namank se bhavi jivan sathi ya bijnes partanar ka chunav jay niranjan ank jyotish bhie bhavishya janne ki pramukh vidha hai- is vidha ka prayog vishesh rup se vahan par atyadhik mahatvapurn ho jata hai jab kisi vyakti ka janma-vivaran nishchit rup se gyat n ho. ank jyotish men bhavishyakathan ke vyavhar men do tarike vishesh rup se prachlit hain.
1. janmatithi ke mulank se
2. namank se.
yahan par ham namank ke adhar par yah batane ka prayas kar rahe hain ki janm vivaran ki anupalabdhata hone par namank ke madhyam se upyukt jivan sathi ya bijnes partanar ka chunav kaise kiya ja sakta hai.
iske lie sarvapratham vyakti ko apne tatha apne bhavi jivan sathi ya bijnes partanar ke nam ko angreji bhasha men likh lena chahie. tatpashchat usmen ankit sabhi varnon ke ankon ko nimnalikhit talika nan. 1 se dekhakar likhen aur unka yog ikai ank tak gyat karke namank likh len. fir talika nan. 2 se apne tatha bhavi jivan sathi ya bijnes partanar ke namank ke madhya shubhashubh sanbandhon ko jan len. udarn-1 amrita pritam : prakhyat lekhika amrita pritam, jinka mul nam amrita hai, ka vaivahik sanbandh inke jivan ki sabse bari trasdi hai.
buy detail numerology report
inhen kishoravastha men hi mashhur shayar sahir ludhiyanvi se prem ho gaya tha lekin ye sahir se vivah n kar payin. inka vivah 16 varsh ki avastha men pritam sinh se ho gaya. vivah ke bad bhi amrita sahir ko bhula nahin saki, parinamtah inka vivah-sanbandh kabhi bhi sthayi n ho saka, n kabhi tajgi aur vishvas hi kayam kar paya. 40 varsh ki avastha men pati se inka talak ho gaya. bad men ye chitrakar imroj ke sath rahne lagin. imroj ka sath inhen jivan ke antim pal tak mila jo karib 45 varshon ki lanbi avdhi ka raha. aie, namank ke adhar par amrita ke imroj ke sath shubhashubh sanbandhon ka vishleshan karte hain.
yahan par yah spasht karna avashyak hai ki vivah aur talak ke bad amrita ka nam amrita nahin amrita pritam se hi jana gaya hai islie imroj ke sath inke amrita pritam nam ka hi ank vishleshan karna uchit hoga. amrita =1+4+2+1+4+1=1+3=4 sahir ludhiyanawi=3+1+5 +1+2+3+6+4+5+1+1+1+5+1+6 +1=46=4+6=10=1+0=1 preetam singh = 8+5+5+4+ 1+4+3+1+5+3+5=46=4+6=0= 1+0=0 amrita preetam=1+4+2+1+4+ 1+8+2+5+5+4+1+4 ==42=4=2=6 imaroj=1+4+1+2+7+1=16= 1+6=7 uparyukt vishleshan se pata chalta hai ki amrita ka namank 4 tatha sahir ludhiyanvi evan pritam sinh ke namank 1 hain jinke madhya talika nan. 2 ke anusar shatruvat sanbandh hain tatha amrita pritam aur imroj ke namank kramshah 6 aur 7 hain
jinke madhya sam sanbandh hain. isi adhar par anukul bijnes partanar ka chunav bhi kiya ja sakta hai.