septik taink  

septik taink kahan hona chahie aur kyon? vibhinn dishaon athva sthanon par septik taink hone se kaisi samasyaen utpann hongi? bina taink hatae kya un samasyaon se chutkara paya ja sakta hai, yadi han to kyon aur yadi nahin to kyon? uttara: adhunik grih nirman men mal-mutra evan avshisht padarthon ke nishkasan hetu septik taink ka nirman bhi ek avashyak avayav hai. septik taink nirman log apni suvidhanusar kahin bhi kar dete hain jo vastu ke siddhanton ke anurup nahin hota. logon ko pata nahin chalta parantu galat sthan v disha men iske nirman se anyanya kashton evan pareshaniyon ka samna karna padta hai. septik taink ke nirman ki avdharna kuch dashkon purva hi astitva men ai hai kintu aj yah har ghar ki avashyakta ban gai hai. septik taink ke lie samanyatah jamin ke niche gaddha banaya jata hai. vastu ke siddhanton ko yadi manen to yah gaddha savdhani purvak banaya jana chahie kyonki ismen kisi bhi tarah ki kami tatha asangtta atyadhik nakaratmak urja ka srijan karti hai jo grih nivasiyon ko anek prakar se pida pahunchati hai sath hi vayumandliya pradushan ka karan banti hai. vastu shastra ka manna hai ki septik taink ka nirman savdhani purvak karna chahie. vastushastra men septik taink ke nirman hetu kuch niyam evan nirdesh pratipadit hain jinka anupalan karke hi septik taink ka nirman kiya jana chahie. vastunukul septik taink banane hetu avashyak nirdeshah- 1. septik taink ka pratishthapan is prakar kiya jana chahie ki iska mukh kabhi bhi dakshin-purva, dakshin-pashchim athva uttara-purva disha ki or n ho. 2. septik taink ke lie sabse adarsh evan upyukt sthiti uttara-pashchim disha hai. 3. septik taink ka prithakkaran is prakar kiya jana chahie jisse ki jal ka nikas purva disha ki or ho tatha mal evan avshisht padarthon ka nishkasan pashchim disha ki or ho. 4. septik taink ki lambai purva-pashchim disha ki or tatha chaidai uttara-dakshin disha ki or honi chahie. 5. iska nirman jamin ke leval men kiya jana chahie tatha ise ghar ke mukhya divar athva kampaund vael se kuch duri par hona chahie. 6. aisi vyavastha banaen ki taeylet evan snanagar ki nali ke paip ka nikas pashchim athva uttara-pashchim ki or se ho. iske viprit rasoighar ka jal-nikas paip purva athva uttar ki disha ki or unmukh ho. 9. jal nikas paip kisi bhi paristhiti men ghar ke dakshini bhag men pratishthapit nahin hona chahie. yadi is prakar ka nirman apriharya karnon se ho bhi gaya hai to yah avashya nishchit karen ki kam se kam jal ka nikas purva athva uttar disha se ho. 10. mukhya sivej (ganda jala/mal jal) uttar, purva athva pashchim ki or avasthit ho sakta hai kint dakshin disha men iski avasthiti vastu ke drishtikon se svikarya nahin hai. 11. yadi sampurn uttari bhag ko 9 saman hisson men vibhajit kiya jay to septik taink uttara-pashchim disha ke tisre bhag men nirmit ki jani chahie. 12. septik taink ko mukhyatya sampurn bhukhand ko 9ga9 ke kul 81 grid men bantakar septik taink ka sthan nirdharit karna chahie. sanlagn chitra men in 81 grid men kin dishaon men septik taink shubh athva ashubh athva sam hai, darshaya gaya hai. isi chitra ke anurup septik taink hetu sthan ka chayan kar nirman karvana chahie. purva purva disha sabse shuddh evan daiv disha mani jati hai. idhar se hi jivndayini rashmiyon evan urjaon ka ghar men pravesh evan pravah hota hai. atah is disha ko septik taink ke lie nishiddh mana gaya hai kyonki iski nakaratmak urja ke karan is disha se sakaratmak urja evan labhdayak kirnon evan tarangon ka pravesh evan pravah avruddh evan prabhavit hoga. atah vastu men is disha ko kafi mahatva pradan kiya gaya hai tatha ise doshmukt rakhne ki vakalat ki gai hai. is karan se is disha men septik taink hona bahut bada dosh dakshin-pashchim dakshin-pashchim ghar ka sarvadhik shant kshetra hota hai. grihasvami ke shayan kaksh ke lie yah kshetra sarvatha upyukt hai kyonki dinabhar ke karya se thakan ke uprant yahan aram evan mansik shanti ki anubhuti hoti hai. is disha men septik taink ka nirman hone se atyadhik nakaratmak urja ka srijan hota hai jiske karan grihasvami evan unki patni ko ghabrahat, bechaini, siradard evan maigren ke sath-sath anya kai tarah ki pareshaniyon ka samna karna padta hai. is disha men septik taink hone se nimnalikhit pareshaniyan utpann ho sakti hain: 1. siradard, ghabrahat, bechaini adi ki samasya. 2. ghar ke sadasyon ka svasthya aksar kharab. 3. durghatana ka bhay. 4. ghar ke sadasyon men atmahatya karne ki pravritti viksit hona. 5. pati-patni ke bich ladai-jhagde, mar-pit, mukdmebaji. 6. vyapar men nuksan. brahmasthan jaisa ki nam se hi spasht hai brahmasthan devtaon ka sthan hai jahan har prakar ke devi-devtaon ka vas mana jata hai. yahan par vastupurush ki nabhi mani jati hai jo ki sharir ka sarvadhik marm sthan hai. atah yahan par puja-path ke atirikt kisi bhi prakar ki gatividhi varjit hai. vastu shastra ke anusar 81 grid men se ekadam madhya ke 9 grid men kisi bhi prakar ka nirman sarvatha varjit hai. atah yahan par septik taink ka nirman nivasiyon ki purn barbadi ka dyotak hai. brahmasthan men septik taink hone se ghar ke logon ko nimnalikhit pareshaniyon ka samna karna pad sakta hai: 1. ghar men sukh, shanti evan samriddhi ka purn abhav. 2. akaran ladai-jhagde. 3. padosiyon se mukdmebaji. 4. ghar ke kisi sadasya ki hatya athva apaharan hone ki sanbhavna. 5. ghar ke logon ke svasthya men asamanya utar-chadhav. 6. akaran apman tatha man-pratishtha men kami. 7. santanhinta. galat sthan par septik taink ke dosh ke upay:- 1. ghar ke uttara-purva men faunten athva fish ekveriyam lagaen. 2. ghar ke dvar ke bahar bada svastik chihn banaen athva svastik piramid lagaen. 3. dvar par om trishul lagaen. 4. dvar ke bahar evan andar ganesh ji ke do foto is prakar lagaen ki donon ke prishth bhag ek-dusre se jude hon. 5. ghar ke har kamre men piramid rakhen. 6. ghar ke uttara-pashchim bhag men bans ka paudha lagaen. 7. bich-bich men ghar men puja-path tatha havan karaen. 8. ghar ke uttari kshetra men mani plant lagaen. 9. ghar ke uttari evan uttara-pashchimi disha men vind chaim lagaen. 10. galat sthan men septik taink ho to uske charon taraf tanbe ka tar pargola banakar daba den. tin bhagon men vibhajit kiya jata hai. adarsh rup men jal purva bhag men tatha mal evan avshisht pashchimi bhag men jama hona chahie. 13. yadi jagah ki kami hai tatha adarsh sthan par septik taink ka nirman sanbhav nahin hai to septik taink pashchimi bhag ke uttari kone par banvaya jana vastu sammat hai. kintu septik taink ki ghar ke mukhya divar (kampaund vael) se duri kam se kam 2 fit avashya honi chahie. 14. septik taink ka nirman bhavan men plinth leval se upar nahin hona chahie. iska nirman graund leval men karna sarvottam hai. 15. bhavan ka gatar uttar, purva athva pashchim men hona vastu sammat hai. dakshin disha men iski sthiti kadapi svikarya nahin hai. 16. vaise log jo bhavan ke upri talon par rahte hain, ve is bat ka khyal avashya rakhen ki jal nikas paip dakshin-pashchim ke kone par kadapi n ho. yadi apriharya karnon se ho bhi to usse jal ka risav to bilkul n ho. 17. upar ke talon se ane vale paip dakshin-pashchim kone par nahin hona chahie.