kuch upyogi totke javasi sant baba fatah sinh chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai
sanp ke vish se bachav hetu :
chaitra mas ki mesh sankrati ke din masur ki dal evan nim ki pattiyan khaen. sarp kat bhi lega to vish nahin charhega. iske atirikt pratidin pratah kal nim ki pattiyan chabakar pani pien aur ghumne jaen, sharir men vish rodhi kshamata barhegi.
ghar men sthir lakshmi ke vas ke lie :
chakki par gehun pisvane jate samay tulsi ke gyarah patte gehun men dal den. ek lal thaili men kesar ke 2 patte aur thore se gehun dalakar mandir men rakhakar fir inhen bhi pisvane vale genhu men mila den, dhan men barakat hogi aur ghar men sthri lakshmi ka vas hoga. ata keval somvar ya shanivar ko pisvaen.
pati-patni ke bich vaimanasyata ko dur karne hetu :
rat ko sote samay patni pati ke takiye men sindur ki ek puriya aur pati patni ke takiye men kapur ki 2 tikiyan rakh den. pratah hote hi sindur ki puriya ghar se bahar fenk den tatha kapur ko nikal kar us kamre jala den.
paitrik sanpatti ki prapti ke lie :
ghar men purvajon ke gare hue dhan ki prapti hetu kisi somvar ko 21 shvet chitkvri kauriyon ko achchi tarah pis len aur churn ko us sthan par rakhen, jahan dhan gare hone ka anuman ho. dhan gara hua hoga, to mil jaega.
sage sanbandhiyon ko diya gaya dhan vapas prapt karne hetu :
kisi sage sanbandhi ko dhan diya ho aur vah vapas nahin kar raha ho, to upar batai gai vidhi ki bhanti 21 shvet chitkbri kauriyon ko pis kar churn uske darbaje ke age bikher den. yah kriya 43 dinon tak karte rahen, vah vyakti apka dhan vapas kar dega. vyapar v karobar men vriddhi ke lie ek nibu lekar us par char laung gar den aur use hath men rakhakar nimnalikhit mantra ka 21 bar jap karen. jap ke bad nibu ko apni jeb men rakh kar jinse karya hona ho, unse jakar milen. kk shri hanumte namah iske atirikt shanivar ko pipal ka ek patta ganga jal se dhokar hath men rakh len aur gayatri mantra ka 21 bar jap karen. fir us patte ko dhup dekar apne kaish boks men rakh den. yah kriya pratyek shanivar ko karen aur patta badal kar pahle ke patte ko pipal ki jar men men rakh den. yah kriya nishthapurvak karen, karobar men unnati hogi.
parivar men shanti banae rakhne ke lie :
budhvar ko mitti ke bane ek sher ko uske gale men lal chunni bandhakar aur lal tika lagakar mata ke mandir men rakhen aur mata ko apne parivar ki sabhi samasyaen batakar unse shanti banae rakhne ki vinti karen. yah kriya nishthapurvak karen, parivar men shanti kayam hogi.