prashna: kisi kundli ke adhar par kaise nirnay karenge ki jatak naukri karega ya apna vyavsay karega? yah kaise sunishchit karenge ki jatak ka karyakshetra kya hoga?
jatak videsh men saflta prapt karega ya svadesh men. udaharan kundliyon se apne kathan ki pushti karen. manushya jivan karm par adharit hai jivnyapan ke lie hamen anek vastuon tatha sansadhnon ki avashyakta hoti jinki prapti hamen dhan ke adhar par hoti hai parantu yah dhan bhi nirantar rup se kiye gaye kisi karm ke dvara hi prapt hota hai yah karya hi hamari ajivika kahlati hai tatha ajivika se hi samaj men hamari pahchan ban pati hai. pratyek vyakti ki ajivika alg-alag star tatha bhinna-bhinn kshetron men hoti hai iske atirikt kuch vyakti seva naukri se ajivika chalate hain tatha kuch svatantra vyavsay karke tatha kai bar vyakti manchahe kshetra men purn parishram karne par safal nahin hota tatha jaise hi vah ajivika kshetra badlta hai to use sahaj hi safal mil jati hai. vastav men hamare janm ke sath hi grah sthiti se yah sab nishchit ho jata hai ki ham kis kshetra men jayenge ya kya karya hamare lie upyukt hai tatha ismen bhi naukri ya svayan ka vyavsay to jyotish shastra ki yahi upyogita hai ki ap apne lie upyukt kshetra chayan karen aur sahaj hi saflta mile.
naukri ya vyavsay: jyotishiya drishti kon men janmakundli ka dasham bhav, dashmesh, shani tatha in par prabhav dalne vale grahon se hamari ajivika v uska svarup spasht hota hai dasham bhav to purnataya ajivika ka karak hai hi tatha mukhya nirnayak ghatak bhi hai parantu jab ajivika ko bhi naukri aur vyavsay do bhagon men banta jay to ismen naukri ke lie dasham ke atirikt shasht bhav tatha vyavsay ke lie dasham ke atirikt saptam bhav ki bhi bhumika hoti hai.
jatak naukri karega ya vyavsay: yah vishay do drishtikon se dekha ja sakta hai ek to yah ki jatak kis prakar se ajivika apnayega ya naukri aur vyavsay men se kismen uski ruchi hogi aur dusri taraf yah bhi mahatvapurn hai ki vastav men jatak ke lie upyukt kya hai naukri ya vyavsay?
û yadi jatak ki kundli ke dasham bhav men char rashi (1, 4, 7, 10) sthit hai to aisa jatak karm se svatantra soch rakhne vala adhik mahatvakankshi vyakti hota hai tatha aisa vyakti svatantra vyavsay ko apnata hai.
û yadi kundli ke dasham bhav men sthir rashi (2, 5, 8, 11) sthit ho to vyakti ek sthan par jamakar karya karne men ruchi rakhta hai tatha naukri ko apnata hai.
û yadi kundli ke dasham bhav men dvisvabhav rashi men (3, 6, 9, 12) sthit ho to jatak samay ke anukul apne ap ko dhalne vala hota hai tatha apne labh ke anusar naukri aur vyavsay donon ko apna sakta hai.
û uprokt ke atirikt inhin rashiyon men dashmesh ki sthiti mukhya to nahin par sahayak bhumika avashya nibhayegi dashmesh char rashi men hone par vyavsay, sthir rashi men hone par naukri tatha dvisvabhav rashi men hone par donon karyon ki kshamata vyakti men hogi.
uprokt niyam naukri aur vyavsay ke chayan men apni bhumika nibhate hain parantu ajivika ke svarup ke atirikt jyotish shastra hamen yah bhi adhik satikta se batata hai ki hamare lie kya achcha hai. yadi kundli men saptam bhav, saptamesh, ekadash bhav ekadshesh v budh achchi sthiti men ho to hi vyakti vyavsay men achchi saflta payega tatha yadi shasht bhav v shashtesh achchi sthiti men ho to naukri men saflta hogi shasht bhav men pap yog ho ya shashtesh atyant pirit ho to vyakti ko naukri men bahut samasyaen hoti hain.
jatak ka karyakshetra: yah vishay sabse mahatvapurn hai ki kis kshetra men jatak ko saflta milegi ya jatak kya karega vartaman samay men yah aur bhi mahatvapurn islie hai kyonki pratispardha ke samay men yadi yah nirnay ho jaye ki hamare lie kaunsa kshetra achcha hai to vidyarthi varg usi disha men prayas kar sakte hain. karyakshetra ke nirdharan men dasham bhav ki aham bhamika hai dasham bhav men sthit rashi, dasham par prabhav dalne vale grah dashmesh ka navanshpti adi karyakshetra ke chayan men sahayak hote hain.
‘‘karyakshetra’’ ke nirdharan men dasham bhav men sthiti rashiyon ki bhumika bhi hoti hai parantu yah keval ek sahayak bhumika hoti hai mukhya v sukshm rup se to grahon ki bhumika hi hoti hai.
karyakshetra nirdharn:
û dasham bhav men sthit grah tatha dasham bhav par drishti dalne vale grah se sanbandhi jatak ka karyakshetra hota hai. yadi yah grah ek se adhik hon to jatak ek se adhik vyavsay bhi apna sakta hai tatha chayan karte samay jo grah unmen adhik bali ho usse sanbandhit kshetra men jana chahie.
û kuch vidvan dashmesh ke navanshpti ko arthat dashmesh navansh kundli men jis grah ki rashi men ho us grah se sanbandhit karyakshetra batate hain parantu yah bat tabhi manni chahie jab dashmesh ka navanshpti grah achchi sthiti men ho.
û jo grah janmakundli men sabse adhik bali ho uske adhar par bhi jatak ki ajivika purnataya sanbhav hai aur aise grah ke adhar par kiye gaye karya men nishchit saflta milti hai.
û janmakundli men shani se trikon bhav men sthit grah bhi ajivika deta hai. uprokt niyamon ke adhar par jab kuch grah nishchit ho jayen to yah to nishchit hai ki jatak inmane sanbandhit karyon men ja sakta hai parantu hamen karyakshetra nirdharan karne men nikle hue grahon ke adhar par bhi inmen jo sabse adhik bali grah ho use adhar par karyakshetra ka chayan karna chahie.
dasham bhav men sthit rashi:
û yadi dasham bhav men agnitatva rashi (1, 5, 9) ho to yah yog jatak ko urja, agni, parakram adi ke kshetron men sahayak hota hai jaise- (vidyut sanbandhi, agni pradhan karya, sena, prabandh, shalyachikitsa adi)
û yadi dasham bhav men bhumi tatva rashi (2, 6, 10) ho to yah yog bhumi ya bhusanpda se sanbandhi karyon men sahayak hota hai (bhumi vikray, proparti diling, bhavan nirman, bhusanpda adi)
û yadi dasham bhav men vayutatva rashi ho (3, 7, 11) ho to yah yog jatak ko buddhiparak karyon men sahayak hota hai (kampyutar sanbandhi, ekaunts, lekhan, vaigyanik, lekha-jokha rakhna adi)
û yadi dasham bhav men jal tatva rashi (4, 8, 12) ho to yah yog jatak ko jal ya pey padarth sanbandhi karyon men sahayak hoga (jal, pey, padarth, nevi, sinchai adi) niyamon ke anusar jab karyakshetra nirdharan ke lie grah nishchit kar len to un par adharit nimn vyavsay honge.
surya- chikitsak (fijishiyan), davaiyon se sanbandhi, mainejment rajniti, gehun se sanbandhi adi.
chandrama- jal se sanbandhit karya, pey padarth, dudh, deyri prodakt (dahi, ghi, makkhana) khadya padarth, yatra se sanbandhit karya, aisakrim, ainimeshan.
mangl- jamin jaydad vikray, vidyut sanbandhi, tanbe se sanbandhit, sivil injiniyaring, ilaiktrikal injiniyaring, arkitaikchar, shalyachikitsak mainejment adi sportas, khilari.
budh- vanijya sanbandhi, ekautent, kampyutar jaeb, lekhan, jyotish vanipradhan karya, enekring, kansalatainsi, vakil, telifon vibhag dak, koriyar, yatayat, patrakarita, midiya, bima kanpni adi. katha vachak.
brihaspati- dharmik vyavsay, karmakand, jyotish, adhyapan, kitabon se sanbandhit karya, sanpadan, chapai, kagaj se sanbandhit karya, vastron se sanbandhit, lakri se sanbandhit karya, nyayalay sanbandhit, paramarsh.
shukra- kalatmak karya, sangit (gayan, vadan, nritya), abhinay, chalchitra sanbandhi dekoreshan, faishan dijaining, penting, striyon se sanbandhit vastuen, kaesmaitik striyon ke kapre, vilasitapurn vastu (gari,vahan adi) sajavti vastuen mithai sanbandhi, enimeshan.
shani- mashinon se sanbandhit, purjon se sanbandhit, maikenikal injiniyaring, kemikal prodakt, jvalnshil tel (paitrol, dijal adi) lohe se sanbandhit kachchi dhatu, koyla, prachin vastuen, puratatva vibhag, adhik shram vala karya.
rahu- akasmik labh vale karya, mashinon se sanbandhit, tamsik padarth, jasusi gupt karya adi vishay sanbandhi, kit nashak, enti bayotik davaiyan.
ketu- samaj seva se jure karya, dharm, adhyatmik karya adi. uprokt ke adhar par jo grah ajivika ko adhik prabhavit kare usse sanbandhit kisi kshetra men jayen.
videsh men saflta ya svadesh men: is vishay ko dekhne ke lie dvadash bhav ko videsh ya videsh yatra karak mana jata hai parantu iske atirikt videsh jane ya safal hone ke lie sabse mahatvapurn karak chandrama hota hai atah yah smaran rakhna chahie yadi chandrama kundli men bahut kamjor ho ya pirit ho to videsh jana ya vahan saflta pana bahut kathin hoga parantu chandrama shubh hone par vahan saflta hogi.
û chandrama dasham bhav men ho ya use dekhe to videsh men saflta sanbhav hai.
û chandrama yadi shani ke sath ho ya shani ko dekhe toe videsh ke yog banenge.
û chandrama yadi barhven bhav men sthit ho ya shashth men hokar barhven bhav koe dekhen to bhi videsh ke yog honge.
û lagn ya saptam bhav men bali ho to bhi videsh men saflta sanbhav hai.
û yadi dashmesh dvadshesh ka rashi parivartan ho to bhi videsh men saflta sanbhav hai ya dvadshesh ka dasham bhav se koi sanbandh banen tab bhi.
û yadi kundli men chandrama atyant pirit ho to videsh jane par bhi saflta kathin hoti hai atah svasthan par hi saflta hogi.
jatak ke sarkari naukri ke yog: jab balvan (uchch, svagrihi, lagnesh v dashmesh) yuti karke kisi bhav men sthit ho tatha dasham bhav ke karak grah surya, budh, guru evan shani ki naisargik (prakritik) avastha ka samay chal raha ho tatha yah karak grah bali (svagrihi) hokar kisi bhav men sthit ho to jatak sarkari naukri men hota hai. yadi sath hi pap grahon- rahu, ketu, mangal, surya evan shani ki mahadsha ka samay ban raha hai to jatak takniki kshetra men hota hai.
is purush jatak ke lagnesh ($rashish, shukra) evan dashmesh (chandra) yuti karke vrish rashi men bali hokar ashtam bhav men sthit hai. sath hi dasham bhav ka karak grah, surya (jiski prakritik umra-20 varsh hoti hai), jo saptam bhav men uchch ka sthit hai.
jatak ko 20 varsh ki umra men sarkari naukri mili tatha sath hi rahu ki mahadsha men ne takniki kshetra men sarkari naukri mili. jab dashmesh uchch ka hokar kendra men sthit ho tatha dasham bhav men koi bhi grah uchch ka sthit ho to jatak sarkari naukri men hota hai.
sath hi uprokt ki tarah pap grahon ki chal rahi mahadsha takniki kshetra se jorti hai. is purush jatak ke dashmesh mangal, saptam bhav men uchcharashigat sthit hai tatha dasham bhav men surya jo dasham bhav ka karak grah bhi hai, bhi uchch ka sthit hai. sath hi is jatak ki umra ke 25 ven varsh men surya ki mahadsha praranbh hui. jisne takniki kshetra men sarkari naukri di. jab dasham bhav men koi bhi grah panchmhapurush ka yog ho to jatak sarkar se jura hota hai ya sarkari naukri men hota hai.
yadi bhagyesh bhi dashmesh se yuti kare to jatak sarkar se jura hokar (uchchapada) par hota hai. bharat ke vartaman pradhanmantri manmohan sinh ki patri men dasham bhav men bhadra yog ke sath navmesh surya ki yuti ne budhaditya yog banakar bare (uchcha) pad ki naukri di.
jatak ke vyavsay ke yog tatha praivet naukri ke yog: jab dasham bhav men koi bhi grah nich ya shatrurashi ka sthit ho tatha kairiyar ke samay iski mahadsha chale to jatak ko sarkari naukri se vanchit kar vyavsay karna parta hai. kundli-4 men purush jatak ke dasham bhav men shatrurashi ka rahu sthit hai tatha umra ke 20ven varsh men rahu ki mahadsha praranbh hui, jisse, dashmesh tatha lagnesh guru ke navam bhav men bali sthit hone ke pashchat bhi sarkari naukri nahin lag pai tatha majburan vyavsay karna para tatha sath hi ek varsh pashchat yani umra ke 21 ven varsh men pita ki bhi rahu ke karan mrityu ho gayi.
kundli-5 men purush jatak ke dasham bhav men shatrurashi ka rashish ‘shukra’ sthit hai. lagnesh, dashmesh guru ke lagn men panchmhapurush ka yog banane ke pashchat bhi jatak ko sarkari naukri ka labh nahin mil paya. sath hi umra ke 20-25 varsh men shani (samrashi ka) ki mahadsha ka samay bhi thik tha. jyada achcha nahin tha. shukra, shani ke karan jatak ko sarkari naukri nahin mil payi. lekin bali guru ne praivet kanpni men naukri dili di.
jab dashmesh nich ya shatru rashi ka hokar sthit ho to jatak ko vyavsay karvata hai kundli-6 men purush jatak ke dashmesh, lagnesh, guru ashtam bhav men shatru rashigat sthit hai. sarkari naukri ka aefar ane ke bad bhi naukri nahin lag pai. majburan jatak ko vyavsay karna para. yah jatak vyavsay bhi bar-bar badlta hai.
videsh ya svadesh men naukri athva vyavsay (praivet naukri ke yog): jab lagnesh bali ho tatha dashmesh, kendra ya trikon men bali ho to jatak videsh men naukri karta hai. bali se tatparya uchch, svagrihi evan mitra rashi tak ke grahon se hai. sath hi bhagya (navm) bhav par shubh prabhav ho tatha inka samay chal raha hai. kanudli-7 men purush jatak ke lagnesh shukra, dvitiya bhav men svagrihi budh ke sath mitrarashigat bali hai tatha dashmesh shani pancham trikon bhav men mitra rashigat bali hai.
sath hi vartaman men tritiya bhav men sthit grah rahu ka navam bhagya bhav par prabhav mitrarashigat hai tatha vartaman men hi rahu ki mahadsha chal rahi hai. jiske parinam svarup jatak videsh men naukri kar raha hai. jab lagnesh bali ho tatha bhagyesh (navmesh) lagn bali ho to jatak videsh men naukri karta hai. kundli-8 men purush jatak ka lagnesh shukra dvitiya bhav men mitrarashigat bali hai tatha navmesh, dashmesh shani lagn men bali (mitrarashigt) hai.
faltah jatak videsh men naukri se jura hai. kundli-9 men purush jatak ka navmesh mangal lagn men mitrarashigat sthit hai tatha lagnesh surya nich ka sthit hai tatha shukra lagn men hone se arthat donon men bhav parivartan yog hone se nich bhang ho gaya hai tatha surya ki bhagya bhav par drishti uchch ki hai. faltah jatak naukri se videsh se jura hai.