chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai
parhai men man lagane ke lie :
jo bachche gunge hain athva haklate hain, bar-bar pariksha men fel ho jate hain aur jinka man parhai men nahin lagta hai. un bachchon ko ravivar ke din is mantra se 21 bar abhimantrit kar jal pilayen. jo bachche jap kar sakte hain ve pratidin ek mala jap karen. mantra : un ain vanyai svaha 11 isi se padh kar jal bhi pilayen. chamatkarik labh hoga.
upri badha ko churane ke lie :
hajar dana namak ek chota sa ekadam lahasan ke akar men, yah mand hota hai tatha durlabh vanaspati hai. iski ek kali ko torne par saikron ki tadad se atyant sukshm safed bij niklte hain. yah paudha talab men kahin kahin paya jata hai. iska kand ya kali jo bhi upalabdh ho lakar kisi bhi shubh muhurt men tabij men dalakar gale ya bhuja men dharan karen. kisi tantrik dvara abhichar kiye jane par ek bar men iska matra ek dana chatak jata hai aur log surakshit bach jate hain. jab ki ek kali men saikron ki sankhya men bij paye jate hain.
majburi dur karne ke lie :
kai bar ichcha n hote hue bhi majburi men kam karna parta hai. ise dur karne ke lie. upay - 2 laung aur ek kapur ka tukra len. inko 3 bar gayatri mantra parhakar abhimantrit karen. iske bad inhen jala den. jalte samay apka mukh purva ki taraf ho tatha gayatri mantra ka path bhi karte rahen. fir bhasm ko din men do tin bar jibh par lagayen dhire-dhire apki majburi men kam karne ki adat chut jaegi.
pardesh gaye vyakti ya diye gaye dhan ki vapsi hetu upay :
pratahkal snan karne ke bad pardesh gaye vyakti ka nam kagaj par likh kar rakh len. ek or dipak banayen. usmen sarson ka tel dalen fir use jala den. pahle dharti par namak rakhen us par diya rakh kar gaye vyakti ka dhyan kar 43 din tak pratidin lagatar 11 bar hanuman chalisa ka path karen. gaya vyakti vapas a jaega tatha paisa bhi mil jaega.
dudh lane ka upay :
anar ka dana dudh men pisakar dene se jin mataon ko dudh nahin hai unke dudh ane lag jaega.
shvas v dama rogon ke lie :
apamarg ke bijon ko lakar saf kar len v lal kapre se dhak den. kartik purnima ke din unhen dhokar gay ke dudh ki khir bana len fir ratri men unko chalni ya kisi jali se dhak den. puri chandni rat men jo os paregi us khir ko pratah kal men kha len. yah dama rog ki pakki aushdhi hai. karen v labh uthayen. lal rang ka rivan ghar ke mukhay dvar par bandhe. isse ghar men sukh samriddhi ati hai aur kaisa bhi vastu dosh ho vah dur ho jata hai lekin kisi shubh muhurt men riban bandhen.