prashna: tara dubne se kya tatparya hai? iski ganna kaise ki jati hai? shukra aur guru ke ast hone ko hi tara dubna kyon mana jata hai? iske shubhashubh fal kya hain tatha ismen kaun-kaun se shubh karya varjit hain?
tara dubne ka tatparya tara ke ast ho jane se hai. jaise surya ka uday aur ast hona. khagol ke mutabik surya prithvi ke sabse najdik ka tara hai jo apne hi prakash se chamkta hai. anya grah surya ke prakash se hi prakashit hote hain.
bhartiya jyotish men guru evan shukra grah ko tara mana gaya hai. inke ast ho jane par bhartiya jyotish shastra kisi bhi nar-nari ke vivah ki anumti nahin deta. jyotish ke granthon men is bat ka ullekh milta hai ki rigved ke anek mantra yah sanket dete hain ki har bis mahinon ki avdhi ke dauran shukra nau mahine prabhat kal men arthat pratah kal purva disha men chamkta hua drishtigochar hota tha jiske adhar par rishi maharshi adi snan dhyan ka samay gyat kar apna dainandin karya samay par sucharu rup se sanpadit kar lete the.
guru evan shukra ke udyast ke sanbandh men vaidik sahitya se bhi yah gyat hota hai ki guru do se tin mah tak shukra ke aspas hi ghuma karta tha. is avdhi men guru kuch dinon tak shukra ke atyadhik nikat rahta hai lekin shukra ki apni svabhavik tej gati ke karan guru piche rah jata hai aur shukra purva disha ki or barhte hue age nikal jata hai jiska parinam yah hota hai ki shukra grah ka purva disha ki or uday hota hai.
is astoday ki karya pranali ke purva itna jarur nishchit rahta hai ki kuch samay tak ye donon grah sath-sath rahte hain. shukra grah prithvi se solah karor evan surya se sat karor mil ki unchai par hai. ismen jal ka bhag atyadh iak hone ke karan yah shvet varniya hai. shukra ka arth sinchne vala hai. iske balabal ke anurup hi purush viryashali ya balviryahin hota hai. yahi kabhi sham ke samay aur kabhi subah asman men chamkne ke karan sanjh ka aur bhor ka tara kahlata hai.
jab shukra grah prithvi ke dusri or chala jata hai tab ise shukra ka ast hona ya dubna kahte hain. shukra ke dubne par shubh karya varjit hain. taragan ka samuday grahon ke sath sath pashchim ki or paribhraman karte hue pratit hote hain, kintu shighragami nakshatron ki tej chal ke karan grah piche ho jate hain evan ve purva ki or jate hue dikhai dete hain. inki purva ki or age barhne ki gati saman hi rahti hai lekin grahon ki kakshaon ka alg-alag vistar hone ke karan inki gati bhinna-bhinn dikhlai deti hai.
shukrody-guroday kal :
1. shukra grah ya shukra tara purab men 8) mah udit rahta hai. 2) mah surya mandal men aur iske pashchat 9 mah pashchim men udit hota hai. punah 10 din surya mandal fir purva men uday hote hain. shukroday kal men yada kada, atichar hone ki vajah se 1 din, 2 din athva 7 dinon se adh iak ka fark par jata hai.
2. guru tare ka surya se 12 ansh ke antar par ast hota hai. 12 ansh ke antar ki purti par agle 12 ansh ka tyag kar age barhne par udit hota hai. iski avdhi 32 din ki hai. guru shukra ka bal vriddhatva kal evan dosh
3. shukra ka uday purva men hone par vah 5 din v pashchim men hone par 7 din tak balyavastha men rahta hai. bal avastha men rahne par karya ka nash karta hai.
4. shukra purva men ast ho to 5 din hone se purva aur pashchim men ast ho to 5 din ast hone ke purva vriddhavastha men rahta hai. yah bhi karyanashak mana gaya hai.
5. guru ka bhi balvriddhatva dosh shukra ke sadrishya hi hota hai. uski bal v vriddhavasthaen shukra ke saman hi rahti hain.
guru shukra ka ast kal :
1. guru tara ast hone ke 30 din aur udit hone ke 129 dinoprant vakri hota hai. fir vakri hone ke 120 dinoprant margi aur margi hone ke 129 dinoprant ast hota hai.
2. shukra ke purva men ast hone ke 75 dinoprant uday hota hai. udit hone ke 240 dinoprant vah vakri aur vakri hone ke 23 dinoprant pashchim men ast ho jata hai.
pashchim men ast hone ke 6 dinon bad purva men uska uday hota hai. purva men uday ke 23 dinoprant vah margi tatha margi hone ke 240 dinoprant fir se purva men ast ho jata hai. purva disha men shukra jab udit hota hai tab vah sarhe ath mahinon tak purva men udit rahta hai. fir dhai mahinon ke lie ast aur punah nau mahine ke lie pashchim men udit hota hai.
uske bad fir das din ast rahta hai, aur fir purva men uska uday hota hai. shukra grah kramshah ek-ek varsh vakri evan margi sthiti men rahta hai. vakratva vali dasha men iska purva men uday aur pashchim men ast hota hai. margi vali sthiti men yah surya se nau anshon par aur vakri sthiti men ath anshon par ast rahta hai. vakri avastha ko prapt hone ke samay se do din purva ya pashchat yah sthir sa najar ata hai.
guru v shukra ke ast ke shubhashubhatva evan shubh karya varjana :
1. guru v shukra ke ast ke samay vivah adi shubh manglik karya karna purnatah varjit hai. isi tarah svayanvar ke lie bhi guru v shukra ke ast ka samay tyajya mana gaya hai.
2. faldipikakar ke anusar jatak ki jis grah ki mahadsha chal rahi ho vahi grah jab gochrvshat ast hota hai ya anisht rashi men rahta hai tab shubh fal deta hai. is tarah kaha ja sakta hai ki guru aur shukra ki mahadsha ke dauran jab jab gochar men ane par ye grah ast avastha ko prapt honge tab tab jatak ko kashtakarak fal prapt honge.
3. astakal men guru men guru ki antardasha, shukra men shukra ki antardasha, guru men shukra ki antardasha, shukra men guru ki antardasha, shukra men shani ki aur shani men shukra ki antardasha aur shesh grahon men guru evan shukra ki antardashaen kashtaprad hoti hain.
4. koi vidhva stri ya parityakta nari kisi anya purush se punarvivah kare to guru v shukra ke ast, vedh, lagn shuddhi, vivah vihit mas adi ka koi dosh nahin lagta. tatparya yah hai ki punarvivah ke lie guru v shukra ka ast kal varjit nahin hai.
5. varnashankar, changal, hin jatiyon ke vivah adi shubh karyon ke lie sabhi samay anukul hain.
6. sankramk/ganbhir rogon ki sthiti men rogi ki jivan raksha hetu aushdhi nirman, aushdhiyon ka kray adi evan aushdhi sevan ke lie guru aur shukra ke astakal ka vichar nahin kiya jata hai.
7. purane ya marammat kie gae makan men grih pravesh hetu guru evan shukra ke ast kal ka vichar nahin kiya jata arthat jirnoddhar vale makan m ne basan e k e lie guru v shukra k e ast kal men pravesh kar sakte hain.
8. aisa mana jata hai ki shukra ke ast hone par yatra karne se prabal shatru bhi jatak ke vashibhut ho jata hai. shatru se sulah ya sandhi ho jati hai. shukrast kal men vashikaran ke prayog shighra siddhi dene vale sabit ho sakte hain.
9. guru v shukra ke uday kal men hi vastu shanti karm karna shubh mana jata hai, ast kal men nahin.
10. narayan bali karm guru v shukra ke ast kal men karna tyajya mana gaya hai.
11. vriksharopan ka karya guru aur shukra ke ast kal men karne se ashubh lekin uday kal men karne se shubh fal deta hai.
12. shapath grahan muhurt ka vichar karte samay guru v shukra ki shuddhi avashyak hoti hai, ataev in donon ke ast kal men shapath grahan karna varjit hai.
13. bachchon ka mundan sanskar in donon grahon ke ast kal men karna varjit hai.
14. dev pratishtha guru aur shukra ke ast kal men karni chahie.
15. ek mat yah bhi hai ki bhrigu, kashyap, atri, vashishth, angira, bharadva aj evan vats gotra valon ko yatra sanbandhi shukra ka dosh nahin lagta. samanya rup men yatra hetu shukra ka samne aur dahine hona tyajya hai.
16. vadhu ka dviragaman guru v shukra ke ast kal men varjit hai. yadi avashyak ho to dipavli ke din rituvti vadhu ka dviragaman is kal men kar sakte hain. rashtra viplav, rajpiravastha, nagar pravesh, dev pratishtha, evan tirthayatra ke samay navvdhu ko dviragaman ke lie shukra dosh nahin lagta. revti nakshatra se chah nakshatra paryant chandrama ke rahne par shukra andha rahta hai. andhe shukra men dvi ragaman uttam hota hai.
17. vriddh v balya avastha rahit shukroday men mantra diksha lena shubh mana jata hai.
18. yadi koi rajpurush ke nimitt shubh muhurt men nikal pare aur yadi yatra ke dauran marg men rahte hue shukrast ho jae to use marg men hi us pure kal tak rukakar shesh yatra shukroday hone par hi purn karni chahie.
19. yadi sat dinon ke andar shukra ka uday aur ast donon ho jaen to us mas men upadrav adi hote hain aur janta dukhi evan ashant rahti hai.
20. prasuti snan tatha navratri hom ke alava anya shubh karyon men bhi in donon grahon ka ast kal varjit hai. is kal men sabhi prakar ke parva tyajya mane gae hain.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.