- ghar ke mukhya dvar par andar aur bahar ki or ganesh ji ki do pratimaen is tarah lagaen ki unki pith ek dusre se juri rahe. sabhi prakar se kalyan hoga.
- ghar ke mukhya dvar par ishan kon men tulsi ka paudha rakhen. pratidin pratah kal usmen jal arpit karen tatha sayankal ise ghi ya til ke tel ka dipak prajjvalit karke ‘‘un namo bhagvte vasudevay mantra ka matra 11 bar jap karne se hi dhan prapti aur sukh shanti ki prapti bhi hoti hai.
- purva ya uttar disha men tulsi ka paudha lagakar uski niyamit puja karne se ghar ke sadasyon men atmavishvas barhta hai.
- ghar men yadi kisi bhi prakar ka vastu dosh hai to ghar ki chat par tulsi ka paudha gamle men lagayen. aisa karne se ghar men bijli girne ka bhi bhay nahin rahta hai.
- ghar men kisi bhi prakar ke vastudosh se bachne ke liye ghar ke ishan kon men panch tulsi ke paudhe lagayen tatha unki niyamit seva karen.
- mukhya dvar ke bad ghar ke khirki darvajon par dhyan dena chahiye. sadaiv dhyan rakhna chahie ki khirki darvajon ki sankhya sam ho jaise (2, 4, 6, 8, 10) tatha khirki darvaje andar ki taraf hi khule.
- dvar khulne aur band karte samay kisi bhi prakar ki karkash dhvani nahin ani chahie. aisi karkash dhvani parivarik sadasyon men vaicharik matbhed evan katuta ki suchak hai.
- yadi kisi bhikshuk ko bhiksha deni ho to ghar se bahar akar hi den, anyatha anhoni hone ki sanbhavna bani rahti hai aur yadi koi dan-dakshina deni ho to ghar ke madhya bhag ko chunen.
- puja ghar men kisi bhi devi-devta ki ek se adhik murti ya chitra n lagayen athva kalh-klesh ki sanbhavna bani rahti hai.
- kisi bhi do devta ki tasviren is prakar n lagayen ki unka mukh amne-samne ho.
- devi devtaon ke chitra kabhi bhi nairritya kon men nahin lagane chahiye anyatha korta-kachahari ke mamlon men uljhne ki puri sanbhavna bani rahti hai.
- chalte samay kabhi pair ghasit kar n chalen.
- kisi ko kuch samjhana ho to apna munh purva disha men hi rakhen.
- parhte samay bachchon ka mukhya purva disha men hi hona chahiye aur bachchon ki stadi tebal kisi divar se sata kar rakhen. stadi tebal ke samne khirki nahin honi chahie. isse bachchon ka dhyan purnataya parhai men nahin lag pata hai.
- is bat ka sadaiv dhyan rakhen ki ghar men kabhi bhi faltu saman, tute-fute bartan, farnichar, kura-kabar tatha bijli ka saman ikattha n hone paye.
- fate purane jute-moje, chate, andrgarments adi jitni jaldi ho sake ghar se bahar fenk den nahin to ghar men sakaratmak urja ka sarvatha abhav rahega aur kasht aur pareshaniyan apko ghere rahegi.
- fate purane moje-jute aur andar garments prayog karne se shani ka nakaratmak prabhav bhi jhelna parta hai. jivan men anayas hi durghatanaen hoti rahti hain.
- kabhi kisi dastavej par hastakshar karne hon to apne hi ‘pen’ ka prayog karen. isse jivan men sthayitva ata hai.
- dakshin ki divar par kabhi bhi darpan n lagayen. darpan sadaiv purva ya uttar disha ki divar par hi hona chahiye.
- kisi bhi dvar ke thik upar ghari nahin lagani chahiye.
- yadi lagatar dhan-vriddhi chahiye to tijori ka munh purva ya uttar disha ki or hi hona chahie. jahan par rupye-paise rakhte hon vahan par koi bhi sugandhit dravya, parafyum ityadi nahin rakhna chahiye.
- ghar ke kisi bhi kon men silan nahin honi chahiye aur n hi ghar ke kisi bhi kon men rat ko andhera rahna chahiye.
jivan men jarurat hai jyotishiya margadarshan ki? abhi bat karen fyuchar point jyotishiyon se!