bharatavarsh men ek se barhakar ek neta hue kintu subhash chandra bos ki tulna kisi se nahin ki ja sakti hai. dusron ko jabaran apni or akarshit karne vala joshila v chunbkiya vyaktitva, jiniyas v duradarshi. british kal men angrejon ko apni indiyan sivil sarvisej par bahut naj tha. inglaind ke yuvaon ke lie ise uttirn karna hansi khel nahin tha jabki bhartiya to iske vishay men sochte bhi nahin the. jab 1920 men matra 23 varsh ki umra men netaji ne n keval yah pariksha uttirn ki balki merit men chaturth sthan prapt kiya to angrej stabdh rah gaye. kintu jab neta ji ne aisi. es ko thukraya tab angrejon ki shan par aisi chot lagi ki ve subhash chandra bos dinank: 23/01/1897 samy: 11: 38: 00, sthan: katak vinshottari dasha surya:
1 v. 2 ma. 20 din surya 15/04/2012 00/00/0000 surya 03/08/2012 chandra 01/02/2013 mangal 09/06/2013 rahu 04/05/2014 guru 20/02/2015 shani 02/02/2016 budh 09/12/2016 ketu 24/01/2017 shukra 00/00/0000 bilbilakar rah gaye. bhartiya svatantrata sangram men jab ve kude tab unki umra matra 25 varsh thi. 30 sal ki umra tak ve bharat ke aise lokapriya neta ban chuke the jiski lokapriyata mahatma gandhi ko bhi piche chorne vali thi. 1938 men gandhi ji ke n chahne par bhi unhonne kangres ka adhyaksh banakar dikhaya. 21 aktubar 1943 ko unhonne ajad hind fauj ki sthapna kar angrejon ke khilaf yuddh ki ghoshna kar di. 1942 men japan ne andman nikobar dvip samuh jitakar agle sal neta ji ko de diya. yahan bharat ka jhanda fahraya gaya.
is sarkar ka kam rangun se chal raha tha. yahin se subhash ne kaha tha- ‘‘tum mujhe khun do, main tumhen ajadi dunga. khun bhi ek do bund nahin, itna ki ek mahasagar ban jae aur ismen main british samrajya ko dubo dun.’’ kintu niyati ko kuch aur manjur tha. 15 agast 1945 ko tokyo jate hue taivan ke toi holu havai adde ke pas netaji ka havai jahaj durghatanagrast ho gaya jismen neta ji ki asamay mrityu ho gai. kai log ab bhi yahi mante hain ki neta ji ki mrityu us hadse men hui hi nahin. kintu pukhta praman n hone ke karan yah abhi tak rahasya hi hai ki neta ji us hadse men mare ki nahin. aiye grahon ke madhyam se jante hain joshile v chunbkiya vyaktitva ke dhani bos ji ke jivan ko neta ji ki kundli mesh lagn ki hai.
mesh lagn ke svami mangal dvitiya bhav men shukra ki rashi men chandrama ke nakshatra tatha budh ke up nakshatra men vidyaman hain. mangal svayan prithviputra hai, mangal asim sahas se yukt hota hai. karmesh v labhesh shani se drisht mangal ne neta ji ko atyadhik utsah v sahas se bharpur banaya. vani bhav men sthit lagnesh mangal ke karan neta ji ki vani kafi prabhavpurn thi jiske karan desh men hi nahin varan videsh ke yuva varg ko bhi neta ji ne apna divana bana liya tha. dvitiyesh shukra labh bhav men baithe hain jiske karan neta ji ko kabhi bhi dhan ki kami nahin hui. tritiyesh budh panchmesh surya ke sath karm kshetra men sthit hai jisapar karmesh v labhesh shani ki purn drishti hai. netaji ne apni buddhi ke bal par apne parakrami svabhav ke dvara ajad hind fauj ka gathan karke svatantrata sangram ko nai disha pradan ki. chaturthesh chandrama ke nakshatra men lagnesh mangal sthit hai. neta ji ki praranbhik shiksha mishnri skul men hui. chaturthesh chandrama panchmesh surya ke nakshatra men chathe bhav men sthit hai.
ketu chaturth bhav men vidyaman hai aur surya ki purn drishti chaturth bhav men hai. neta ji ki praranbh se hi taepar vidyarthiyon men ginti hoti thi. matribhasha bangla ke sath-sath angreji bhasha par bhi unka saman adhikar tha. digri ki parhai ke lie unhonn darshan shastra men aenars vishay chuna. kaelej men kuch vivad ke karan unhen nishkasit kar diya gaya. unke nishkasan ke lie puri tarah surya v rahu ke grahan yog ne kam kiya. panchmesh surya rahu se grahan yog dasham bhav men baithakar bana rahe hain jiske karan lagabhag ek sal nishkasit rahne ke bad ve ek anya kaelej men pravesh lekar kaelej ki indiya difens fors vishvavidyalay yunit men shamil hue. yahan unhonne yuddh ke taur-tarike sikhe. ve gorilla yuddh se parichit hue aur unhonne banduk chalana bhi sikha. parakramesh budh v panchmesh surya ki rahu se dasham bhav men yuti tatha is yuti par karmesh v lagnesh shani ki drishti ke karan neta ji ki shiksha ka kshetra parakram se sanbandhit hua. shashth bhav men sukhesh chandrama ki sthiti hai jiske karan neta ji ghar ke sukhon se vanchit the ve adhikatar bahar hi rahe. shashthesh budh karm bhav men sthit hai
unke karyakshetra men virodhiyon v shatruon ki kami nahin thi. kintu apne parakram se unhonne sabko parajit kiya. budh surya ke nakshatra v shukra ke up nakshatra men sthit hai. surya panchmesh arthat shashthesh ke vyayesh hain. atah neta ji ke shatru svatah hi parast ho jate the. saptam bhav mitron ka v jivnsathi ka bhav hai. saptamesh shukra brihaspati ke nakshatra v ketu ke upanakshatra men hokar ekadash bhav se pancham ko drishti pradan kar rahe hain. lagnesh mangal ki bhi pancham bhav par purn drishti hai. shukra ke nakshatresh brihaspati pancham bhav men baithakar saptamesh shukra ke sath-sath lagn ko bhi drishti pradan kar rahe hain. lagna$pancham v saptam ka yah sanbandh prem sanbandh evan mitrata ka dyotak hai. yahi karan hai ki neta ji ke asankhya mitra the. iske sath hi neta ji ki patni emili shenkal pahle neta ji ki mitra banin fir un donon ne prem vivah kar liya. ashtam bhav par lagnesh v ashtamesh mangal ki purn drishti hai. ashtam bhav men shani virajman hai. ashtamesh v lagnesh mangal ka dvitiya marak bhav men hona shubh sthiti nahin hai.
pancham bhav men sthit vyayesh brihaspati ki markesh shukra v lagn par purn drishti hai. vyayesh brihaspati lagnesh, ashtamesh mangal, markesh shukra v ashtam men sthit shani dvara drisht hone ke karan prabal marak ban rahe hain. yahi karan hai ki netaji ki mrityu brihaspati ki mahadsha v chandra ki antardasha men hui. chandrama shashth bhav men baithakar brihaspati se dvidrvadash ka sanbandh bhi bana rahe hain. shani dasham ke svami hain. dasham bhav unchai ka pratik hai. surya rahu bhi dasham men sthit hain. tinon hi grah prithktavadi hain. surya purva disha ka svami hai aur shani vayu ka pratik hai. navmesh brihaspati dvadshesh bhi hai jisapar shukra ka purn prabhav hai. brihaspati ki lagn par purn drishti hai. shukra pashchatya shaili ka karak hai. yahi karan hai ki subhash ke pita pashchatya sabhyata v angreji bhasha ke prabal samarthak the aur chahte the ki unke bachche bhi pashchatya sanskriti ko hi apnaen. navmesh brihaspati shukra ke nakshatra v chandrama ke upanakshatra men hai
jiske karan neta ji ko angrejon ke khilaf apni muhim shuru karne ke lie videshon se sabse adhik sahayta mili. 1933 se 1949 ke madhya brihaspati ki mahadsha chali. isi bich netaji ne videsh yatraen kin, rajniti men padarpan kiya, faeravard blaek banaya, 11 bar jel gaye, svatantrata sangram ko nai kranti pradan ki. aisa islie sanbhav hua kyonki navmesh, saptamesh, karmesh, lagnesh, labhesh, sabhi ka paraspar majbut sanbandh bana hua hai. brihaspati shukra ko, shukra brihaspati ko mangal v shani brihaspati ko, mangal shani ko, shani mangal ko tatha karmesh shani karm bhav v usmen sthit panchmesh surya parakramesh v shashthesh budh ko purn drishti pradan kar rahe hain. nishkarsha: yadyapi ki bachapan se hi neta ji ko dhanadhya parivar, shikshit v anushasit pita, dharmik man, sahyogi bhai-bahan prapt hue. shiksha ke kshetra men ve sadaiv agrani hote the. apne karya kshetra men bhi netaji ne desh men hi nahin videshon men bhi prabhutva sthapit kiya. kintu anttah netaji ki asamay v durdant mrityu ke liye karm kshetra ke dasham bhav men sthit surya v rahu ka grahan yog uttaradayi hai. is grahan yog ka lagn, chaturth, saptam v dasham par kendriya prabhav tha. lagnesh mangal v chandrama par purn drishti thi. yadyapi dasham bhavasth rahu ne netaji ko rajniti men bulandiyan din kintu karm kshetra men bane grahan yog ne unke ajadi ke sapne ko unke samne pura nahin hone diya. yadyapi netaji ki kundli men ashtamasth shani hai
ashtamasth shani dirghayu ke dyotak hain. asankhya kundliyon ke adhyayan ke bad yah bat siddh ho chuki hai ki jis vyakti ke ashtam bhav men shani sthit ho vah dirghayu hota hai. kintu yadi viman durghatana men netaji ki mrityu hui to yah asamyik nidhan tha jo ki uparyukt tathya ko nakarta hai. lekin yadi ham gahrai se avlokan karen to yadyapi sharir se neta ji hamare bich se asamay chale gaye kintu aj 117 sal bad bhi netaji apne vicharon, karyon ke dvara hamari yadon men jivit hain. unki jayanti manayi jati hai. vidyalay ki pustakon men unki jivni ke madhyam se chatron ko sikh di jati hai aur sadaiv hi di jati rahegi. mrityu unke sharir ki hui, unka nam svarnim aksharon men aj bhi jivit hai. shayad yah ashtamasth shani ka hi prabhav hai.