surya se budh ki yuti men ast aur uday hone ki sthiti sheyar bajar ke lie mahatvapurn mani jati hai. jab budh ka ast purva disha men hota hai tab sheyar ke bhav teji ki taraf hote hain, kintu jab budh ka ast pashchim disha men hota hai, tab bajar men mandi ka mahaul banta hai. isi tarah jab budh ka uday purva disha men hota hai, tab bajar men teji ka aur jab pashchim disha men hota hai, tab mandi ka mahaul banta hai. surya ka gochar bhraman vibhinn nakshatron se hota hai, tab tejikarak ya mandikarak ya mishrafal karak nakshatron ke prabhav se sheyar bajar men utar-charhav ate hain. surya ko ek rashi ka bhraman pura karne men ek mah lagta hai. sheyar bajar ke utar-charhav men jyotish ki bhumika aham hoti hai.
islie nivesh karne ke purva isse sanbandhit jyotishiya siddhanton par achchi tarah vichar kar lena shreyaskar hota hai. yahan unhin siddhanton ka sankshipt vishleshan prastut hai jiske anusar nivesh karne se labh ho sakta hai. sabse pahle varon aur rashiyon ke prabhav par vichar karen. mesh, sinh aur dhanu agni tatva rashiyan hain aur in rashiyon men grahon ki sthiti ke anusar sheyar bajar men parivartan shighra ata hai. vrish, kanya aur makar prithvi tatva ki rashiyan hain aur in rashiyon men grahon ki sthiti ke anusar dhire-dhire badlav ata hai. mithun aur tula rashiyan vayu tatva hain aur in rashiyon men grahon ki chal se sheyar bajar men achanak badlav ata hai. kark, vrishchik aur min jal tatva rashiyan hain aur in rashiyon men grahon ki chal se sthir badlav ata hai.
sheyar bajar ke utar-charhav par vichar karne ke lie grahon ki chal samjhne se pahle rashiyon ki prakriti samjhna jaruri hota hai. mesh, kark, tula aur makar ke char rashiyan hone ke karan tvarit badlav ata hai. vrish, sinh, vrishchik aur kunbh sthir rashiyan hone ke karan bahut dhimi gati se badlav lati hain. mithun, kanya, dhanu aur min rashiyon ke dvisvabhav hone ke karan sheyar ke bhavon men badlav vilanb se ata hai. ab varon v rashiyon ke gun-dharm ke adhar par bhavon men utar-charhav par vichar karen. mesh: yah rashi mandi karak hai aur grah yog se tvarit badlav lati hai.
yah sheyar ke bhavon men atyadhik mandi ka sanket deti hai, islie bahut soch samajh kar karobar karna chahie. vrish: yah rashi teji ki suchak hai. iske prithvi tatva ki hone ke karan bhavon men ek tarfa vriddhi hoti hai. mithun: yah rashi mandi ki suchak hai. vayu tatva aur dvisvabhav rashi hone ke karan sheyar ke bhavon men tvarit uchal lakar tvarit mandi lati hai. karka: yah rashi tejikarak hai aur grahyog se tvarit teji lati hai. sinh: yah rashi mandi ki suchak hai. iske grah ke sath yog se sheyar ke bhavon men kabhi dhimi aur kabhi tvarit gati se utar ata hai.
kanya: yah rashi mishrafal ka sanket deti hai. faltah is rashi men grah ke yog se madhyam badlav ata hai. tula: char svabhav aur vayu tatva ki is rashi men grah yog se tvarit uchal ki sanbhavna banti hai. kintu iske prati adhik savdhan rahne ki jarurat hoti hai. vrishchik: yah teji karak rashi hai. is rashi men grah yog se sheyar ke bhavon men dhire-dhire ya kabhi-kabhi ruk-ruk kar teji ati hai. dhanu: samanyatah yah teji suchak rashi hai. vayu tatva ki is rashi men grah yog se achanak teji-mandi ki sanbhavna banti hai. makr: yah rashi mandi ki suchak hai. ismen sheyar ke bhavon men sudhar lane ki kshamata nahin hai. kunbh: yah rashi mandikarak hai kintu vayutatva hone ke karan kabhi-kabhi achanak teji-mandi ka sanket deti hai. min: yah tejikarak rashi hai.
sheyar ke bhavon men dhimi gati se sudhar ka sanket deti hai. iske alava sheyar bajar ke utar-charhav janne ke lie grahon ke gunadharm, karakatva, udy-ast, vakri aur margi gati adi ki jankari avashyak hoti hai. guru, shukra, balvan chandra aur akela budh sab mandi ka sankat dete hanai. guru grah lanbi mandi ka sanket deta hai. shukra aur budh alp samay ke lie mandi late hanai. surya, mangal, shani, rahu aur ketu tejikarak grah mane jate hain. kshin chandra aur papagrah yukt budh tejikarak hote hanai. chandra ki teji-mandi alpakalin hoti hai aur uska vibhinn nakshatron men gochar bhraman dainik teji-mandi par vishesh prabhav dalta hai.
chandra ki tarah budh bhi alp samay ke lie teji ya mandi darshata hai. surya se budh ki yuti men ast aur uday hone ki sthiti sheyar bajar ke lie mahatvapurn mani jati hai. jab budh ka ast purva disha men hota hai tab sheyar ke bhav teji ki taraf hote hain, kintu jab budh ka ast pashchim disha men hota hai, tab bajar men mandi ka mahaul banta hai. isi tarah jab budh ka uday purva disha men hota hai, tab bajar men teji ka aur jab pashchim disha men hota hai, tab mandi ka mahaul banta hai. surya ka gochar bhraman vibhinn nakshatron se hota hai, tab tejikarak ya mandikarak ya mishrafal karak nakshatron ke prabhav se sheyar bajar men utar-charhav ate hain. surya ko ek rashi ka bhraman pura karne men ek mah lagta hai.
mangal ko ek rashi ka bhraman purn karne men 45 din lagte hanai. kintu kabhi-kabhi mangal ke vakri aur margi hone se bhraman pura karne men use 4 se 5 mahine ka samay lag jata hai. is dauran nivesh ke prati vishesh savdhani rakhni parti hai. guru, shani aur rahu ka prabhav lanbi avdhi tak rahne se lanbi teji ya mandi ka sanket milta hai. iske atirikt jab shani aur guru jaise grah vakri hote hain, tab teji-mandi ka mahaul dirghakalin hota hai. samanyatah jyotish shastra men sukshm ganit par vichar sheyar bajar ki chal samjhne men vishesh labhdayak rahega. grahon ki rashi, ansh, navansh, nakshatra, nakshatra pad, yuti, pratiyuti, drishti ityadi ka vishleshan atyavashyak hota hai.
in sabke bavjud sheyar bajar ki chal ke bare men bhavishyavani karna bahut kathin karya hai kyonki jab bhi senseks ya nifti niche ati hai tab kai sheyron ke bhav niche ya upar jate hanai. isi tarah jab senseks ya nifti upar ati hai tab jyadatar sheyron ke bhav upar aur kuch ke niche jate hain. rashiyon aur grahon ka prabhav kisi kshetra par teji ya mandi karak hone ke karan aisi ghatna dekhne men ati hai. is prakar jaisa ki upar kaha gaya hai, grahon ki yuti, drishti aur nakshatron men gochar bhraman par sukshmata se vichar kar nivesh karne se niveshkon ko labh mil sakta hai.
if you are facing any type of problems in your life you can consult with astrologer in delhi