aj udyog vyavsay teji se fail rahe hain, nitya nae-nae vaigyanik parikshan ho rahe hain. in sabke falasvarup vatavaran ka pradushit hona aur nae-nae rogon ka panpna svabhavik hai. log ae din in rogon ke shikar ho rahe hain. in rogon se mukti ki anekanek paddhatiyan hain aur inhin men ek hai hastakshar vigyan. hastakshar ke vishleshan se vibhinn rogon ki pahchan aur tadnurup unse mukti ke upay kie ja sakte hain. yahan hastakshar ke vishleshan se rogon ki pahchan aur unse mukti ke upayon ka vivaran prastut hai. vyakti ke hastakshar ke aksharon aur unki ruprekha se yukt uske hastaksharon ko nimnalikhit 3 bhagon men vibhajit kiya ja sakta hai.
- hastaksharit aksharon ka pratham yani age ka hissa jismen haskshar ka pratham akshar hota hai.
- hastaksharit aksharon ka madhya bhag jo pratham akshar aur antim akshar ke madhya ka hissa hota hai.
- hastaksharit aksharon ka antim bhag jismen ant ka akshar ya koi aur ruprekha bhi ho sakti hai. hastakshar ka upar varnit har hissa vyakti ke sharir ke kisi n kisi bhag ka pratinidhitva karta hai. kaun-sa bhag uske sharir ke kis hisse ka pratinidhatva karta hai iska vishleshan yahan prastut hai.
- pratham hissa sir se kandhe tak ke vibhinn angon ka pratinidhitva karta hai. is tarah hastakshar ke aksharon ke pratham bhag ke vishleshan se vyakti ke sir se kandhon tak hone vale rogon ka pata lagaya ja sakta hai.
- madhya bhag chati se nabhi tak ke angon ka pratinidhitva karta hai. is bhag ke vishleshan se chati se nabhi tak ke kshetra se sanbandhit rogon ka pata lagaya ja sakta hai.
- tisra aur antim bhag nabhi ke niche se taluvon tak ke angon ka pratinidhitva karta hai. is bhag ke vishleshan se nabhi ke niche se taluvon tak ke rogon ka pata laga sakte hain.
hastakshar se rogon ki pahchan
- hastakshar ke pratham bhag ka anya do bhagon se adhik mahatva hai. hastakshar ka pratham akshar chota, tuta, aspasht aur uljha hua ho, to vyakti shirorog se pirit hota hai. jivan ke prati uska drishtikon nirashajanak hota hai aur vah jivan ki pratyek larai men hara hua khilari hota hai. is bhag se bren tyumar aur kainsar jaisi janleva bimari ka pata bhi lagaya ja sakta hai. in rogon se bachav hetu vyakti ko hastakshar ka pratham akshar saf, spasht aur svachch likhna chahie tatha uske niche v upar ki or kisi bhi prakar ke bindu ityadi ka prayog nahin karna chahie. yadi hastakshar hindi bhasha men hon to usse thora age upar ki or jahan tak sanbhav ho ek saral rekha khinchen.
- hastakshar ke madhya bhag ke kisi akshar ka terha-merha, kata ya aspasht hona hriday se pet ke bich ke kisi ang ke rog ka suchak hota hai. madhya ka akshar yadi khula hua ho, anya aksharon se adhik spasht ho tatha ise bahut adhik sanvarakar likha gaya ho to yah vyakti ke bhayankar uÿojna se pirit hone ka lakshan hai. madhya ke akshar ka uÿar v dakshin donon or mura hona vyakti ke ati vasnapriya hone ka suchak hota hai. use isse sanbandhit manorog ho sakta hai. uski mansikta sankuchit hoti hai. yadi aisa hastakshar kisi stri ka ho, to use apne hastakshar ke madhya ka akshar uÿar ki or aur yadi purush ka ho, to use dakshin ki or barhana chahie.
- hastakshar ke antim aksharon ka adhik lanba ya fir sikura hua hona vyakti ke gathiya, bay, pairon ke dard ya pairon ke kisi n kisi rog se pirit hone ka lakshan hai aur ye rog janghaon, ghutnon, pindliyon, eriyon, taluvon ityadi se sanbandhit ho sakte hain.
vibhinn rogon ki hastakshar se upchar ki vidhiyan:
- adha shishi ka darda: adha shishi dard se pirit vyakti ko isse mukti ke lie apne hastakshar men piche ki or niche do bindu avashya lagane chahie.
- sir darda: sir dard se mukti ke lie hastakshar men piche ki or niche keval ek bindu ka prayog karen aur fir apne hastakshar ko farakar fenk den. dhyan rahe, yah prayog sir dard ke samay hi karen.
- chinta: ek kore kagaj par bara sa ¬ likhen aur us ¬ par hastakshar kar use apni ankhon aur mathe se chuakar farakar fenk den, chinta kam hogi.
- netra pira: netra pira se grast vyakti hastakshar ke aksharon ko niche ki or duhra karke likhe aur ankhon se chuakar farakar fenk de, to netra pira men kami aegi.
- karn pira: hastakshar ke keval age aur piche ke aksharon ko dohra kar likhen aur fir use far kar fenk den, karn pira se mukti milegi.
- dant pira: dant ki pira se mukti hetu apne hastakshar par ek dant ka chihn banakar usmen tin bar kata lagaen aur fir use farakar fenk den.
- jihva ke chale hone par: hastakshar karke us par tin bar 20 ki sankhya likhakar use munh men rakhakar thori der chabaen aur thuk den, jibh par nikal ae chale se mukti milegi.
- gardan ki pira: hastakshar karke uske madhya bagule ki gardan ka ek chihn banaen aur use farakar fenk den, gardan ki pira dur hogi.
- kandhon ka darda: ratri ke samay hastakshar karke unhen takiye ke bich men rakhen. subah uthakar use ghurakar dekhen aur farakar fenk den, kandhon ka dard dur hoga.
- chati ki pira: anar ki kalam aur anar ke hi ras se hastakshar aur use anar ke ras men dubokar kahin kachche sthan men gaddha khodakar daba den, chati men jame balagam, sans ki taklif athva kisi anya karanavash hui chati ki taklif se mukti milegi.
- hathon ki pira: hathon ki pira se mukti hetu amrud ke paÿo par hastakshar karen aur fir funk marakar use paÿo ko ura den.
- udar pira: amrud ke paÿaon ko jalakar uski chutki bhar rakh chaten. fir amrud ke per ki lakri ki kalam se usi rakh se kisi kore kagaj par apne hastakshar karen aur us kagaj ko jala den, udar pira kam hogi.
not: udar men ghav ho, livar kharab ho, alsar ho, kidni kharab ho, antra shoth ho athva nabhi ki garbri ho, to udar pira se mukti ka upar varnit upay kam nahin karega. in sabse mukti hetu belgiri ke ras aur bel ki kalam se bel ke patte par hastakshar karen aur use bel ke hi ras men dubokar kisi mitti ke patra men rakhakar kachche sthan men gaddha khodakar daba den.
- nitanbon ki pira: gur ka ghol banaen aur kore kagaj par sarkande ki kalam se apne hastakshar karen. fir use sukhakar uske bich men bajre ke dane jitni choti-choti gur ki dali rakhakar use kisi chayadar vriksh ke niche gaddha khodakar usmen daba den, nitanbon ki pira kam hogi.
- janghon ki pira: kore kagaj par kali syahi se hastakshar karen aur us kagaj ko kajal ki dibbi men band kar kisi chairahe par daba den, janghon ki pira dur hogi.
- pindliyon ki pira: pindliyon ki pira se mukti hetu kore kagaj par hastakshar kar use char khajuron ke bich rakhakar apni pindliyon se chuakar kisi bag, park ya maidan men daba den.
- takhnon aur eriyon ki pira: gur ke pue banaen aur ek kore kagaj par hastakshar kar use puon ke bich rakhakar kisi bar ke vriksh ke niche rakh aen, takhnon aur eriyon ki pira se mukti milegi.
- bukhar hone par: ek kore kagaj par hastakshar kar us par ek chammach chini rakhakar apne upar se 7 bar utaren (jis prakar najar utari jati hai) aur kisi gandi nali men fenk den.
not: gandi nali n mile to flash men dalakar flash chala den.
- raktachap: ek kore kagaj par hastakshar karen aur use gulab ke ful par rakhakar uski pankhuriyon samet chusakar athva chabakar thuk den, raktachap samanya ho jaega.
- barn, ghav, funsi, elarji: in rogon se mukti hetu kisi kore gaj par hastakshar kar use gur ki gajak ke chure se dhak den aur kisi sarita, nadi ya talab ke kinare gaddha khodakar daba den.