totke dae. urvashi bandhu manorog: jin vyaktiyon ko tanav, anidra, avsad, muchrcha, mirgi, pagalapan ke daure, maigren adi koi bhi manorog ho ve ganesh rudraksh dharan kar labh prapt kar sakte hain. yah rudraksh chamatkari se kam nahin, durlabh hai. shukla paksh ke pratham somvar, trayodshi, shravan, shivratri, siddh yog men dharan kar sakte hain.
ganga jal se svachch kar, chandi ki katori ya plet men puja men rakh kar, sindur ka tika laga kar, dhup-dip-naivedya, durva charha kar, munge ki mala se ¬ gan ganptye namah mantra ka 1 mala jap kar, pranam kar sone ki chen men ya kale dhage men dharan karen. shraddha param avashyak hai. ganesh chaturthi par bhi dharan kar sakte hain.
bhavan par vipatti: yadi kisi bhavan ki chat ka plastar achanak gir pare to nishchay hi us bhavan men koi vipatti ane vali hoti hai. atah aise men sanyam barten. pratidin sundar kand ka path sham ko karen. pratidin sanbhav nahin ho to mangal aur shani ko path karen. satyanarayan katha karaen, anisht tal jaega.
kanch tutna: kabhi achanak yadi shisha akaran tarak jae, chini mitti ya kanch tut jae, samjhie vahan ka sankat tal gaya hai. is prakar ki tuti hui vastu ya shishe ko turant fenk dena chahie. bhagvan ke mandir men ghi ka dip ek laung dal kar jalaen. naivedya rakhen, gulab ya chandan ki agarabatti jalaen aur sab milakar arti gaen.
ag lagna: yadi ghar men kisi utsav ke din achanak ag lag jae to us ghar ke nivasiyon ke lie ane vala varsh kashton se bhara hone ki suchna hai. aise samay men ghar men sundar kand ya ramayan path rakhen, mitron, sanbandhiyon ke sath mil kar path karen, mandir men prasad charhaen. apni roti ke hisse men se pakshi, kutte aur gay ko bhi den. har purnamasi satyanarayan vrat karen, katha karen. kasht tal jaenge.
kauon ka asthi girana: ghar ke angan men kaua yadi koi asthi ka tukra girata hai to vahan chori hoti hai ya anya kisi prakar ke amangal hone ki suchna prapt hoti hai. aise men pratidin kauon ko bundi ka laddu torakar khane ko dalen. tulsi ka paudha ho to sham ko uske sammukh ghi ka dipak jalaen, ‘mangal hi mangal ho’ ki kamna karen.
gadhon ka jamav: jis bhavan ke nirman ke samay gadhe vahan ghumen ya lot lagaven, vahan par rahne vale falte-fulte nahin, klesh, ashanti ka hi rajya rahta hai. yah sab ashubh hai. aise men dhyan rakhna chahie ki ve najar n aen. pahle unhen bhagane ka prayatn rahna chahie. dev darshan karke aen, pipal par jal charha kar aen, ravivar ko chor kar, ful mala dev ko charha kar aen, tab bhavan nirman sthal par jaen. karya siddh hoga.
bichchuon ka niklna: jis ghar men hokar bichchu katar bana kar bahar ki or jate dikhai den, aisa mana jata hai ki vahan se lakshmi jane ki taiyari kar rahi hai. aise men ashtami ke din kanyaon ko halva-puri khilaen, pujan karen. shukravar ko mahalakshmi pujan karen. chaval ki dheri bana kar us par rakh kar dipak jalaen, agle din chaval pakshiyon ko chuga den. chaval sabut hone chahie.
vastu dosh: yadi koi nange panv apne ghar ki tin ya sat parikrama nitya kare to us ghar ke samast vastu doshon ka shaman ho jata hai. vah ghar ghar n hokar ek mandir ho jata hai. usmen rahne valon ko shanti, unnati, uttam svasthya ke sath-sath samriddhi bhi prapt hoti hai. parikrama karte vakt maun rahna chahie. parikrama ghari ki tarah karni chahie. yah parikrama nitya pratah karni chahie. shukla paksh ke ravivar se shuru karen.
pati dvara paisa n dena: kai bar aisa hota hai ki achcha samriddh pati hote hue bhi patni arth se tang rahti hai. kharche itne hote hain par pati patni ko paisa nahin deta. aise men dhairya n khoen, shraddha rakhen. ghar men kuber yantra sthapit karen, puja karen. shriyantra ki chandi ki shuddh pran pratishthit anguthi, baen hath men pahnen ya apne batue men rakhen. kabhi apko paise se tang nahin hona padega. apka pars kabhi paise se khali nahin hoga.
jivan men jarurat hai jyotishiya margadarshan ki? abhi bat karen fyuchar point jyotishiyon se!