meri dadi kaha karti thi ki larkon ki sirat dekhi jati hai surat nahin aur larkiyon ka ‘kam pyara hota hai cham nahin’ adi. bare bujurgon ki ye kahavten aj bhi utni hi sach hain jitni ki pahle thin. parantu jyotish ke aine se dekhen to surat aur sirat ke alava kismat bhi bahut jaruri hai. larka ya larki kitna hi khubsurat ho, sikh achchi ho par kismat sath n de to sab kuch dhara ka dhara rah jata hai aur sirat aur surat kitni hi buri ho par kismat achchi ho to vyakti khakpti se bhi arbpti ban jata hai aur sare sukh bhogta hai.
aisa hi hua hamari is satya katha ki nayika ke sath. hina ko bhagvan ne gajab ki khubsurti di thi aur khubsurat hone ke sath-sath vah bachapan se hi parhai mane sada avval rahti thi. skul tatha kaelej men jahan uske sahpathi usse dosti karne ki hor men rahte vahin saheliyan man hi man rashk karti thin kyonki vahi har mahfil ki jan ban jati thi chahe parhai ki bat ho ya fir kisi pratiyogita ki, hina sada hi pratham ati. skul ke bad usne em. bi. bi. es. ki pravesh pariksha bhi asani se pas kar li aur age bhi em. di. karke safal stri rog visheshagya (gaynekolaejista) ban gai. isi bich jindgi men samir ae aur jald hi uske hamasafar ban gaye. samir se jurakar hina bahut khush thi aur jindgi ki sabhi khushiyon ko apni mutthi men samet kar rakhna chahti thi parantu shadi ke kuch din bad hi donon men jhagre hone lage. samir puri tarah badal gaya tha.
use hina ka kam karna achcha nahin lagta tha. vah chahta tha ki vah haespital ki bajay ghar par adhik samay bitae, jabki gaynekolaejist ko to kabhi bhi haespital jana parta hai usmen din aur rat ko nahin dekha jata aur samir ko uske is tarah ke kam se chirh hoti thi. hina ke sapne tutne lage aur vah puri tarah se bikhar gai. usne yahi faisla kiya ki ab vah samir ke sath nahin rah paegi aur usne talak le liya. hina ka kam bahut achcha chal raha tha. dur-dur se niahsantan danpatti usse salah lene ate aur uski salah se jaldi hi unki god bhar jati. par hina ki kismat aisi thi ki vah chah kar bhi man nahin ban sakti thi. uska angan bilkul suna tha. tabhi uski jindgi men nishant ae. donon ko ek dusre ka sath achcha lagta aur donon ghanton ek dusre se bat karte rahte. hina ki jindgi fir se khushnma ho gai thi. tabhi achanak samir ki taraf se bhi dubara rajiname ke sandesh ane lage.
hina ke dur jane se use uski ahmiyat ka ahsas hua tha aur vah fir se use apni jindgi men bulana chahta tha. aksar aisa hota hai ki jo kuch hamare pas hota hai usko ham sahej kar nahin rakh pate aur mrig marichika ki tarah anjane sukh ki talash men lage rahte hain aur isi uhapoh men hamare sukh hamari mutthi se ret ki tarah fislte chale jate hain aur jab hath khali ho jate hain tab pata chalta hai ki jo dur tha vo to mila nahin aur jo pas tha vo bhi chala gaya. samir ke sath bhi yahi hua. hina ne use saf mana kar diya aur ek din jab nishant ne uske samne vivah ka prastav rakha to usne fauran kabul kar liya. dusre vivah ke pashchat hina bahut khush thi. nishant ke mata-pita ko vah puri ijjat deti thi. idhar iske haespital ka kam bahut barh gaya tha. islie use kafi samay apne klinik men dena parta tha. ghar men usne do naukar rakh liye the lekin yah bat uski sasu man ko pasand nahin thi. vah chahti thi
ki hina jyada samay ghar ko de aur naukar ki bajay khud ghar ka kam kare taki sabko jyada atmiya sukh mile lekin hina apne kam ko nahin chor sakti thi aur isi bat par ae din uski apni sasu man se takrar hone lagi. nishant muk darshak ki tarah sab dekhta rahta. hina apna bachcha chahti thi par nishant nahin chahta tha ki bachcha naukar ke dvara pala jae. islie vah bachche ke lie bhi taiyar nahin tha aur kuch hi samay men shadi ka dusra bandhan bhi hina ke pairon men bandhi beriyon jaisa lagne laga. usne to dusre vivah ke pashchat apne bachche ki kalpana ki thi par yahan vah apne astitva ko hi talash rahi thi. aj uske dusre vivah ko kai varsh ho gaye hain. jahan uske klinik men dur-dur se log akar khush hokar ghar jate hain vahin hina ke lie ghar jaisi koi sukhad chat nahin hai. ghar hokar bhi vahan sirf rat bitane jati hai.
sara samay aspatal men hi bita deti hai aur ab yahi soch rahi hai ki kya uska jivan vakai hina ki tarah hi hai jo ek bar to khubsurat rang dikha deti hai par jaldi hi badrang ho jati hai. hina ab nishant se bhi talak lena chahti hai aur yahi chahti hai ki vah akele hi apni jindgi apne dhang se jiyegi tatha svayan singal madar ban apne khud ke bachche ko apna nam degi. jahan hajaron logon ko aulad dekar khush kiya vahin khud bhi vah man ban kar is sukh ko bhogna chahti hai. kundli vishleshan hina ki kundli men lagnesh shukra dvadash bhav men apni nich rashi men budh aur mangal se yuti bana raha hai aur us par shani ki tritiya drishti par rahi hai. vinshottari dasha shani: 1 v. 7 ma. 27 din shukra 30/04/2002 30/04/2022 shukra 30/04/2005 surya 30/08/2006 chandra 30/04/2008 mangal 30/06/2009 rahu 30/06/2012 guru 01/03/2015 shani 30/04/2018 budh 28/02/2021 ketu 30/04/2022 hina 8 10 4 12 2 9 5 11 3 7 1 rachan. 6 subu. shu. shakegumanlagn men naisargik pap grah rahu sthit hai atah lagn aur lagnesh donon ki achchi sthiti n hone se hina ko jivan ka purn sukh prapt nahin hua aur atyant tanavpurn jivan vyatit kar rahi hai. lagn men sthit rahu hina ko bahut mahatvakankshi banata hai
vah unchaiyon ko chuna chahti hai parantu nichasth chandra aur nichasth shukra use mansik rup se kamjor kar rahe hain aur vah apne kalpanik sansar men jyada ghumti rahti hai. panchmesh aur chaturthesh hokar yogkarak shani dasham bhav (karya kshetra bhav) men sthit hone se hina prasuti visheshagya chikitsak ke pad par yash, man aur pratishtha purvak karya kar rahi hai vahin dashmesh chandrama ko apni nich rashi men hone se inhen apne karya kshetra men rat din athak parishram bhi karna par raha hai. vaivahik sthiti par vichar karen to mangal saptamesh hokar dvadash bhav men manglik yog bana rahe hain jisse hina ke vaivahik sukh men badhaen a rahi hain. saptam bhav men ketu ki sthiti shubh nahin hai.
ketu ki dasha men inka vivah vichched bhi ho gaya. pati karak guru ki ashtam bhav men sthiti shubh nahin hai isilie do bar vivah karne par bhi inhen apne pati se purn sahyog prapt nahin hua aur ab apna safar fir se akele shuru karne ki taiyari men hanai. lekin panchmesh ki shubh sthiti hone se hina ko santan to honi chahie. ismen vilanb avashya hua hai parantu hina ko matritva ka sukh to milna hi chahie. hina ki janmapatri men saptam bhav men rahu, ketu, shani v mangal jaise grahon ka prabhav tatha danpatya sukh ke karak shubh grahane guru, shukra v chandrama ki ashubh sthiti ke chalte inhen vaivahik sukh se vanchit rahna par raha hai.
lagnasth rahu ke prabhav se hina apne vyaktitva ka vikas v saundarya ki abhivriddhi karne men to saksham ho gai parantu shesh grahon ki pratikulta ke falasvarup kismat ka aisa khel hua ki gajab ke saundarya v yogyata ke bavjud bhi apni jindgi men vanchit khushiyan nahin juta pai aur inhen ekaki jivan jine par majbur hona para. age varsh 2018 ke bad inke jivan men khushiyon ke lautne ki sanbhavnaen fir se jivant hongi.