chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai .
svasth sharir ke lie:
ek rupye ka sikka len . rat ko use sirhane rakh kar so jaen . pratah ise shmashan ki sima men fenk aen . sharir svasth rahega .
sasural men sukhi rahne ke lieah
7 sabut haldi ki ganthen, pital ka ek tukra, thora sa gur agar kanya apne hath se sasural ki taraf fenk de, to vah sasural men surakshapurvak aur sukhi rahti hai .
sukhi vaivahik jivan ke lieah
kanya ka jab vivah ho chuka ho aur vah vida ho rahi ho, to ek lote (garvi) men ganga jal, thori si haldi, ek pila sikka dal kar, larki ke sir ke upar se 7 bar var kar uske age fenk den . vaivahik jivan sukhi rahega .
pareshaniyan dur karne v karya siddhi hetu:
shanivar ko pratah, apne kam par jane se pahle, ek ninbu len. uske do tukre karen. ek tukre ko age ki taraf fenke, dusre ko piche ki taraf. inhen chairahe par fenkna hai. mukh bhi dakshin ki or ho. ninbu ko fenk kar ghar vapis a jaen, ya kam par chale jaen. din bhar kam bante rahanege tatha pareshaniyan bhi dur hongi.
kam ya yatra par jate hue:
kabhi bhi kisi kam ke lie, ya yatra par jate samay, ek nariyal len. usko hath men le kar, 11 bar shri hanumte namah kah kar, dharti par mar kar tor den. uske jal ko apne upar chirak len aur gari ko nikal kar bant dane tatha khud bhi khaen, to yatra safal rahegi tatha kam bhi ban jaega .
kam ke lieah
agar apko kisi vishesh kam se jana hai, to nile rang ka dhaga le kar ghar se niklen. ghar se jo tisra khanbha pare, us par, apna kam kah kar, nile rang ka dhaga bandh den. kam hone ki sanbhavnaen barh jaengi.
kam ke lieah
haldi ki 7 sabut ganthen, 7 gur ki daliyan, ek rupye ka sikka kisi pile kapre men bandh kar, relve lain ke par fenk den. fenkte samay kahen kam de, to kam hone ki sanbhavnaen barh jaengi.
dhan ke lieah
ek handiyan men sava kilo hari sabut mung dal ya mungi, dusri men sava kilo daliya vala namak bhar den. yah do handiyan ghar men kahin rakh den. yah kriya budhvar ko karen.ghar men dhan ana shuru ho jaega.
mirgi ke rog ko dur karne ke lieah
agar gadhe ke dahine pair ka nakhun anguthi men dharan karen, to mirgi ki bimari dur ho jati hai .
bhut-pret aur jadu-tona se bachne ke lieah
mor pankh ko agar tabij men bhar ke bachche ke gale men dal den, to use bhut-pret aur jadu-tone ki pira nahin rahti.