1. vargakar hath men hriday rekha aur mastishk rekha ke bich ke bhag (rahu kshetra) par ek se adhik kraes livar ki garbri tatha man men adhirta ke parichayak hain. (dhairya ki kami payi jati hai) tatha inmen aise jatak alsi pravriÿia ke hote hain. achchi-achchi bat karne tatha sajne sanvrne ke shaukin hote hain lekin karmath kam hote hain. yadi rahu kshetra par damru ka nishan ho to jatak tantra-mantra ka gyata hota hai.
2. chennuma hriday rekha ke sath kuch rekhaen budh parvat ki taraf niche ko jhuki hon to aise jatak jaldi hi thak jate hain. isi men jig-jeg rekha (ari tirchi rekha) jatak ko manchla banati hain. ek se adhik logon par dil ata hai tatha samay ke sath pasand badlti rahti hai. chennuma rekha ka vargakar hathon men dikhna yah sabit karta hai ki vyakti apne vyapar tatha karya ko gati nahin de pata. bare josh ke sath praranbh karta hai lekin fir bich men hi rokna parta hai. mud badlta rahta hai tatha dusron ki apeksha apne ap se jyada pyar karta hai. yadi rahu ki rekha hriday ko chuti hai to hriday ki dharakan athva ghabrahat jaldi se hoti hai, dil ki bimari hone ka bhi khatra rahta hai. chennuma hriday rekha kamjor jigar tatha darpok pravritti ko darshati hai.
3. chandrama ki or sidhi jane vali rekha yatra rekha ke nam se jani jati hai. yadi yah bhagya rekha ko chuti hui chandra parvat ki taraf age barhti hai to jatak apne uttam bhagya ke karan bina kisi vishesh makasad ke desh-videsh ki yatra karta hai. yadi yah rekha ek dusri samanantar rekha ke sath chandrama ki taraf barhti hai to jatak vishesh karya aur makasad ke lie desh-videsh ki yatraen karta hai. yadi yatra rekha men dvip ka nishan ho to vyakti dur pradesh men mrityu tulya kasht bhogta hai tatha videsh men uski mrityu bhi hoti hai, mrityu jyadatar pani tatha rod eksident men hoti hai. inhin rekhaon ko ham prem rekha ke nam se bhi jante hain. samanantar rekhaen apko prem tatha romans ki or khinchti hain.
4. ayu rekha men do samanantar rekhaen shukra parvat ki or jati hain. ye rekhaen 1 se 2 sal ki umra ke andar bari chot darshati hain v sharir men kisi bari chot ke nishan hote hain. ye choten andruni bhi ho sakti hain jo bari umra men pareshani ko darshati hain. yadi ayu rekha aur bhagya rekha apas men juri hui hon tatha chaturbhaj ka nirman karti hon to vyakti apne kisi vishisht gun ke karan roji-roti kamata hai. jindgi bhar bhagya se khaega. shukra parvat par jalinuma dhabbe vyakti men yaun sanbandhi bimari ko darshate hain. yadi vargakar hath men uchch mangal parvat se koi rekha budh parvat ko chuti hai to vyakti ke andar sanyas ke gun a jate hain athva vah prayah nirash rahta hai. jindgi men sab kuch milne ke bad bhi nirasha tatha kuntha bhari rahti hai. yadi mangl-budh rekha ke bich men dvip ka nishan mastishk rekha ke as-pas ho to vyakti ko mirgi ana v chakkar khakar behosh hone ki samasya ka samna karna parta hai. mangal budh ki sadharan tatha patli rekha ki yuti men gale sanbandhi roeg, thayraid ki garbri, avaj ka saf n hona, tutlana tatha tvacha sanbandhi bimari hoti hai.
5. is hath men mastishk rekha jitni chandrama ki taraf jhuki hui hoti hai vyakti ka svabhav utna hi kalpanashil hota hai. yadi mastishk rekha chandrama tatha mangal parvat ki taraf jhukakar fir sidhi hoti hai to vyakti bahut svatantra vicharon vala hota hai. vah bina kisi chij ki parvah kiye manmani karta hai tatha bad men ub jane ke bad us chij ko chor hi deta hai jaise nasha, jua v apavyayi hona adi. ekadam se mastishk rekha ka uthna vyakti ko barbola, gali-glauj karne vala banata hai tatha man par niyantran nahin hota hai. mastishk rekha men bane hue tribhuj tatha dvip sir ke balon ka jharna tatha sir men dard ko darshata hai. yadi mastishk rekha do se tin jagah par terhi-merhi hoti hai aur chandrama ko chuti hai to jatak ko bi.pi. (raktachap) tatha mutra vikar ki samasya deti hai, pair bhi prayah mote athva charbi yukt hote hain.
6. bhagya rekha manibandh se shuru hokar shni parvat ki or ekadam sidhi jae to achche shani ko darshati hai. lekin yadi bhagya rekha do shakha se shuru hokar do shakha men hi khatam ho jati hai tatha jiske donon por tribhuj se band ho to aisa vyakti jivan paryant kya karega kya nahin karega ka nirnay lene men asamarth rahta hai. yadi koi karya shuru bhi karta hai to adhe men hi man ub jata hai. aisi rekha vale vyakti dusre ke adhinasth hote paye gaye hain. kisi ke vyaktigat sahyog se hi kuch kar pate hain. niche se bhagya rekha ka kai shakhaon men vibhakt hona atmaghat tatha galat karya karne ke lie uksata hai.
7. sidhi spasht ayu rekha vyakti ko karmath, nitipragya banati hai tatha dhanatmak urja pradan karti hai lekin yadi shakhaen manibandh ki taraf niche ko jae to nirasha men jivan vyatit hota hai. aisa vyakti dusron se tulna karte-karte apna jivan vyatit karta hai aur kuch bhi nahin pata. ayu rekha ko katti hui sidhi rekha adhir banati hai tatha pet ki garbri, khas taur par gais ki samasya ko darshati hai. ayu rekha men gahre chote-chote dvip parivarik samasya, vivah tatha shubh karya men badhak hote hain. jinke hath men aisi rekha hoti hai unka vivah vilanb se hota hai. bich se tuti hui ayu rekha nirasha ka sabab banti hai, lekin alpayu ko dekhne ke lie anya grahon ko dekhna jaruri hai. ketu ke kshetra par kraes ka nishan achanak se upalabdhi dila sakta hai tatha yadi yah nishan bhagya rekha se laga hua ho to pathri tatha kainsar jaisi samasya deta hai. ketu ke kshetra men kras ka nishan kai bar bina mehanat ke fal deta hai tatha samaj men nam hota hai. ek se adhik kraes ke nishan mansik pira, chechak, bhut-pretbadha jadu-tona adi ke dyotak hanai.