नेप्च्यून, प्लूटो तथा हर्षल से संबंधित कुछ प्रभावी योग

nepchyun, pluto tatha harshal se sanbandhit kuch prabhavi yog

umesh pandey

Views : 28710 | February 2006

patrika ke adhar par fal kathan hetu mukhyatah surya, chandra, mangal, budh, guru, shukra, shani, rahu tatha ketu ko hi vyavhar men liya jata hai. kintu vartaman men harshal, nepchyun tatha pluto namak 3 anya grahon ka bhi samavesh inmen kiya gaya hai. tadnusar falit kathan aur bhi suspasht tatha satik ho jata hai.

nepchyun, harshal tatha pluto se sanbandhit kuch saral yogon ka varnan niche kiya ja raha hai:

- patrika men nepchyun kahin bhi min rashi ke sath baitha ho to us bhav men shubhatva dikhai dega.

- patrika ke kisi bhi bhav men yadi nepchyun guru ke sath ho to us bhav ke shubhatva men vriddhi dega.

- pancham bhav men nepachyun aur mangal ya nepchyun aur rahu baithe hon to jatak ko santan sanbandhi kasht rahega. stri jatak men yahi yog garbhapat karata hai.

- saptamesh nich rashi ka ho aur uske sath nepchyun bhi ho to dampatya jivan kashtamay rahta hai.

apni kundli men sabhi dosh ki jankari paen kampalit dosh riport men

- nepchyun aur shani yadi makar athva kunbh rashi ke hokar dasven bhav men hane to jatak ko karobar men bahut saflta milti hai. kintu yah yuti pitri sukh men kami lati hai.

- patrika men barhven bhav men akela nepchyun jatak ko kai prakar se shubhatva pradan karta hai. kintu yadi pap grah se kasht hua to nishchay hi dhan men kami ati hai.

- kisi bhi bhav men nepchyun yadi shukra, chandra evan budh athva shukra, chandra evan guru ke sath ho to nishchay hi jatak rajyog ka adhikari hota hai.

- kisi purush ki patrika men yadi harshal grah chandrama ke sath ho to vah uske dampatya jivan ko bigar deta hai. vishesh rup se satven bhav men yah yuti hone par bahut hi jyada rinatmak dikhai deti hai.

- kisi stri ki patrika men harshal grah kahin bhi surya ke sath ho to use dampatya jivan men bahut pareshaniyon ka samna karna parta hai. yadi yahi yuti satven bhav men ho to is yog ko aur bhi rinatmak janen. talak bhi ho sakta hai.

- jis vyakti ki patrika men harshal aur shani ek sath kisi bhi bhav men baithe hon to uski man pratishtha men kami aegi. yahi yuti dasven bhav men hone par jatak ko kisi karya men apayash milta hai.

- tisre tatha gyarhven sthan men yadi akela harshal ho to jatak ko bahut dhan labh hota hai tatha use bhaiyon ka athva parivar ka sukh milta hai.

- jis vyakti ki patrika men harshal tatha mangal ek sath panchven bhav men hote hain, use santan kasht avashya rahta hai. yadi jatak stri ho to use ekadhik garbhapat bhi ho sakte hain.

jivan ki sabhi samasyaon se mukti prapt karne ke lie yahan klik karen !

- dasven bhav men akela harshal ek ko chorakar kisi bhi ank ke sath ho tatha pahle, chaithe ya satven bhav men guru ho to nishchay hi jatak uchch pad pata hai athva use bahut pratishtha milti hai.

- patrika men kisi bhi ank ke sath shukra tatha harshal kisi bhi bhav men hon to patni se uska sanbandh sadaiv tanavagrast rahega. yahi yuti ashtam bhav men hone par manmutav ke parinamasvarup anaitik sanbandh bhi darshati hai. yah yog drishti sanbandhane ke adhar par nyunadhik bhi hota hai.

- chandra, mangal tatha harshal tinon ka patrika ke kisi bhi bhav men ek sath hona dhanik yog banata hai. aise jatak ko anayas dhan bhi prapt hota hai.

- harshal tatha mangal yadi patrika ke pratham sthan men hon athva harshal, rahu aur mangal pratham sthan men hane to jatak ke sir men chot lagti hai.

- patrika men pluto aur shani pratham bhav men ek sath hone par jatak ko mastishk sanbandhi vikar hote hain.

- pluto aur mangal ek sath yadi chaturth bhav men hon to jatak ko asthi sanbandhi vikar hota hai. durghatana bhi ho sakti hai. kisi bhi fal ke kuprabhav ko dur karne ke lie harshal, pluto athva nepchyun ke sath jo bhi grah hon unse sanbandhit ratn dharan karna athva dan japadi karna chahie.