adi anadi kal se dharmae sanskriti v astha bhav se paripurn bharat desh men sanatan devi devtaon ke alava kitne hi lok devi devtaon ki puja ki jati hai. kahin ye dak babae kahin ye golu devtae kahin balajie kahin dihvar babae kahin goraiya to kahin brahm devta ke rup men pujit hain. isi kram men dhelva gosaine ful daekae dakhinaha babae dargahi pirae rah babae dih devta adi ka bhi nam ata hai par inmen brahm devta ko baraham baba bhi kaha jata hai. aise to pure desh men brahm devta ke kitne hi sthan hain par inmen bihar rajya ke kaimur parvat ke anchal men virajman bhabhua nagar ke harsu brahm ka apna vishisht mahatva hai jinki kripa se manav janit tamam prakar ki badhaen aur dev shrap ka shaman.daman shighra ho jata hai. karya sanchalan men daksh the.
vivaran milta hai ki harsu pandey bhabhua ke nivasi the jo chainpur se 15 ki.mi. uÿar ki or hai. aiese inke purohit ka khandan ajgra (u.pra.) men nivasarat hai jo harek varsh varshik mahotsav men avashya ate hain. rathaur rajput sundri manikmti se vivah ke bad raja ke nam, yash v gun ki charcha sarvatra hone lagi. age 1805 i. men rajya ke vikas v janta ke utthan hetu raja ne vishnu yagya kiya aur apne rajkiya kshetra ke sabhi brahmanon ko yatha uchit samman diya. is karya men shri harsu pandey ka purn sahyog prapt hua jo rajamahal ke thik samne hi vishal bhavan men raha karte the. vivah ke tis sal gujar jane par bhi jab raja ko putra ratn ki prapti nahin hui tab yah raja hi nahin praja ke lie bhi chinta ki bat thi. harsu pandey ne bhi jyotish ke adhar par bataya ki rajan apko is patni se putra yog apurn rahega is karan ap dusra vivah kar len tab vanshvriddhi avashya hogi. jab maharani ne yah sab jana to unhen apar kasht hua ki harsu pandey ke prabhav men akar raja uski upeksha kar rahe hain. rani ne ant men kah hi diya ki mujhe apka punarvivah svikar nahin.
ab raja karen bhi to kya? ant men raja ne shri harsu pandey ki sahayta se sarguja (chaÿaisgrh) ki rajkumari gyankunar se kashi men chupchap shadi kar li jo raja bhanudev sinh ki putri thi. kashi men hi naya bhavan banakar inki vyavastha ki gai. idhar rani ko jab yah malum hua usne chal chalakar choti rani ko bhi yahin rajamahal men bula liya. ab donon rani sath rahtin par bari rani ko hamesha raja se badla lene ka bhav balvti raha. jab choti rani ke agaman ka utsav rajamahal sahit pure rajya men manaya ja raha tha tabhi bari rani ne ghoshna karte hue kaha ki ab is rajya ki vastavik maharani gyankanuar hi rahengi aur aj se mera karya raja ko prashasnik sahyog dena hai. raja rani ke is tyag ko jan sunakar sann rah gaya aur usne bhi tatkshan ghoshna ki ki bagair bari maharani ki ray vichar ke ve koi karya nahin karenge.
din gujar raha tha par ek rat bari maharani ne raja ko harsu brahm ke mahal ki or ishara kiya ki kaise ap raja aur kaisa apka rajya hai jahan raja se unche bhavan men rajpurohit ka dip ratabhar jalta rahta hai. raja uncha hai athva rajpurohit. raja ne samjhaya- aisa mat soch priya... harsu apna rajkiya purohit hi nahin samast karya ka matidata v sahayak hai par rani ke man men to badle ki bhavna abhi tak bani thi. usne yad dilaya ki ap to vachan de chuke hain ki meri ray ki avhelna nahin karenge. to chalie uske bhavan men upar dip aj se nahin jale- bhala raja ke bhavan se uncha purohit ka bhavan hoga ! raja vachan har kar rani ki baton men a gaya. jaise hi raja ka kafila harsu pandey ki bhavan tak pahuncha anubhvi harsu sab jan samajh gaye. apne isht dev ka smaran kiya... raksha ki guhar lagai fir kya tha brahm devta ke param upasak harsu pandey ki raksha adrishya rup men brahm shakti karne lagi. sampurn rajya men hahakar mach gaya. dekhte-dekhte vishal rajaprasad dher ho gaya.
raja-rani sabhi dar gaye. choti rani garbh se thi is karan unhen naihar bhej diya gaya. harsu pandey aisa karne ke bad bare dukhi hue aur unhonne anashan praranbh kar diya. anashan ke 21ven din madhyahn men sanvat 1484 magh shukla navmi bhaumvar ko apna sharir tyag karne ke uprant sukshm sharir dharan kar harsu pandey se harsu brahm ban gaye. inki mrityu ke bad inke antim sanskar ki taiyari chal rahi thi par ek jordar avaj ke sath hi sharir pind rup men parivartit ho gaya. yahi pind aj harsu brahm sthan ke mul pujan kshetra men pujit hai jise ayu faldata svikara jata hai. is kshetra men harsu brahm se sanbaddh aur bhi kuch devasthal pujit hain jo ‘brahma’ devta ke hi hain par in sabon ke bich harsu baba ka sthan bara hi mahimakari hai.