soyabin dal ki ek aisi kism, jo protin se bharpur hai, soyabin hai. adhik matra men protin hone ke karan iska poshak man bahut adhik hota hai. protin ke sath-sath ismen vitamin aur khanij tatha vitamin ‘bi’ kaemapleks aur vitamin ‘i ’ kafi adhik matra men hota hai, jo sharir nirman ke lie avashyak emino aisid pradan karte hanai. hakikat to yah hai ki soyabin men dudh, anda tatha mans se bhi adhik protin hota hai. apne in gunon ke anurup soyabin men anek aushdhiya gun bhi hote hain. soyabin men labhdayak rasayan tatha, saiponin, saitosterol tatha fenolik esid jaise kainsar virodhi, hridyaghat virodhi tatha svasthyavardhak tatva hote hain. ismen stan kainsar rokne tatha anya svasthya labh karvane vale gun hote hain. soyabin ke bijon ko ankurit kar khane se tvacha ka rang saf hota hai, sharirik vriddhi teji se hoti hai, kabj dur hota hai aur dusri bimariyan dur bhagti hain.
soyabin ka dudh kai bimariyon men labhdayak hai. iska dudh banane ke lie, soyabin ko kam se kam 12 ghante bhigo kar, fir uska chilka utar kar, achchi tarah mahin pis kar pest bana kar, 3 guna pani mila kar, mandi anch par garm karen. uske bad mahin kapre men chan lene se dudh taiyar ho jata hai. yah dudh gay ke dudh ki tulna men kisi prakar se kam nahin. bachchon ke lie yah atyant paushtik hai. anton ko svasth rakhne ke lie yah dudh atyant upyogi hai. iski dahi bhi svasthyavardhak hai. iske sevan se rakt vahiniyon men kolestrol ka jamav nahin hota aur sharir ki koshikaon ke samast karyaklapon ko yah thik rakhta hai. madhumeh, tvacha rog, hriday rog, kainsar, raktalpata men yah labhkari hai.
tvacha rog:
soyabin ke bijon ko ankurit kar khane se egzima aur anya tvacha rog thik hote hain. madhumeh: soyabin ka dudh pine se, ya ankurit soyabin khane se madhumeh ke rogiyon ko labh hota hai, kyonki ismen starch nahin ke barabar hota hai. ismen maujud karbohaidrets, sharir men bina sharkara paida kiye, garmi aur urja paida karta hai.
kainsr:
har prakar ke kainsar men soyabin ka kisi bhi rup men upyog labhkari hai. stan kainsar, mukh, anton ke kainsar men yah vishesh labhkari hai.
raktalpata:
soyabin men loha bhi bahut adhik matra men hota hai. islie rakt ki kami ko pura karne men yah adhik labhkari hai. jin rogiyon ki pachan shakti kamjor hai, unhen soyabin ke dudh ka upyog karna chahie, khane ke rup men nahin.
hriday rog:
kyonki soyabin men kolestrol nahin hota, islie hriday rogiyon ke lie soyabin labhkari hai. dil ko takat deta hai.
anya upyog:
ata, hari faliyan, ankurit dane aur tel ke rup men bhi soyabin ka istemal kiya jata hai. soyabin ko bhun kar aur chilka utar kar, pis kar ata taiyar kiya jata hai, jo bahut hi svasthyavarddhak hota hai.