chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai
hamare aspas pae jane vale vibhinn per-paudhon ke patton, falon adi ka totkon ke rup men upyog bhi hamari sukh-samriddhi ki vriddhi men sahayak ho sakta hai. yahan kuch aise hi sahaj aur saral upayon ka ullekh prastut hai, jinhen apna kar pathakagan labh utha sakte hain.
vilva patra : ashvini nakshatra vale din ek rang vali gay ke dudh men bel ke patte dalakar vah dugh niahsantan stri ko pilane se use santan ki prapti hoti hai.
apamarg ki jar : ashvini nakshatra men apamarg ki jar lakar ise tavij men rakhakar kisi sabha men jaen, sabha ke log vashibhut honge.
nagar bel ka patta : yadi ghar men kisi vastu ki chori ho gai ho, to bharni nakshatra men nagar bel ka patta lakar us par kattha lagakar v supari dalakar chori vale sthan par rakhen, chori ki gai vastu ka pala chala jaega.
sankhahuli ki jar : bharni nakshatra men sankhahuli ki jar lakar tavij men pahnen to viprit ling vale prani apse prabhavit honge.
ak ki jar : kort kachhri ke mamlon men vijay hetu ardra nakshatra men ak ki jar lakar tavij ki tarah gale men bandhen.
dudhi ki jar : sukh ki prapti ke lie punarvasu nakshatra men dudhi ki jar lakar sharir men lagaen.
shankh pushpi : pushya nakshatra men shankhpushpi lakar chandi ki diviya men rakhakar tijori men rakhen, dhan ki vriddhi hogi.
baragad ka patta : ashlesha nakshatra men baragad ka patta lakar ann bhandar men rakhen, bhandar bhara rahega.
dhature ki jar : ashlesha nakshatra men dhature ki jar lakar ghar men rakhen, ghar men sarp nahin aega aur aega bhi to koi nuksan nahin pahunchaega.
behre ka patta : purva falguni nakshatra men behre ka patta lakar ghar men rakhen, ghar upri havaon ke prabhav se mukt rahega.
nibu ki jar : uttara falguni nakshatra men nibu ki jar lakar use gay ke dudh men milakar niahsantan stri ko pilaen, use putra ki prapti hogi.
chanpa ki jar : hast nakshatra men chanpa ki jar lakar bachche ke gale men bandhen, bachche ki pret badha tatha najar dosh se raksha hogi.
chameli ki jar : anuradha nakshatra men chameli ki jar gale men bandhen, shatru bhi mitra ho jaenge.
kale erand ki jar : shravan nakshatra men erand ki jar lakar niahsantan stri ke gale men bandhen, use santan ki prapti hogi.
tulsi ki jar : purva bhadrapad nakshatra men tulsi ki jar lakar mastishk par rakhen, agnibhay se mukti milegi.