pichle mah pandit ji maskat men rah rahe ek bhartiya parivar ke ghar ka vastu parikshan karne jammu gae. unhonne pandit ji ko bataya ki yah plaet unhonne kafi samay se kharida hua tha aur ek varsh pahle yahan ghar ka nirman shuru kiya tha jisse ki vah jab bhi bharat aen vahan thahar saken. parantu unke ghar ka nirman karya kafi dhimi gati se chal raha tha aur ismen kafi rukavten bhi a rahi thi aur kharcha bhi adhik ho raha tha. is vajah se ve arthik v mansik pareshaniyon se gujar rahe the. unhonne bataya ki kafi samay se unka svasthya bhi thik nahin chal raha tha. vastu parikshan karne par pae gae vastu dosh:
1 unke plaet ke dakshin pashchim men dvar tha jo malik ko ghar se dur rakhta hai aur anchahe kharch v svasthya hani karta hai.
2 dakshin pashchim men septik taink tha jo bhari kharch, kam men rukavat aur deri ka karan hota hai.
3 ghar ka dakshin-pashchim barha hua tha jo arthik samasyaon evan sabhi or se pareshani ka karan hota hai.
4 bhumital jal srot to uttar purva men bana tha jo ki uttam hai par vah mukhya dvar ke bilkul samne bana tha evan vikarn rekha par bhi a raha tha jo ki sakaratmak urja ko ane men badha utpann karta hai aur vikas men avrodhak hota hai.
sujhav:
1 dakshin pashchim men bane dvar ko hatakar pashchim men banane ko kaha gaya.
2 septik taink ko bhi dakshin pashchim se pashchim men karne ko kaha gaya. jab tak yah badal n paen tab tak uske kavar ko upar evan niche donon taraf se lal rang ka pent karne ko kaha gaya.
3 unhen salah di gai ki dakshin pashchim men kamra bana den chahe vah taimparairi shed hi kyun n ho aur use bilding se jor den. donon ke bich men pargola dekar bhi jora ja sakta hai. isse bilding ke badhe hone ka dosh khatm ho jayega aur dakshin pashchim ke band hone se unki arthik samasyaen kafi had tak kam ho jaengi.
4 bhumigat jal strot ko get ke dusri taraf purva ki or banane ki salah di ya pahle bane hue taink ko vikarn rekha se hatakar uttar ki or barhane ko kaha gaya. pandit ji ne unhen ashvasan diya ki sabhi sujhavon ko karyanvit karne ke bad unhen avashya labh milega.
jivan men jarurat hai jyotishiya margadarshan ki? abhi bat karen fyuchar point jyotishiyon se!