pariksha men saflta hetu pariksha men saflta hetu ganesh rudraksh dharan karen. budhvar ko ganesh ji ke mandir men jakar darshan karen aur mung ke ladduon ka bhog lagakar saflta ki prarthana karen. grih kalah se mukti hetu parivar men paise ki vajah se kalah rahta ho, to dakshinavarti shankh men panch kauriyan rakhakar use chaval se bhari chandi ki katori par ghar men sthapit karen. yah prayog shukla paksh ke pratham shukravar ko ya dipavli ke avasar par karen, labh avashya hoga. vyavsay badha se mukti hetu yadi karobar men hani ho rahi ho athva grahkon ka ana kam ho gaya ho, to samjhen ki kisi ne apke karobar ko bandh diya hai.
is badha se mukti ke lie dukan ya karkhane ke pujan sthal men shukla paksh ke shukravar ko amritsiddhi ya siddhi yog men shri dhanda yantra sthapit karen. fir niyamit rup se keval dhup dekar unke darshan karen, karobar men labh hone lagega. bikri barhane hetu gyarah gomti chakra aur tin laghu nariyalon ki yathavidhi puja kar unhen pile vastra men bandhakar budhvar ya shukravar ko apne darvaje par latkaen tatha har purnima ko dhup dip jalaen. yah kriya nishthapurvak niyamit rup se karen, grahkon ki sankhya men vriddhi hogi aur bikri barhegi.
mukdme men vijay hetu panch gomti chakra jeb men rakhakar kort men jaya karen, mukdme men nirnay apke paksh men hoga. parhai men ekagrata hetu shukla paksh ke pahle ravivar ko imli ke 22 patte le aen aur unmen se 11 patte surya dev ko ‘‘suryay namah’’ kahte hue arpit karen. shesh 11 patton ko apni kitabon men rakh len, parhai men ruchi barhegi. karya men saflta ke lie amavasya ke din pile kapre ka trikona jhanda bana kar vishnu bhagvan ke mandir ke upar lagva den, karya siddh hoga.
padonnati hetu shukla paksh ke somvar ko siddh yog men tin gomti chakra chandi ke tar men ek sath bandhen aur unhen har samay apne sath rakhen, padonnati ke sath-sath vyavsay men bhi labh hoga. krodh par niyantran hetu yadi ghar ke kisi vyakti ko bat-bat par gussa ata ho, to dakshinavarti shankh ko saf kar usmen jal bharakar use pila den.