vivah evan dampatya sukh ke badhak yogon men mangli yog pramukh hai. iske prabhavavash n keval vivah men deri hi hoti hai, apitu kabhi-kabhi sagai ya vivah hokar bhi rishta tut jata hai. is mangli yog ka haua itna hai ki kuch log yah pata lagne par ki unka larka ya larki mangli hai, is bat ko chupane ka prayatn karte hain aur kuch log to mangli yog ke dar ke mare nakli janmapatri tak banva lete hain.
vastutah mangli yog se n to darne ki aur nahin use chupane ki avashyakta hai kyonki jyotish shastra men is yog ke nivaran ke anek upayon ka pratipadan kiya gaya hai. mangli yog ke haua se bachne ke lie in tin baton ki jankari avashyak hai:
1. yah yog kya hai ?
2. yah vivah evan dampatya sukh men kaise badha dalta hai?
3. iske nivaran ka upay kya hai ?
mangli yog: vaidik jyotish ke anusar vyakti ki janm kundli men lagn, chaturth, saptam, ashtam ya dvadash bhav men mangal ho, to mangli yog banta hai. vyakti ki janm kundli men saptam bhav uske vivah evan dampatya sukh ka suchak hota hai. is yog men lagn, chaturth ya dvadash sthan men sthit mangal apni drishti se saptam bhav ko prabhavit karta hai jabki saptam bhav men sthit mangal apni yuti se use prabhavit karta hai.
ashtam sthan men sthit mangal pati ya patni ke kutunb/privar ko prabhavit karta hai. is prakar lagn, chaturth, saptam, ashtam ya dvadash bhav men mangal hone par yah yog banta hai. isi prakar kundli men chandra se inhin sthanon men kahin bhi mangal hone par chandra mangli yog banta hai, jise am taur par log chunri mangli ya pag mangli yog bhi kahte hain.
dakshin bharat men is yog ke ukt panch bhavon men se lagn ke sthan par dvitiya bhav ka grahan kar is yog ka vichar kiya jata hai. dakshin men is yog ko kuj dosh kaha jata hai. mangli yog ka prabhav: vaidik jyotish ke pravartak rishiyon evan manishi acharyon ne mangal ko jaldabaji, jiddipan evan ahankar ka suchak mana hai.
atah jis vyakti ki kundli men yah yog hota hai, uska vivah tay karne ki prakriya kabhi jaldabaji ke karan, kabhi jiddipan ke karan aur kabhi-kabhi parivarik ya vaiyaktik ahankar ke karan sire nahin charh pati aur parinamasvarup vivah men rukavat evan deri ho jati hai. dampatya sanbandhon men ghanishthata ya pragarhta ke lie pati patni men apsi lagav evan atut vishvas hona avashyak hota hai.
yadi pati-patni donon mangli hon, to unke svabhav men samanta hone ke karan unmen ghanishthata bani rahti hai. kintu yadi un donon men se ek mangli aur ek sada ho, to yah yog unke apsi sanbandh ko unki jaldabaji, jiddipan ya unka ahankar palita laga deta hai.
parinamtah unmen tu-tu main-main se lekar algav tak ki naubat a jati hai. is prakar yah mangli yog vivah se pahle rishta tay hone men rukavat evan deri tatha vivah ke bad pati-patni ke apsi sanbandhon men khinchtan ke rup men badha dalta hai.
mangli yog ka upay: mangli yog ke prabhavavash vivah men anevali rukavat evan deri se bachne ke lie mangla gauri mantra ka anushthan ek achuk upay hai. iska paranpragat mantra, viniyog, nyas, dhyan, pujan yantra evan vidhi is prakar hain:
shri mangla gauri mantra: ¬ hrin mangle gauri vivahbadhan nashay svaha.
viniyog:
asya shri mangla gauri mantrasya ajrishiah
gayatri chandah shri manglagauri devta hrin bijan svaha
shaktiah mamabhishtan siddhaye jape viniyogah.
rishyadi nyas ¬ ajay rishye namah, shirsi.
¬ gayatri chandase namah, mukhe.
¬ mangla gauri devtayai namah, hridi.
¬ hrin bijay namah, guhye.
¬ svaha shaktaye namah, padyoah.
karanyas ¬ angushthabhyan namah.
hrin tarjanibhyan namah.
mangle gauri madhyamabhyan namah.
vivahbadhan anamikabhyan namah.
nashay kanishthikabhyan namah.
svaha kartlkrprishthabhyan namah.
anganyas ¬ hridyay namah.
hrin shirse svaha.
mangle gauri shikhayai vashat.
vivah badhan kavchay hum.
nashay netratrayay vaushat.
svaha astray fat.
dhyan:
girvansandharchitpad pankjarun aprabha bal shashank shekhra.
raktambara lepan pushpayung mude srinin sapashan dadhtin shivastu nah..
pujan yantra anushthan vidhi: nitya karmon se nivritt hokar achaman evan marjan kar chaiki ya patre par pila kapra bichakar us par asht gandh evan chameli ki kalam se bhojapatra par likhit shri mangla gauri pujan yantra sthapit kar vidhivat viniyog, nyas evan dhyan kar panchopchar (roli, chaval, ful, dhup evan dip) se us par shri mangla gauri ka pujan kar ukt mantra ka jap karna chahie.
jap sankhya 64,000, matantar se 1,25,000 anushthan ke niyam nitya karmon ke bad asan par purvabhimukh ya uttarabhimukh baithakar chandn/tika lagakar prasann bhav se anushthan karna chahie. vishvaspurvak viniyog, shraddhapurvak pujan evan manoyogpurvak jap karne se anushthan safal hota hai. suryoday se ek prahar (tin ghante) ka samay uttam tatha madhyahn ka samay madhyam hota hai.
if you are facing any type of problems in your life you can consult with astrologer in delhi