kristal bael: yah bael sfatik se bani hoti hai. jin logon ke ghar parivar men ashanti bani rahti ho, nirasha ki bhavna har samay ghere rahti ho unhen is bael ko apne ghar athva karyalay men tangna chahie, isse sakaratmak urja ki vriddhi hoti hai, karya men man adhik lagta hai aur jivan men khushhali lautti hai. ise somvar, budhvar athva shukravar ko sthapit karna chahie.
daelfin fish: machliyon ke jore ko ghar men latkana bahut shubh evan saubhagyadayak mana jata hai. inke prabhav se ghar men dhan ki barakat aur karyakshetra men unnati hoti hai. inhen brihaspativar athva shukravar ko ghar men tangna shubh hota hai.
parad piramid: jine ke lie 5 tatvon ki param avashyakta hoti hai. in 5 tatvon ke agaman ki dishaen nirdharit hain. pratyek tatva apni nishchit disha se pravesh aur gaman karta hai. yah kriya manav jivan ke lie atyant avashyak hai. vibhinn dishaon se pravesh karne vali akashiya urja avruddh hone se vastu ke niyam bhang hote hain tatha akashiya urja ki kami ho jati hai. ise vastu dosh kahte hain.
dusre shabdon men yah bhi kaha ja sakta hai ki jin gharon men akashiya urja avruddh ya prabhavit hoti hai, un gharon men vastu dosh mana jata hai. parad piramid alp mulya ka upay hai. ghar, karyalay athva koi bhi karyasthal ho, vahan yah piramid rakhne se akashiya urja adhik milti hai, jiske falasvarup sharir ki anek bimariyan dhire-dhire nasht ho jati hain, ghar men shanti ka vatavaran bana rahta hai, arthik sthiti svatah sudhrne lag jati hai. parad ek vishesh dhatu hai. ise vishisht shastriya vidhi se banaya jata hai. kisi vishvasniya dukan se shubh muhurt men ise kharid kar puja sthal par sthapit karne se, athva ghar ke uttari kshetra men rakhne se labh hota hai.
nav grah piramid: nav grah piramid ki puja sabhi jatkon ke lie shreshth mani gai hai. prachin kal men prayah sabhi rishi, manav piramid ka upyog karte the. yah piramid dhatu, kashth, ratn, patthar, sona, chandi, tanbe, pare, asht dhatu, panch dhatu adi se nirmit kiya jata hai. ayurved shastra ke pramukh acharyon charak tatha sushrut ne bahut vistar se spasht kiya hai ki aushdhi lene ke atirikt, rogon ke nivarnarth, pare ke shivling evan piramid ki upasna avashya karni chahie.
iski upasna jitni saral hai, utni hi labhkari bhi hai. yah piramid sthapit karne se dhan ki vriddhi hoti hai. karyalay men man ashant evan pareshan rahne par, ise mej ke upar samne rakh kar likhne, parhne adi karya karne se pareshani aur man ko ashanti dur hoti hai.
vahan men yatra ke samay jab sab khirkiyan-darvaje band hote hain, to brahmandiya urja ka pravesh kam ho jata hai. aisi sthiti men yah piramid samne rakh kar yatra karne se brahmandiya urja nirantar milti rahti hai.
if you are facing any type of problems in your life you can consult with astrologer in delhi