prithvi ke punarsansthapan ke uprant prithvi ko gyanopdesh evan apni varah rupi deh ka visarjan parmatma ne jis punya kshetra men kiya vah sthan aj bhi soron (shukar kshetra) ke nam se jan-jan ki shraddha ke kendra ke rup men vidyaman hai.
bhagvan varah ke punya prabhav se is sthan ko vishva sanskriti ke udgam sthalon men se ek mana gaya hai. bat us samay ki hai, jab daityaraj hiranyaksh prithvi ko jal ke andar le gaya. tab uske uddhar hetu bhagvan ne varah rup men lila karne ka nishchay kiya.
prithvi ke punarsansthapan ke uprant prithvi ko gyanopdesh evan apni varah rupi deh ka visarjan parmatma ne jis punya kshetra men kiya vah sthan aj bhi soron (shukar kshetra) ke nam se jan-jan ki shraddha ke kendra ke rup men vidyaman hai. bhagvan varah ke punya prabhav se is sthan ko vishva sanskriti ke udgam sthalon men se ek mana gaya hai. bhagvan shri varah ke deh visarjan ke prabhav ke karan yahan sthit haripdi ganga men mritak ki asthiyan pravah ke tisre din hi jal men vilin ho jati hain. vishva men koi dusra aisa sthal nahin hai jahan asthi galti ho.
bhagirthi ganga yadyapi ham sabhi ke lie param punyaprada hai kintu uske jal men bhi asthi gal nahin pati. adhunik vaigyanik prayason ke bavjud is jal ki is visheshta ke rahasya ka pata nahin laga pae hain. yah vahi shukar tirth hai jo kalantar men varah avtar se purva kokamukh kubjabhrak tirth ke nam se vikhyat tha.
shri varah darshan is kshetra ke pradhan mandir shri varah math ka 17vin shatabdi men nepal naresh ne jirnoddhar karaya tha. is math men pradhan dev shri kshetradhish varah apne shvet-varn vigrah men man lakshmi ke sath sushobhit hain. sath hi iske prangan men bhagvan ke virat rup ka alaukik darshan bhi hota hai. shri hari ganga kshetradhish shri varah mandir ke bilkul samne pratishthit shri hari ganga ka vishal kund mrit atmaon ki mukti ke sakshat parva ke rup men vidyaman hai.
yah vahi pavitra kund hai jahan visarjit asthiyan tin din ke andar jal men vilin ho jati hain. shri gradhavat tirth is pavitra bhumi ke andar hi ‘gradhavat tirtha’ hai jahan adikalin vishva ka ek matra prachinatam vatvriksh ‘gradhvt’ vidyaman hai. vishva ke sarvadhik prachin vrikshon men abhayavat (prayag men), siddhavat (ujjain men), vanshivat (vrindavan men) evan gradhavat shukarakshetra soron men mane gae hain.
isi gradhavat tirth ke vartaman prangan men ‘shri’ vidya ka yantrik svarup sanbhvtah vishva ki ekmatra kriti hai. ’kurmaprishthiya shri yantra’ ka yah svarup kahin aur dekhne ko nahin milta. iski pratishtha adi shankracharya ji ne ki thi. vaivasvat tirth yah vah sthan hai jahan bhagvan surya ne sahasron varsh tap kiya tha.
unke is kritya se ati prasann hokar prabhu ne darshan die evan unki ichcha ke anusar ‘gita’ ka updesh sarvapratham diya. bahut kam vidvan is tathya se parichit honge ki mahabharat men shrikrishn ke arjun ko ‘gitopdesh’ se kafi purva shri gita rahasya ko shri hari ne isi shukarakshetra men bhagvan surya ko samjhaya tha.
somtirth bhagvan chandradev ne apne shap se mukt hone ke lie is pavan dhara par sahasron varsh kabhi shiromukh kabhi adhomukh nana prakar se tapasya ki thi to bhagvan ne prasann hokar unhen n keval shapmukt kiya varan yah var diya ki he chandra ! tumhari sadhna ke prabhav se varsh men ek din yahan ka jal dudh ka rup le lega evan jagvikhyat hoga.
aj bhi chaitra shukla navmi ko yahan sthit kup ka jal dudh ka rup le leta hai. tulsi smarak mandir vishva ko ‘ramchrit mans’ ki anupam kriti dene vale gosvami shri tulsidas ji ka janm yahin shukar kshetra men hua evan unki shiksha-diksha bhi yahin shri nrisinh pathshala men sanpann hui thi. aj bhi gosvami shri tulsidas ji evan unke guru shri narhri ji ke vanshaj jivit hain.
tulsidas ji ke makan ke jirnavshesh aj bhi vidyaman hain. haripdi ganga ke madhya san 1945 men tatkalin jiladhish dvara sthapit gosvami ki sundar pratima unke smarak ke rup men aj bhi vidyaman hai. mahaprabhu ballabhacharya ki baithak ballabh sanpraday ke anuyayiyon ki shraddha ka kendra unki chairasi baithkon men se teisvin baithak isi pavan bhumi par sthit hai.
if you are facing any type of problems in your life you can consult with astrologer in delhi