jantantrik shasan pranali men pradhan neta, mantri aur shaskiya adhikari adi uchch padon ka vichar rajyogon se aur nimn padon (shaskiya sevkon) ka vichar raj pradhan yogon se karna chahiye. uchchastariya ajivika ki prapti men yah yog hi mukhya bhumika nibhate hain. maharshi parashar pranit in yogon ko janne ke liye atmakarak, amatyakarak grah aur arudh lagna/pad lagn ko samjhna parega.
atmakark: janmakalin grahon men se jis grah ke ansh sarvadhik ho vah atmakarak hota hai. jahan grahon ke ansh tulya hon, vahan kala se adhikta leni chahiye aur kala saman ho to vikla se jo adhik ho, vahi atmakarak hota hai. maharshi parashar ne kaha hai- jinke janmakal men do grah sam ansh vale ho to donon hi us karak ke svami hote hain.
parantu uska fal sthir karak se kahna chahiye. atmakarak grah se nyun ansh vala grah amatyakarak hota hai. isi prakar kramshah bhratrikarak, matrikarak, putrakarak, gyatikarak v strikarak hote hain. in sabhi men atmakarak pradhan hota hai v jatak ka svami hota hai.
atmakarak ke vash se anya karak fal dene vale hote hain. kyonki atmakarak sabhi grahon ka raja hota hai. lagnarurh pad: janurlagnallagnasvami yavad duran hitishthati. tavad duran tadagre ch lagnarudhan chan kathyate.. lagn lagn se lagnesh jitne dur bhav men sthit ho, usse utne hi bhav age ki rashi lagnesh ka pad ya arurh hota hai. use lagn pad ya arurh lagn kahte hain.
is prakar lagnarurh ko lagn manakar chakra banaye usmen jo grah jis sthan men ho use vahan likhakar fal kahen. is prakar dvadash bhavon ka arurh pad banaya ja sakta hai lekin sabhi padon men lagn ka pad mukhya hota hai. nirvadh argala: pad ya lagn se 2, 4, 7, 11 bhav men shubh grah hone se ya ukt bhavon par shubh grahon ki drishti hone se nirbadh argala hoti hai. nirbadh argala ho to vyakti bhagyavan hota hai.
is prakar pratyek bhav se argala ka vichar kiya ja sakta hai. yadi 2, 4, 7, 11 bhavon men ashubh grah ho ya ashubh grahon ki drishti ho to fal ka anupatik hras hota hai. chaturth ka dasham, dvitiya ka dvadash aur ekadash ka tritiya bhav kramshah badhak hote hain. atah tritiya, dasham, dvadash bhav men sthit grah pratibandhak argala hote hain arthat nirbadh argala men vadhik hote hain.
shubh grah ki argala bhav fal ko khelti hai, dhan ki vriddhi karti hai aur pap grah ki argala bhav fal ko rokti hai evan alp dhan deti hai. shubh evan pap grah ki mishrit argala hone par kahin vriddhi kahin hras hota hai. lagn pad ya chandrama ke sath koi uchchasth grah ho tatha unse guru shukra ka yog ho aur pap grah krit argala yog n ho to nisanshay vishesh rajyog hota hai.
pad ya lagn se satven bhav men nirvadh argala hoti hai yadi yah argala ho to manushya bhagyavan hota hai. shubh grah ki argala bahut dravya dene vali hoti hai. maharaj yog aur uchchadhikari maharshi parashar ke matanusar men daivagya rajyogon ko janta hai vah raja (shask) dvara pujya hota hai. aiye ham bhi pramukh raj yogon ko janne ka prayatn karte hain.
lagne'y panchme vapi lagneshe panchmadhipe. putratmakarkau vipra lagne va panchme'pi ch .. sambandhe vikshite tatra drishtaivan panchmadhipe. svochche svanshe svabhe vapi shubhagrah nirikshite.. maharajeti yogo'yan sodatra jat sukhi narah. gajvajirdhairyuktah senasgmanekdha.. (pa. ho. rajyogadhyay - 6-8)
1. lagnesh aur panchmesh lagn ya pancham bhav men sthit ho athva lagnesh pancham bhav men aur panchmesh lagn men sthit ho. to rajyog hota hai.
2. athva atmakarak aur putrakarak donon lagn ya pancham me ho, ya donon men kisi prakar ka sanbandh ho. to rajyog hota hai.
3. janm lagnesh tatha panchmesh ke sanbandh se tatha atmakarak aur putrakarak ke sanbandh se aur inke balabal ke anusar uttam, madhyam aur adham rajyog hota hai.
4. rajyogkarak grah apni uchch rashi men sthit hon aur shubh grahon dvara drisht ho to uttam shreni ka rajyog ‘maharaj yog’ hota hai. is yog men utpann vyakti shasan ke uchch padon par ya uchch prashaskiya adhikari hota hai.
5. rajyogkarak grah apne svayan ke navansh men sthit hone aur shubh grahon dvara drisht hone par jatak shasan ya prashasan men dvitiya shreni ka adhikari hota hai.
6. rajyog karak grah yadi svayan ki rashi men sthit ho to jatak tritiya shreni ka shaskiya karmachari hota hai tatha use rajyashray prapt hota hai. uprokt sabhi sthitiyon men utpann manushya vahan adi se yukt aur sukhi hota hai.
‘maharaj yog’ shreshth rajyog hai. jinke janmakal men yah yog parta hai. us jatak ka sabhi samman karte hain tatha uske adesh ka palan karte hain. bhagyeshah karke lagne panchmen saptame'pi va. rajyogapradatarau gajvajidhnraipi.. yadi bhagyesh aur atmakarak lagan, pancham ya saptam men ho to hathi, ghore aur dhan se yukt rajya dete hain. maharshi parashar ke anusar yadi uchch rashi men sthit grah lagn ko dekhta ho to rajyog hota hai. chathve ya athve bhav men apni nich rashi men baitha grah yadi lagn ko dekhe to yogkarak hota hai aur rajyog ka fal deta hai.
dhamakarmadhipau chaiv vyatyaye tavubhau sthitau. yuktashchedvai tada vachyah sarva saukhya samanvitah.. (brihad parashar horashastra 20/28) navmesh dashmesh ke sthan parivatran se arthat navmesh dasham bhav aur dashmesh navam bhav men sthit ho athva in donon ki yuti ho to jatak sabhi sukhon se yukt hota hai. laghu parashri men param kendresh aur param trikonesh ke is yog ko pratham shreni ka rajyog kaha gaya hai tatha is yog ka fal yash-kirti aur vijay bataya gaya hai. yah yog mainne anek netaon aur adhikariyon ki janmakundli men paya hai.
jiske adhar par main kah sakta hun ki ukt yog men yadi rajbhang yog n ho to jatak shasak varishth mantri ya uchch adhikari hota hai aur dhan-man-samman ke sath sukhi jivan jita hai. sukh karmadhipau chaiv mantrinayen sanyutau. dharmeshena'thva yuktau jalashchedih rajyabhak sukhesh, karmesh yadi panchmesh ya dharmesh (navmesh) se yukt ho to jatak rajya ka adhikari hota hai. yahan bhi kend-trikon ke sanbandh se rajyog bataya gaya hai. kintu is yog men pratham aur saptam kendra ko shamil nahin kiya gaya hai.
panchmesh saptamesh ke sanbandh se amatya yog hota he. isi yog men yadi karmesh yog karta hai to raja ya mantri hota hai. kendresh aur navmesh ka yog ho to raja se vandit raja hota hai. nishkarsh yah hai ki sukhesh aur panchmesh ka sanbandh lakshmidayak hai, sukhesh aur navmesh ka sanbandh isse bhi achcha (shubh) hai kintu dashmesh aur navmesh ka yuti drishti ya sthan parivartan sanbandh prabal rajyog karak hai.
lagnesh, panchmesh aur navmesh in tinon ki yuti yadi lagn, chaturth ya dasham sthan men ho to rajvansh men upann jatak raja hota hai. aisa maharshi parashar ka kathan hai kisi shasak ya adhikari ke putra ki kundli men ukt yog ho to vah balak bhi apne pita ke saman shasak ya adhikari hota hai. apni janm kundli men ukt yog rakhne vala jatak yadi sadharan pita ka putra ho to aisa jatak nimn shreni ka adhikari, mantri ka sachiv hota hai.
saptamesh dashamasth men sthit ho tatha apni uchcharashi men karmesh bhagyesh ke sath ho to ‘shrinath’ yog hota hai. is yog men utpann jatak dvand ke saman raja hota hai. vartaman samay men raja se tatparya shasak ya shaskiya adhikari se hai. raj pradhan yog banam rajyadhikari pramukh rajyogon ki charcha karne ke bad ab ham raj pradhan yogon ki charcha karenge. maharshi parashar ne hora shastra men in yogon ka ullekh raj pradhan yogadhyay -22 men bare hi yuktipurvak aur sundrta se kiya hai.
prachin samay men rajapradhan ka tatparya raja ka pradhan sachiv (mantri) ya raj mahal ka pradhan karyakari adhikari hota tha. vartaman men rajapradhan yog men janme vyakti rajya ya jile ka adhikari kendra ya rajya sarkar men vibhagiya mantri ya dvitiya shreni ka ai. e. es ya ai. pi. es adhikari hota hai.
ao, ham rajapradhan yogon ka avlokan karte hain. rajyesho'pi janulrlagnadmatyeshyute nirikshite. amatyakarke011'pi pradhanatva nripalye ..
1 .. yadi rajyesh, panchmesh aur amatyakarak se yut ya drisht ho to jatak raja ke yahan pradhan hota he. maharshi parashar ne ek sthan par panchmesh ko mantri bataya hai aur yahan amatyakar ko bhi mantri ke saman hi mana hai. in donon mantriyon ka rajyesh se sanbandh hone par raja ka pradhan sevak hota hai. labhesho vikshite labhe papdrishtivivarjite. tada rajyalye vipra pradhanatvan kule'pi ch ..
2.. labhesh labh sthan ko dekhta ho aur papagrah se labhesh drisha ya yut n ho to raja ke yahan pradhan hota hai. amatyakarkenadi karkendreshsanyute. tivrabuddhiyuto balah senadhisho'pi jayte..
3.. atmakarak jis rashi men baitha ho, us rashi ka svami yadi amatyakarak se yut ya drisht ho to balak tikshn buddhi ka senapti hota hai. iska tatparya yah hai ki vah sena ka pradhan senapti hota hai. karke kendrakoneshu tugnkrshe chapi sansthite. bhagyapen yute drishte rajmantri prajayte..
4.. yadi atmakarak grah apni uchch rashi men kendra (1, 4, 7, 10) ya trikon (5, 9) men baitha ho aur bhagyesh se yut. drisht ho to jatak rajyamantri hota hai. karke yasya rashishe lagnage sanyute kshite. mantritvamukhya yogo'yan vadhike natra sanshyah ..
5 .. atmakarak hi janmarashish hokar janmalagn men sthit hokar yadi lagnesh se yut/drisht ho to vriddhavastha men mukhyamantri hota hai. labhesho labhbhvne papdrishtivivarjitah. karke shubh sanyukte labhan tasya nripalyat..
8 .. yadi labhesh labh sthan men ho, pap grah dvara drisht n ho tatha atmakarak shubh grah se yut ho to raja ke yahan se (rajadvar) labh hota hai.