chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
kush ka banda bharni nakshatra men lakar vidhivat puja kar un namo dhanday svaha mantra ki gyarah mala karke is mantra ki 108 bar ahuti dekar bande ka lal ya pile kapre men rakhakar usmen mudra, ek goth haldi, akshat adi se ek potli banakar apni tijori men rakhne se ghar men dhan-dhanya ki vriddhi hoti hai.
imli ke vriksh se banda, pushya nakshatra men lakar puja ke bad apni dahini bhuja par bandh len ya tijori men rakh den to ghar men lakshmi mata ka avagaman bana rahta hai. ber ke vriksh ka banda svati nakshatra men lakar puja ke bad apne ghar men kisi gupt sthan par rakhne se din duni rat chauguni unnati hone lagti hai.
gular ke vriksh ka banda rohini nakshatra men lakar bhali bhanti pujan karke apne ghar ke mandir men rakhne se dhan-vriddhi hone lagti hai. palash ke vriksh ka banda lakar holi ke din bhali bhanti puja karke ise ann bhandar men rakhne se dhan-dhanya ki vriddhi hoti hai. semal ka banda purva falguni nakshatra men lakar bhali bhanti puja karke ise ghar men kisi gupt sthan men rakh den to dhan men vriddhi hone lagti hai.
bahera vriksh ka banda somvar ke din lakar ashlesha nakshatra men pujan karke ise ghar men puja ke sthan par rakh den to dhan men vriddhi ho jayegi. durva ka banda purvasharha nakshatra men lekar uski bhali bhanti puja karen. ise apne ghar athva karyalay men puja sthal par rakhne se ghar men samriddhi v unnati hone lagti hai.
gokhru tatha am-sighor ka banda lakar use gay ke dudh men pisakar kul vajan ke chauthai bhag men lavan milakar uska tilak dharan karen tatha iski puja karne se kahin gupt dhan hoga to svapn men apko dikhai de jayega. harsingar ka banda magha nakshatra men lakar use dhup dip se pujanakar rakhne se garibi v daridrata ka nash hota hai.
jin pati-patni men apas men prem nahin hai v ghar men kalah rahta hai ve uttarafalguni nakshatra men am ka banda lakar dain bhuja men dharan karen to donon ka jivan sukhamay ho jata hai. banda kaise layen, iski vidhi hai sukshm tarike se batai ja rahi hai.
jo yah banda apne ghar, vyavsay sthal men rakhna chahte hen vah ek din pahle jakar bande ko apne yahan ane ka nimantran dekar vapas ajaen tatha agle din jakar uska pujan karke prarthana karen ki apko ham lene aye hain kripa karke hamare sath chalen.
puja tatha prarthana men lakshmi ji ke mantra un shrin shrin mahalakshmyai namah ka jap karke le aen tatha pratidin dhup-dip se ukt mantra ka jap karne se ghar men dhan ki vriddhi ho jayegi v lakshmi ji ka nivas ho jayega.
if you are facing any type of problems in your life you can consult with astrologer in delhi