard riding yah is bat par nirbhar karta hai ki prashnakarta ki manahsthiti kitni anukul hai. agar kard uthate samay koi pareshani hai, sandeh ya udvignata hai to kard bhi kanfyujing a sakta hai. jaruri hai ki kard pik karte samay vyakti ekadam blaink yani kore kagaj ki tarah ho. bina kisi ashanka aur purvagrah ke pavitra bhav se puche gae prashnon ka uttar 90-99 pratishat sahi hota hai.
kin kshetron ke lie upyukt hoti hai tairo kard riding jivan ke kisi bhi kshetra ke lie upyukt ho sakti hai. khasakar jab apki nirnay kshamata kamjor ho rahi ho tab yah apke sahi rasta chunne men maddgar sabit hoti hai. aksar dorahe par khare hokar hamen yah nahin samajh ata ki ham kis rah ko apnaen tab tairo apki ulajhan dur karta hai. kriket maich, jua, satta adi men shat-pratishat bhavishyavani ki garanti nahin hoti kyonki 11 logon ki urja ek sath nahin parhi ja sakti hai. han, itna avashya hai ki kisi khilari-vishesh ka pradarshan kaisa rahega, yah bataya ja sakta hai. tairo se sabse jyada puche jane vale prashn iske prati yuva varg men jabardast akarshan hai. lav laif aur kariyar se sanbandhit prashn sabse jyada puche jate hain kyonki tairo batata hai ki apka pahla kadam sahi hai ya galat. ham sabhi jante hain ki jivan men is pahle kadam ka hi mahatva hota hai. mahatvapurn kards men bhi sakaratmak aur nakaratmak donon tarah ke kard hote hain jo vyakti ke bhavishya aur usse juri baton ki or ishara karte hain. yadi kaha jae ki tairo samadhan ke rup men hai to koi atishyokti nahin hogi.
yadi vyakti ke saval ke javab men samanya kard bhi niklte hain to bhi bahut sari jankariyan mil jati hain. yadi mahatvapurn kard niklta hai to us kam ke hone ki sanbhavnaen jyada prabal ho jati hain. tairo kard rashi se apka kariyar jis prakar jyotish shastra dvara vyakti ke bhut, vartaman, bhavishya ke anchue pahluon ko jana ja sakta hai. usi prakar tairo kard dvara bhi vyakti apne bhut, vartaman v bhavishya ke anek pahluon jaise- svasthya, shiksha, kariyar, vaivahik jivan, vyapar, mata-pita v anya rishton ke bare men jan sakta hai. kariyar ko sajane-sanvarne ke mauke yadi vyakti chuk gaya to uski arthik tarakki ko grahan lag jata hai jisse jivan men kai prakar ki kathinaiyan v pareshaniyan ane lagti hain. kariyar ko nikharne hetu ap tairo kard rashi ke anusar rojgar ke kshetron ka chunav kar sakte hain. isse sanbandhit kshetron men man lagega tatha saflta ke karib pahunchenge. mesh - (21 march se 20 aprail ) tairo kard men mesh rashi ko emparar darshata hai. yah mejar arkana ka chaitha kard hai. is rashi ke jatkon ko tairo ke anusar nimn vishyon ko kariyar nikharne hetu chunna chahie jaise- prabandhan, prashasan, kanun, kala, vitt, bainking, vanijya, sainya adi kshetron men is kard ke jatak saflta ka paracham lahra sakte hain. vrishabh - (21 aprail se 20 mai ) vrishabh rashi ko tairo kard men hairofaint darshata hai. yah mejar arkana ka panchvan kard hai.
tairo ke anusar is rashi ke jatkon ko safal kariyar hetu chikitsakiya vigyan, kala, adhyatm, suchna praudyogiki, kanun, prashasnik seva, sivil seva, vyapar adi rojgaraparak vishyon ka chunav karna chahie. tairo ke anusar ye ek safal vyapari, dharmik astha vale aur nyay priya tatha mehanatakash hote hain. mithun - (21 mai se 21 jun ) mithun rashi ko mejar arkana ka chatha v lavar kard darshata hai. is rashi ke jatkon ko apne kariyar men unnati pane hetu tairo ke anusar sahitya, sangit, taknik, saundarya, adhyapan, sainya, lekhan, vanijya, vyapar, vitt, sarkari sevaon se sanbandhit vishyon ko chunna chahie. is rashi ke jatak sangitagya, buddhiman, aur sajhe ke vyapar men bari nipun ata se safal hote hain. kark - (22 jun se 22 julai) tairo men kark rashi chairiyat hai. yah mejar arkana ka satvan kard hai. is rashi ke jatkon ko kariyar chamkane hetu prabandhan, vanijya, arthashastra, chikitsakiya vigyan, suchna praudyogiki, prashasan v sivil sevaon ke vishyon ka chunav karna chahie. is rashi ke jatak kala me nipun v yogya tatha pragtishil hote hai. sinh - (23 julai se 23 agasta) sinh ko tairo men strenth kard darshata hai.
yah mejar arkana ke athven nanbar ka kard hai. is rashi ke jatkon ko tairo ke anusar apna kariyar sanvarne hetu vitt, bainking, suchna praudyogiki, taknik, prabandh an, kanun, nyay, dharmashastra, chikitsa vigyan adi vishyon ka chunav karna chahie. is rashi ke jatak tairo ke anusar himmat v josh se paripurn hote hain tatha shatru ko parajit karne ki kshamata rakhte hain. ye karya-kushal v nirnay lene men daksh hote hain. kanya - (24 agast se 23 sitanbar ) tairo kard men kanya rashi ko harmit ka kard darshata hai. yah mejar arkana ke antargat nauven nanbar ka kard hai. is rashi ke jatkon ko apne kariyar ko ujjval banane hetu kanun, taknik, chikitsa, sahitya, shodh, adhyapan, prashasan, sainya v patrakarita tatha utpadan se sanbandhit vishyon ka chunav karna chahie. tairo ke anusar yah svayan ke vyapar men safal hote hain. ye kushal vakta, buddhiman tatha sankat men himmat se kam lene vale hote hain. tula-(24 sitanbar se 23 aktubr) tula rashi ko jastis kard se jana jata hai. ise mejar arkana ke gyarhven nanbar ka kard mana gaya hai. tairo kard ke anusar sukhad kariyar hetu ap kala, sahitya, vigyan, suchna praudyogiki, vanijya, takniki, rajniti, adhyatm, kanun ke vishyon ko chun sakte hain. tairo ke anusar is rashi ke jatak nyayapriya aur netritva ki kshamata rakhte hain. vrishchik - (24 aktubar se 22 navanbar ) tairo kard ke antargat vrishchik rashi ko mun se jana jata hai.
yah kard mejar arkana ke atharhven kard ke rup men darshaya gaya hai. kariyar ko saflta ke sopan par le jane hetu tairo kard ke anusar ap takniki, sainya, prashasan, vanijya, kala, dava v yantrik vastu banane se sanbandhit vishyon ko chun sakte hain. vitt v vyapar ke kshetron men tairo ke anusar is rashi ke jatak tarakki karte hain. dhanu - (23 navanbar se 21 disanbr) dhanu rashi ko tairo ke antargat taimperens kard se darshaya gaya hai. yah mejar arkana ka athvan kard hai. tairo ke anusar is rashi ke jatkon ko jivan men kariyar ko nikharne hetu adhyapan, kanun, prashasan, kala, sahitya, saundarya, sainya, suraksha, prabandhan ke vishyon ka chunav karna chahie. is rashi ke jatak sahsi tatha vivekpurn karya sanchalit karne vale hote hain. anyay sahna inke lie kathin hota hai. makr-(22 disanbar se 21 janvri) makar rashi ke jatkon ko tairo men devil kard se darshaya gaya hai. yah mejar arkana ke chaidhven kard ka pratinidhitva karta hai. makar rashi ke jatkon ko kariyar men saflta ke shikhar tak pahunchne hetu lekhan, takniki, vanijya, suchna praudyogiki, nyayik v kanuni suraksha, adhyapan adi vishyon ka chunav karna chahie. tairo ke anusar is rashi ke jatak mehanatakash hote hanai.
inhen sahpathiyon se miljul kar chalna chahie. kunbh - (22 janvri se 19 farvri ) tairo men kunbh rashi ko star kard se darshaya gaya hai. yah mejar arkana ka satrahvan kard hai. tairo ke anusar kunbh rashi ke jatak apne kariyar ko safal banane hetu vanijya, vanaspati vigyan, ganit, kala, prabandhan, chikitsa shastra, adhyapan adi ke vishyon ka chunav kar sakte hain. min - (20 farvri se 20 march ) min rashi ko tairo men pej auf kap ke kard se darshaya gaya hai. yah mainar arkana ke kard ka pratinidhitva karti hai. yah kard rishte aur jatkon ke hav-bhav ki sthiti ke sath kariyar ko sanvarne hetu kanun, suchna praudyogiki, taknik, saundarya vigyan, vitt, kala, sainya, prashasan, prabandhan adi ke vishyon ke chunav ki or ishara karti hai. tairo ke anusar is rashi ke jatak nyayapriya, sahsi tatha sudaul hote hain.