shriyantra nam se hi pragat hota hai ki yah shri arthat lakshmiji ka yantra hai jo lakshmi ji ko sarvadhik priya hai. lakshmi ji svayan kahti hain ki shriyantra to mera adhar hai, ismen meri atma vas karti hai. shriyantra sabhi yantron men shreshth mana gaya hai islie ise yantraraj kaha gaya hai. iske prabhav se daridrata pas bhi nahin ati hai. yah yantra mahalakshmi ji ko itna adhik priya hai iski mahima ham is yantra ki utpatti janne ke pashchat hi purnatah samajh payenge. ek pauranik katha ke anusar ek bar lakshmi ji aprasann hokar baikunth dham chali gain. isse prithvi par vibhinn prakar ki samasyaen prakat ho gain. samast manav samaj, brahman, vaishya, vyapari, sevakarmi adi sabhi lakshmi ke abhav men din hin, dukhi hokar idhr-udhar mare-mare ghumne lage. tab vashishth ji ne yah nishchay kiya ki main lakshmi ko prasann kar is prithvi par vapas launga. vashishth ji tatkal baikunth dham jakar lakshmi ji se mile, unhen gyat hua ki mamtamyi man lakshmi ji aprasann hanai aur vah kisi bhi sthiti men bhutal par (prithvi) ane ko taiyar nahin hain. tab vashishth ji vahin baithakar adi anadi aur anant bhagvan vishnu ji ki aradhna karne lage. jab shri vishnu ji prasann hokar pragat hue tab vashishth ji ne kaha he prabho, shri lakshmi ke abhav men ham sab prithvivasi pidit hain, ashram ujad gaye, vanik varg dukhi hai sara vyavsay tahas nahas ho gaya hai, sabke mukh murjha gaye hain. asha nirasha men badal gai hai tatha jivan ke prati utsah/ umang samapt ho gai hai. tab shri vishnu ji vashishth ji ko lekar lakshmi ji ke pas gaye aur manane lage. parantu kisi prakar lakshmi ji ko manane men safal nahin ho sake aur ruthi hui aprasann shri lakshmi ji ne dridhtapurvak kaha ki main kisi bhi sthiti men prithvi par jane ko taiyar nahin hanu. udas man evan khinn avastha men vashishth ji punah prithvi lok laut aye aur lakshmi ji ke nirnay se sabko avagat kara diya. sabhi atyant dukhi the. devguru brihaspati ji ne kaha ki ab to matra ek hi upay hai vah hai ‘‘shriyantra’’ ki sadhna. yadi shriyantra ko sthapit kar, pran pratishtha karke puja ki jaye to lakshmi ji ko avashya hi ana padega. guru brihaspati ki bat se rishi v maharshiyon men anand vyapt ho gaya aur unhonne brihaspati ji ke nirdeshan men shriyantra ka nirman kiya aur use mantra siddhi evan pran pratishtha kar divali se 2 din purva arthat dhanteras ko sthapit kar shodshopchar pujan kiya. puja samapt hote hote hi lakshmi ji vahan upasthit ho gain v kaha ki main kisi bhi sthiti men yahan ane hetu taiyar nahin thi parantu apne jo prayog kiya usse mujhe ana hi pada. shriyantra hi to mera adhar hai aur ismen meri atma vas karti hai. shriyantra sab yantron men sarvashreshth mana gaya hai. isliye ise yantraraj kaha gaya hai. shri yantra ki rachna bhi anokhi hai. panch trikon ke niche ke bhag ke upar char trikon jinka upri bhag niche ki taraf hai. is sanyojan se 43 trikon bante hain. in 43 trikonon ko gher kar do kamal dal ke bahar tin vritt hain. iske bahar hai tin chairas jise bhupur kahte hain. is yantra ke vishay men pashchim ke suprasiddh rekhagnit vaigyanik sar eleksikulchev ne adbhut tathya prastut kiye hain jo shri yantra ki mahatta ko aur adhik pusht karte hain. is yantra ki sanrchna rekha vigyan ke anusar bhi badi hi vichitra hai. tin adi rekhaon ka bindu kendra banana ek ati vichitra yog hai. fir kis prakar anyanya adi rekhayen akritiyan banati hain ye bhi ashcharya ka vishay hai. sath hi sath sampurn rup men apalak is rekha rachna ka dekhte rahne par yah chalayman si anubhav hoti hai. kuch hilta sa najar ata hai. ismen anek akritiyan bhi ati jati pratit hoti hain. yantron men jo bhi ank likhe jate hain ya jo bhi akritiyan banai jati hain ve vishisht devi devtaon ki pratit hoti hain. yantron ki utpatti bhagvan rudra ke pralykari nritya tandav se mani jati hai. yantron ke darshanamatra se kam ban jata hai aur agar niyamit rup se pas rakha jaye to nirantar shubh karya sampann hote rahte hain. sampurn yantra vigyan men shriyantra ko sarva siddhi data, dhandata ya shridata kaha gaya hai. ise siddh ya abhimantrit karne ki anek vidhiyan ya mantra bataye gaye hain. is yantra ko tanbe, chandi ya sone par banaya ja sakta hai. tanbe par 2 varsh, chandi par 11 varsh, svarn par sadaiv prabhavi rahta hai. aise vyaktiyon ko jo kuch bhi karya nahin kar sakte, ko shriyantra ka laeket pahna diya jaye to use bhi sadbuddhi a jati hai tatha vah bhi kamkaj karne lagta hai. is laket ko navratri sthapna ke din dharan karna chahie. isse dhan ki prapti hoti hai. iske dharan karne se dharak ko kisi prakar ka bhay nahin hota v nirantar ay men (naukri/vyavsay) unnati hoti rahti hai aur uska bhagyoday ho jata hai evan lakshmi ji hamesha us par apna ashirvad banaye rakhti hain. jo stri apne pati ki nirantar unnati chahti hai use avashya hi lakshmi ji ke shriyantra ke laeket ko dharan karna chahie. isse ghar men sukh, shanti v lakshmi ji ki kripa us ghar men sthai rup se ho jati hai. shriyantra ke prakar: 1. meruprishthiya shriyantra 2. kurmaprishthiya shriyantra 3. dharaprishthiya shriyantra 4. matsyaprishthiya shriyantra 5. udhrvarupiya shriyantra 6. matangiya shriyantra 7. navnidhi shriyantra 8. varahiya shriyantra shriyantra sona, chandi evan tanbe ke atirikt sfatik evan pare ke bhi banaye jate hain tatha ajakal upalabdh hain. shriyantra vibhinn akar ke bhi banaye jate hain jaise anguthi men pahnne ke, laeket men pahnne ke, banh par bandhne vale, tabij ke rup men, batue men rakhne ke liye sikke ke rup men adi. shriyantra ki puja men jap hetu lakshmi ji ka yah mantra ati upyogi hai: un shrin hrin shrin kamle kamlalye prasid prasid shrin hrin shrin un mahalakshmyai namah. is jap men mala kamal gatte ki prayog karen. sabse achcha shriyantra sfatik ka mana gaya hai. sfatik mani ke saman hota hai. hindu dharm men charon stambh charon shankracharya mane jate hain, ye bhi sfatik shriyantra ki puja karte hain. hindu dharm ke sabhi gyani sant, mahapurush, dharmacharya, mahamandaleshvar, yogi, tantrik, sannyasi sabhi ke puja sthal men is yantra ka pramukh sthan hai. is yantra ko yantraraj athva yantra shiromni bhi kaha gaya hai kyonki banki sabhi yantron men mantron ke sath dhatuon ki shakti samai hui hai parantu sfatik shriyantra men mantron ke sath-sath divya alaukik sfatik mani ki sampurn shaktiyan hoti hain. isko sfatik mani par ubhara jata hai jisse iski shaktiyan hajaron guna badh jati hain. ise puja sthan, karyalay, dukan, faiktri evan padhai ke sthan par rakhne evan puja path karne se dhan, dhanya evan vyapar men labh tatha padhai men saflta tatha vahan men rakhne par durghatana se bachav hota hai. pare ka shriyantra:- yah bhi sarvashreshth mana gaya hai. para bhagvan shiv ka vigrah kahlata hai aur lakshmi ji ne svayan kaha ki parad hi main hanu aur mera hi dusra svarup parad hai. parad shriyantra ki mahatta svayansiddh hai iski koi sadhna nahin hoti. yah to jis ghar men sthapit hoti hai vahan svayan hi arthik unnati hone lagti hai. atah spasht hai ki shriyantra ek adbhut yantra hai, iske mahatva ka varnan karna surya ko dipak dikhana hoga. isko ghar men sthapit kar svayan anubhav karen.
Kya aapko lekh pasand aaya?
Subscribe