upayon men mantra v upasna ka mahatva pan. mahesh chandra bhatt yadi ashubh grahon ke prabhavasvarup bar-bar prayatn karne par bhi jivan men vighnon evan vifltaon ka samna karna pare aur bhagya sath n deta ho to ashubh grahon ki anukulta hetu jyotish acharyon dvara pratipadit anisht grahon ke upayon ko apnakar jivan ko svasth, khushhal evan sukhi banaya ja sakta hai. anisht grahon ki shanti ke liye jyotish shastra men anek prakar ke upay bataye gaye hain, jaise mantra jap, havan, dan, aushdhi snan, tirth snan, vrat , ratn evan yantra dharan karna ityadi. purva janmon men krit shubhashubh karmon ke anusar evam grahon ke dvara anuprerit hokar manushya aihik jivan men sukh-dukh, labh-hani, isht anishtadi fal prapt karta hai. janmapatri evan varsh kundli men krur grah manushya ke jivan men pratikul evan kathin samasyayen utpann karte hain jabki shubh evan yogkarak grah anukul v saubhagyavarddhak paristhitiyan banane men sahayak hote hain.
surya shanti ke lie upay :
yadi jatak ki janm athva varsh kundli men surya ashubh ho to nimnalikhit mantra ka (apne samarthyanusar) kam se kam 7000 ki sankhya men jap karna chahiye. jap ka aranbh shukla pakshiya ravivar pratah suryoday se karna chahiye. path karte samay tamra bartan men shuddh jal, tandul, lal chandan, lal pushp, gangajal v thora gur dalakar patra ko lal vastra aur am ke patton evan nariyal dvara dhak lena chahiye. sath hi dan yogya sabhi vastuon ko sankalp karke pahle se pas men rakh lena chahie.
bij mantra : un hran hrin hraun sah suryay namah.
dan hetu vastuen : gehun, lal chandan, gur, lal pushp, lal vastra, ghi, lal varn ki gay, suvarn, manikya, tamra patra, nariyal, lal fal, mishthan, dakshina adi.
anya upay :
1. tanbe ki anguthi men manikya athva vidhivat taiyar kiya hua surya-yantra (tamra patra par) dharan karen.
2. khana khate samay sone athva tanbe ke chammach ka prayog karna tatha 11 ravivar tak surya snan karna.
3. surya stotra ka 108 ravivar tak path karna shubh hai.
4. 40 ya 43 din tak chalte (bahte) pani men gur ya tanbe ke sikke bahana shubh hoga.
5. sarvapratham pratahkal uthakar snan uprant tamra kalash men jal, dudh, pushp, gandh, lal chandan adi lekar purvabhimukh hokar gayatri mantra ka uchcharan karte hue arghya pradan karna chahiye.
chandrama shanti ke liye upay :
jab janm ya varsh kundli men chandra grah ashubh ho to nimnalikhit mantra ko 11 hajar ki sankhya men jap karna aur taduprant dashmansh sankhya men havan karna kalyankari hota hai. jap ka aranbh purnima ya shukla paksh ke somvar se karna chahie.
tantrokt chandra mantra : un shran shrin shraun sah chandramse namah.
dan yogya vastuen : chaval, safed chandan, shankh, kapur, ghi, dahi, chini, mishri, moti, shvet vastra, shvet pushp, shvet fal, chandi, mithai aur dakshina.
anya upay :
1. chandi ke bartanon ka prayog karna evan charpai ke (sone yogya divan ityadi bhi) payon men chandi ke kil thukvana.
2. safed motiyon ki mala athva chandi ki anguthi men moti dharan karna.
3. shishe ke gilas men dudh, pani adi pine se parhej rakhna tatha chandi ke bartanon men dudh, pani pina shubh hoga.
4. pani men kachcha dudh milakar chandrama ka bij mantra parhte hue pipal par dalna.
5. lagatar 16 somvar vrat rakhakar sayankal safed vastuon ka dan karna chahiye tatha panch choti kanyaon ko kshir sahit bhojan karana chahiye.
6. somvar ko hi pratah kal snanadi karke tamra vartan men kachchi lassi (jal tatha thora sa dudh) bhagvan ki murti ya shivling par charhana chahiye.
7. chandi ka kara, chen ya sikka dharan karna chahiye.
mangal shanti ke lie upay :
janm ya varsh kundli men mangal ashubh evan badhakarak ho, to nimn mantra ka jap kam-se-kam 10 hajar sankhya men shukla paksh ke manglvar se praranbh karen.
tantrokt mangal mantra : un kran krin kraun sah bhaumay namah.
dan yogya vastuen : gehun, masur, lal bail, ghi, gur, suvarn, munga, tamra bartan, kaner pushp, lal chandan, lal vastra, kesar, lal fal, nariyal, mithi chapati, gur se nirmit revriyan, dakshina adi. mangal ka dan yuva brahman ko karna shubh hota hai.
anya upay :
1. tanbe ki anguthi men munga dharan karna athva tanbe ka kara pahnna chahiye.
2. manglvar ko ghar men gulab ka paudha lagana tatha 108 din tak rat ko tanbe ke bartan men pani sirhane rakhen aur subah is pani ko ghar men gulab ke paudhe ko dalen.
3. manglvar ka vrat rakhakar 27 mangal kisi apahij (apang) ko mitha visheshakar gur se nirmit bhojan khilayen.
4. nariyal ko tilak karke tatha lal kapre men lapetakar lagatar 3 manglvar chalte pani men bahayen.
5. lal rang ki gay ya lal varn ke kutte ko bhojan khilana shubh hoga.
6. manglvar ka vrat rakhna chahiye visheshakar un kanyaon ko jinki kundli men mangal manglik yog banakar vivah me badha utpann kar raha ho to manglagauri ka vrat lagatar 7 manglvar karna chahie.
budh shanti ke lie upay :
janm ya varsh kundli men budh grah ashubh ho to bhagvan vishnu ka dhyan karte hue shukla paksh ke budhvar se aranbh karke 9000 ki sankhya men bij mantra ka jap karna chahie.
tantrokt budh mantra : un bran brin braun sah budhay namah.
dan yogya vastuen : mungi, 5 hare fal, chini, hare pushp, hari ilaychi, kansya-patra, panna, sona, hathi ka dant, shadrason se yukt bhojan, hari sabji v hara kapra dakshina sahit dan karen.
anya upay :
1. hare rang ka panna budhvar ko sone ki anguthi men dharan karna chahiye. hare rang ke vastra pahnna tatha hare rang ke parde lagana shubh hoga. hare rang ki gari, skutar ya saikil adi ka prayog karen parantu yadi budh ashubh ho to hare vastra kadapi n pahnen.
2. budhvar ko chandi ya kansya ke gol tukre ko hare vastra men lapet kar chalte pani men bahana shubh hoga. pani men bahate samay kam se kam 7 bar budh ke bij mantra ko avashya parhen.
3. hare rang ke vastra (paridhan) kisi hijre ko budhvar ke din dena shubh hoga.
4. budhvar ke din 6 ilaychi hare rumal men lapetakar apne pas rakhen tatha iske pashchat ek ilaychi v tulsipatra ka sevan karna shubh rahega.
guru shanti ke lie upay :
jab kisi vyakti ki janm ya varsh kundli men guru shubh fal dayi n ho to use shukla paksh ke brihaspativar ko shubh muhurt men nimnalikhit mantra ka 19, 000 ki sankhya men path karna tatha taduprant dashansh sankhya men havan karna kalyankari hoga.
tantrokt guru mantra : kkaun sah guruve namah.
dan ki vastuen : pile chaval, pukhraj, chane ki dal, haldi, shahad, pila kapra, pile pushp v pile fal (jaise am, kele adi), kansya patra, ghora, lavan, shakkar, ghi, dharmagranth, suvarn, pili mithai, dakshina adi.
anya upay :
1. sone ya chandi ki anguthi men tarjani anguli men tatha shubh muhurt men pukhraj dharan karen.
2. 27 guruvar kesar ka tilak lagana tatha kesar ki puriya pile rang ke kapre ya kagaj men apne pas rakhna shubh hoga.
3. chalte pani men badam evan nariyal pile kapre men lapetakar bahana shubh hoga.
4. pipal ke vriksh ko guruvar evan shanivar ke din guru ka bij mantra evan guru gayatri mantra parhte hue jal den.
5. vriddh brahman ko yatha shakti pili vastuen jaise-chane ki dal, laddu, pile vastra, shahdadi ka dan karna chahiye.
shukra shanti ke lie upay :
janm ya varsh kundli men shukra ashubhkarak ho to shubh muhurtt men nimn mantra ka 16,000 ki sankhya men jap tatha taduprant dashansh sankhya men havan karna kalyankari hoga.
tantrokt shukra mantra : un dran drin draun sah shukray namah.
dan ki vastuen : chandi, chaval, suvarn, dudh, dahi athva dugdh nirmit vastuen, mishri, shvet chandan, shvet ghora, shvet vastra, shvet pushp, shvet fal evan sugandhit padarth.
anya upay :
1. chandi ki katori men safed chandan, mushkapur, safed patthar ka tukra rakhakar sone vale kamre men rakhen. chandan ki agarabatti jalana shubh hoga.
2. ghar men tulsi ka paudha lagana, safed gay rakhna, safed pushp lagvana shubh hoga tatha krim rang ke reshmi kapre men chandi ke chauras tukre par shukra yantra utkirn kar apne pas rakhen.
3. shukravar ko shri durga pujan, 5 kanya pujan, unhen khiradi shvet vastuen dena tatha gaushala men shukravar se shuru karke sat din tak gay ko hara chara, shakkar evan chari dalen.
4. safed rang ke patthar par chandan ka tilak lagakar chalte pani men baha dena ya chandi ke tukre par shukra yantra reshmi krim rang ke vastra men lapet kar shukravar ko nim ke vriksh ke niche dabayen.
5. shukravar ka vidhivat vrat rakhna chahiye tatha panch shukravar panch kanyaon ka pujan kar unhen mishri sahit shvet vastuen bhent karen.
shani shanti ke lie upay :
janm ya varsh kundli men shani ashubh fal dayak ho to kisi shubh muhurt men aranbh karke nimn mantra ka shraddhapurvak bhagvan shankar ka evan shani ke rup ka dhyan karte hue 23 hajar sankhya purn karne ke pashchat dashansh sankhya men havan karne se shubh prabhav parta hai.
tantrokt shani mantra : un pran prin praun sah shanaishcharay namah.
dan yogya vastuen : nilam, loha, til, urad (mash), sarson ka tel, kala vastra, kali gay, kulthi, lauh nirmit patra, juta, bhains, kasturi, suvarn, nariyal, kale athva nile pushp, fal, dakshina ityadi.
anya upay :
1. sone ki anguthi men nilam dharan karen. uske abhav men nav ke kil ki anguthi athva kale ghore ki nal ki anguthi banvakar madhyama ungli men dharan karen.
2. ghar men nile rang ke parde tatha nile rang ki chadron ka prayog karna aur svayan bhi bahudha nile rang ke vastron ka prayog karna shubh hoga.
3. shanivar ka vrat aur dashrthkrit 'shani stotra' ka path karen.
4. stil ya lohe ki katori men tel men apni chaya dekhakar is tel ko panch shanivar tak ak ke paudhe par athva 'shani mandir' men dalna shubh hoga. 5ven shanivar ko tel charhane ke bad tel vali katori ko vahin daba dena ya vahin charha dena shubh hoga. tel chadhate samay shani ka bij mantra parhen.
rahu shanti ke lie upay :
janm ya varsh kundli men rahu ashubh ho to nimnalikhit mantra ka 18,000 ki sankhya men jap karke dashmansh ka havan karen.
mantra : un bhran bhrin bhraun sah rahve namah.
dan yogya vastuen : saptadhanya, gomed, sisa, kala ghora, til, tel, sone ya chandi ka sarp, urad, kharag (talvar) kavach, nile vastra, kale rang ke pushp, nariyal, dakshina adi.
anya upay :
1. kale v nile vastra pahnne se parhej karen tatha chandi ki chen ya loket pahnna shubh hoga.
2. roti ko khir lagakar kauon ko evan kale rang ki gay ko khilaen.
3. kale til, kachcha koyla, nile rang ke uni kapre men bandhakar shanivar athva rahu ke nakshatron men ghar ke angan men dabana shubh hoga athva nile vastra ke rumal ko rahu mantra parhte hue jal men pravahit kar den.
ketu shanti ke lie upay :
janm ya varsh kundli men ketu ashubh falkari ho to kisi shubh muhurtt men niche likhe mantra ko 17 hajar ki sankhya men jap karen tatha dashmansh ka havan karen.
mantra : un stran strin straun sah ketve namah.
dan yogya vastuen : lahsuniya, loha, bakra, nariyal, til, saptadhanya dhum (dhuen jaisa) varn ka vastra, kasturi, lauh chaku, kapila gay, dakshina sahit.kka
anya upay :
1. ketu ki shanti ke liye shri ganesh chaturthi ka vrat rakhen tatha shri ganesh pujan evan ladduon ka bhog lagana shubh hoga.
2. kale vastra men bandhakar kale v safed til chalte pani men bahana chahiye.
3. rang-birangi (chitkbri) gay ki seva karen evan rang-birange kutte ko dudh v roti dalen.