hinsa ka pratinidhi mangal hai, nich evan ghrinit karyon ka pratik shani hai tatha avesh v apratyashitta ke utprerak rahu ketu hai. jab mangal, shani aur rahu ketu ki drishti, yuti ya anya drirh sanbandh lagn aur ashtam bhav ya unke adhiptiyon se hota hai to jatak ka pranant asvabhavik rup se hinsa dvara arthat hatya se hone ki sthiti nirmit ho jati hai. janmakundli janm ke samay saur mandal men sthit grahon ke prabhav ka chitrankan hai. astu yahi grah yog us manushya ke janm mrityu evan sanpurn jivan chakra ko nirupit karte hain. janmakundli men pratham (lagna) bhav jatak ke sharir ka samagra rup se pratinidhitva karta hai to ashtam bhav uski ayu ka.
sharir ke sanvednshil tantra ke upar man ka adhikar hota hai jiska pratinidhitva chandra karta hai. hinsa ka pratinidhi mangal hai, nich evan ghrinit karyon ka pratik shani hai tatha avesh v apratyashitta ke utprerak rahu ketu hai. jab mangal, shani aur rahu ketu ki drishti, yuti ya anya drirh sanbandh lagn aur ashtam bhav ya unke adhiptiyon se hota hai to jatak ka pranant asvabhavik rup se hinsa dvara arthat hatya se hone ki sthiti nirmit ho jati hai. chunki aisi hinsatmak asvabhavik mrityu (hatya) ke lie jatak ke atirikt kisi anya vyakti (hatyare) ki bhi mahatvapurn bhumika hoti hai astu chaturth bhav ya uske adhipti ka bhi is hetu dushit hona avashyak hai dvitiya evan shashtam bhav aise anya vyakti ke hath hote hain islie in mamlon men dvitiya, chaturth evan shashtam bhavon ya bhaveshon ka ashtam bhav ya ashtamesh se sanbandh hona bhi avashyak hai.
vaise bhi shashtam bhav shatru, durghatana evan hinsa ka pratinidhitva karta hai. hinsa ke lie rahu ya ketu ki mangal par drishti, yuti ya anya sanbandh hona aur inse lagn aur ashtam bhav ya unke adhiptiyon ka dushit hona bhi avashyak hai. akele mangal ya akele rahu ketu yah karya karne men asamarth rahte hain. jivan ki koi bhi mahatvapurn ghatna men tin bare grah shani, guru evan mangal ki mahatvapurn bhumika rahti hai. ghatna ghatit hone ke lie jatak ki jivan ayu, grah sthiti, mahadsha evan grahon ke gochar ki sthitiyon ka bhi mahatvapurn yogdan rahta hai. hatya ki ghatna ke samay samanyatah gochar ke shani ki drishti ya uska sanbandh lagn evan ashtam bhav ya unke adhiptiyon se rahta hai.
agar chandra kundli se bhi aise hi nishkarsh milte hon to ghatna ghatit hone ki prabal sanbhavna ho jati hai. ab kuch janm kundliyon ki sahayta se is vishayak aur vivechna karte hain. mahatma gandhi jinki hatya 30 janvri 1948 ko goli marakar ki gai thi, ki janmakundli (kramank 1) men mangal dvitiyesh evan saptamesh arthat marak hokar lagn men shukra (lagnesh evan ashtamesh) ke sath hai aur uski ashtam drishti ashtam bhav evan ashtamesh guru par hai. mangal guru ke nakshatra vishakha men hai. ketu ki pancham drishti evan shani ki saptam drishti bhi ashtam bhav par hai jahan shashthesh guru bhi vakri hokar virajman hain. chaturth bhav men ketu sthit hai aur us par shani ki tritiya evan mangal ki chaturth drishti hai. lagn ke donon or krur grah (shani v surya) hone se lagn papakartari yog men hai.
mangal ki rashi vrishchik (dvitiya bhav) par rahu ki pancham drishti hai jahan par shani bhi virajman hain aur vakri guru ki un par drishti hai. chandra lagn (sinh) bhi krur grah rahu v surya ke madhya hone se papakartari yog men hai aur us par shani ki dasham drishti bhi hai. chandra lagn se ashtam bhav ke adhipti guru par shani, mangal v ketu ki drishti hai tatha guru vakri hokar chandra lagnesh surya ki bhi pancham drishti se dekh raha hai. chandra lagn se shashtam bhav men ketu hai jo mangal v shani se drishtigat hai. is prakar janm lagn evan chandra lagn donon se lagn evan ashtam bhav to dushit hai hi sath hi sath dvitiya, chaturth evan shashtam bhav bhi ashubh prabhav men hai.
falasvarup jatak ka pranant hatya se hua. ghatna ke samay guru men ketu men guru (shashthesh) ka antar chal raha tha, shani kark rashi men sthit hokar chandra lagnesh surya ko dekh rahe the tatha mangal chandra ke sath yuti kar rahe the evan guru vrishchik rashi men sthit hokar ashtam bhav ko dekh rahe the. bharat ki purva pradhanmantri shrimti indira gandhi ki janmakundli (kramank 2) men lagn men shani saptamesh evan ashtamesh hokar sthit hai aur uske donon or krur grah mangal v ketu hone se papakartari yog men lagn hai. yahan shani chandra lagnesh bhi hai. shani lagnesh chandra ko bhi dekh raha hai. ashtam bhav par mangal ki saptam evan ketu ki navam drishti hai. mangal par rahu ki navam drishti hai. mangal dvitiya bhav men hai aur dvitiyesh surya ke sath sthan vinimay sanbandh sthapit kar raha hai. chaturthesh shukra shashtam bhav men rahu ke sath hai.
shukra v guru ka vinimay sthan sanbandh bhi hai. chandra lagn se ashtam bhavesh surya shashtamesh budh ke sath mangal ki rashi vrishchik men hai aur ashtam bhav men mangal rahu ke drishtigat hai tatha shashtam bhav men ketu sthit hai. is prakar yahan janm lagn evan chandra lagn donon se lagn evan ashtam bhav to ashubh prabhav men hai hi vahin dvitiya, chaturth evan shashtam bhav bhi dushit hai. falasvarup jatika ka pranant hatya se hua. ghatna (dinank 31.10.1984) ke samay shani men rahu men shani ka antar chal raha tha, gochar ka shani tula rashi men sthit hokar dasham drishti se lagn tatha janmagat shani (ashtamesh evan chandra lagnesh) ko dekh raha hai, mangal bhi dhanu rashi men sthit hokar lagn evan shani ko ashtam drishti se dekh rahe the tatha janmajat chaturthesh shukra v rahu se yuti kar rahe the, guru dhanu rashi men mangal ke sath sthit hokar sinh rashi (chandra lagn se ashtam bhav) ko dekh rahe the.
rashtriya svayan sevak sangh ke sar sanchalak shri dindyal upadhyay ki janmakundli (kramank 3) men lagnesh evan chaturthesh guru par mangal ki saptam evan shani ki dasham drishti hai. lagn mangal rahu ke madhya hone se papakartari yog men hai. dvitiya bhav sthit rahu par mangal ki chaturth drishti hai. dvitiyesh shani ashtam bhav men shashthesh shukra ke sath hai tatha ashtam bhav rahu ketu ke prabal prabhav men hai. chaturth bhav par ketu ki navam drishti hai tatha chaturthesh guru mangal se drishtigat hai. chandra lagn bhi papakartari yog men hai. chandra lagnesh surya par shani ki tritiya drishti hai. chandra lagn se ashtam bhav (min) par ketu ki navam drishti hai tatha bhavesh guru par mangal v shani ki drishti hai. is prakar janm lagn evan chandra lagn donon se lagn evan ashtam bhav dushit hain sath hi sath dvitiya, chaturth v shashtam bhav bhi ashubh prabhav men hai. falasvarup jatak ka pranant hatya se hua.
ghatna (dinank 11.2.1968) ke samay rahu men shukra (shashtamesh) men rahu ka antar chal raha tha, gochar ke shani min men (chandra lagn se ashtama) sthit hokar janm lagn ko dekh rahe the, mangal makar rashi men sthit hokar janmagat rahu ke sath yuti kar ashtam bhav, chandra evan lagnesh guru ko dekh rahe the, guru sinh rashi (chandra lagna) men sthit hokar lagn evan lagnesh donon ko dekh rahe the. bharat ke purva pradhanmantri shri rajiv gandhi ki janmakundli (kramank 4) men janm lagn, surya lagn evan chandra lagn sinh hi hai. yah do krur grahon mangal evan rahu ke madhya hone se papakartari yog men hai. ashtam bhav par mangal ki saptam, shani ki dasham evan rahu ki navam drishti hai. lagn, chandra, lagnesh surya evan ashtamesh guru par bhi shani ki tritiya drishti hai. dvitiya bhav men mangal virajman hai aur un par ketu ki navam drishti hai. shashtam bhav men ketu hai, chaturth bhav papakartari yog men hai chaturthesh mangal ketu se drisht hai.
is prakar lagn, lagnesh, dvitiya, shashtam, ashtam, chaturth bhav v bhavesh ashubh prabhav men hone se pariniti hatya men hui. ghatna (dinank 21.5.1991) ke samay rahu men budh men shani ka antar chal raha tha, gochar ke shani makar rashi men vakri hokar tritiya drishti se ashtam bhav ko dekh rahe the, guru ki dhanu rashi men sthit hokar rahu navam drishti se lagn, lagnesh, chandra evan ashtamesh ko dekh rahe the tatha shani, mangal aur guru ka gochar men paraspar drishti sanbandh bhi ban raha tha. purva kendriya mantri shri pramod mahajan ki janmakundli (kramank 5) men lagn par mangal ki ashtam evan ketu ki navam drishti hai. lagnesh budh dvitiyesh chandra ke sath chaturth bhav men papakartari yog men hai.
ashtamesh shani shatru rashi sinh men hai aur us par rahu ki pancham drishti hai. mangal shani ke nakshatra men hai aur mangal ki rashi mesh men rahu sthit hai. lagn v lagnesh donon mangal ke nakshatra men hai. shashtam bhav men mangal svarashi ka hai. chandra lagn se ashtam bhav men rahu hai aur shashtam bhav (min) mangal se drisht hai. is prakar lagn, chandra lagn tatha unke adhiptiyon evan dvitiya, chaturth, shashtam, ashtam bhav v bhavesh ashubh prabhav men hone se pariniti jatak ki hatya men hui. ghatna (dinank 22.4.2006) ke samay shani men rahu men shukra ka antar chal raha tha, gochar ke shani kark rashi men sthit hokar chandra v lagnesh budh ko chaturth bhav men tisri drishti se tatha ashtam bhav ko saptam drishti se dekh rahe the, mangal mithuun (janm lagna) men sthit hokar ashtam bhav ko dekh raha tha, guru tula rashi men sthit hokar ketu ke sath yuti kar lagn ko dekh rahe the.
purva kendriya mantri shri chandra pratap narayan sinh ki janmakundli (kramank 6) men lagn evan lagnesh shani tatha ashtamesh budh krur grahon surya evan rahu ke madhya hone se papakartari yog men hai. ashtam bhav men vakri mangal hai aur us par rahu ki navam drishti hai. chaturth bhav par rahu ki pancham drishti hai tatha chaturthesh shukra par mangal ki ashtam drishti hai. shashtam bhav men ketu hai tatha shashtamesh chandra par mangal ki chaturth drishti hai. chandra lagn bhi lagn se drisht hai tatha chandra lagn se ashtam bhav men ketu sthit hai aur ashtamesh chandra mangal se drisht hai. is prakar janm lagn evan chandra lagn, dvitiya, shashtam, chaturth v ashtam bhav evan unke adhipti ashubh prabhav ko hone se jatak ka pranant hatya se hua. ghatna (dinank 23.11.1989) ke samay rahu men shukra men rahu ka antar chal raha tha, gochar ke shani dhanu rashi (chandra lagna) men sthit the aur janm lagn ko tritiya drishti se dekh rahe the, gochar ke guru mithun rashi men sthit hokar chandra lagn ko evan janm lagn ko dekh rahe the, mangal tula rashi men sthit hokar janmakalin guru (chandra lagnesh) ke sath yuti kar rahe the.
pakistan ki purva pradhanmantri shrimti benjir bhutto ki janmakundli (kramank 7) men lagnesh v chaturthesh guru shashtam bhav men shatru rashi men hai aur us par rahu ki navam drishti hai. ashtam bhav men saptamesh budh ketu ke sath hai. ashtamesh chandra papakartari yog men hai. dvitiya bhav men rahu hai aur dvitiyesh shani ko mangal chaturth drishti se evan rahu navam drishti se dekh raha hai. mangal saptam bhav men sthit hokar lagn ko bhi dekh raha hai. chaturth bhav par shani ki saptam drishti hai. chandra mangal ke nakshatra chitra men hai. chandra lagn se ashtam men shashtamesh guru sthit hokar rahu se drisht hai. is prakar lagn evan chandra lagn tatha unke adhipti v dvitiya, chaturth, shashtam, ashtam bhav v bhavesh ashubh prabhav men ho gaye hain. falasvarup jatika ka pranant hatya (bam visfot) se hua kyonki un par mangal ka prabal prabhav spashtatah drishtigochar hai.
ghatna (dinank 21.12.2007) ke samay shani men guru men men shani ka antar chal raha tha, marak grah mangal saptam bhav men gochar karte hue lagn ko dekh rahe the, shani sinh rashi (navam bhav) men sthit hokar lagnesh guru ko dekh rahe the tatha tisri drishti se chandra lagn ko bhi drishtigat kar rahe the, gochar men guru dhanu rashi (lagna) men sthit hokar gochar ke mangal evan shani se bhi drishti sanbandh sthapit kar rahe the. amerika ke bhutpurva rashtrapti shri jaen ef. kainedi ki janmakundli (kramank 8) men shashtamesh shani lagn ko dekh raha hai. shani ki ashtam bhav men sthiti lagnesh budh evan ashtamesh mangal par bhi dasham drishti hai. ashtam bhav par rahu ki pancham drishti bhi hai. chaturth bhav men rahu hai, dvitiya bhav par mangal ki drishti hai. mangal shani ko bhi chaturth drishti se dekh raha hai. chandra lagn bhi shani rahu ke madhya hone se papakartari yog men hai.
guru (chandra lagn se ashtamesh) dvitiyesh shukra evan dvadshesh surya ke sath sthit hai. in ashubh prabhavon ke karan jatak ki hatya hui. ghatna (dinank 22.11.1963) ko guru men shani ka antar chal raha tha, gochar men guru min (chandra lagn se ashtama) the, shani makar rashi men sthit hokar min rashi ko tritiya drishti se dekh rahe the aur mangal vrishchik rashi ke hokar janmagat guru (chandra lagnesh se ashtamesh evan janm lagn se chaturthesh), shukra (dvitiyesh) evan dvadesh surya ko dekh rahe the. janmakundli (kramank 9) pulis inspektar shri mohan chandra sharma ki hai jinki dinank 19.9.2008 ko atankvadiyon se muthbher men dilli men mrityu hui.
yahan ashtam bhav par mangal ki chaturth v rahu ki navam drishti hai. ashtamesh shani vakri hokar rahu ke nakshatra shatbhisha men hai. shashtam bhav men ketu hain aur un par shani ki dasham drishti hai. dvitiya bhav par bhi ketu ki navam drishti hai. lagnesh budh yadyapi uchch ka hokar chaturth bhav men hain kitu ast hai aur us par rahu ki pancham drishti hai. chandra lagn se ashtamesh guru bhi rahu ke nakshatra adrra men hai. chandra shani se drishtigat hai. ghatna ke samay rahu men budh men budh ki antardasha chal rahi thi, surya budh aur shukra apne apne grahon ke upar se gochar kar rahe the, kanya ka mangal chaturth men sthit hokar lagnesh budh se yuti kar raha tha, dhanu ka guru janm lagn evan chandra lagn ko dekh raha tha, sinh (chandra lagna) ka shani janmajat mangal evan shani (ashtamesh) ko dekh raha tha aur rahu ashtam bhav men the. arushi talvar jiski hatya dinank 16.5.08 ko dilli men hui, ki janmakundli (kramank 10) men lagn men nich rashi ka chandra, rahu ke sath hai aur us par shani ki dasham v mangal ki ashtam drishti hai. lagnesh mangal vakri hokar shashtam bhav men hai. ashtam bhav men ashtamesh budh saptamesh shukra ke sath hai. kendra men koi shubh grah nahin hai.
chaturthesh shani ki shashtam men sthit mangal par tisri drishti hai. mangal ki rashi vrishchik men rahu hai. dvitiyesh guru bhi mangal se drisht hai. ghatna ke samay shani men chandra men budh (ashtamesh) ka antar chal raha tha, dhanu ke guru ashtam bhav ko dekh rahe the, sinh ke shani shatru kshetriya hokar guru (dvitiyesh) janmajat shani evan saptam bhav men sthit ketu se drishti sanbandh bana rahe the, nich rashisth kark ka mangal janmajat guru evan shani ko dekh rahe the. janmakundli (kramank 11) ek aise vyakti ki hai jiski hatya uske hi mitra dvara ki gai. yahan lagn men shani vakri hokar nich rashi (mesh) men virajman hai aur us par mangal ki chaturth v ketu ki navam dashti hai. rahu ketu ke bich lagn hone se prabal kal sarp yog evan papakartari yog bhi ban raha hai. ashtam bhav men ashtamesh budh ast hokar sthit hai aur dvitiya bhav ko dekh rahe hain.
ashtamesh mangal par shani ki dasham drishti hai. shani ki rashi kunbh men rahu hai. markesh shukra marak bhav saptam men sthit hokar shani v rahu se drisht hai. chandra lagn bhi shani mangal ke madhya hone se papakartari yog men hai aur rahu ketu ke prabal prabhav men hai. ghatna (dinank 1.10.2005) ke samay shani men shukra men rahu ka antar chal raha tha. gochar men mesh ka mangal lagn men sthit hokar ashtam bhav, ashtamesh budh, dvitiyesh shukra evan guru ko dekh raha tha, kark rashi ka shani janmajat mangal (lagnesh) v janm lagn ko dekh raha tha, tula ka guru janm lagn evan chandra lagn ko dekh raha tha.