ghar ka stor rum khole ghar ke raj kuldip saluja jab nai fasal ati hai tab achchi kism ka khadyann bajar men upalabdh hota hai. har admi apne parivar ke lie sahi samay par uchit mulya par achchi kism ka khadyann kharidakar ekatra karna chahta hai. ghar ke jis kone men is khadyann ka sangrah kiya jata hai, use stor rum kahte hain. stor rum m hi ghar ka dusra rashan bhi ek sath lakar rakha jata hai, taki roj-roj ghar ka rashan lene jane men samay ki barbadi n ho. islie stor rum ghar ka ek mahatvapurn sthan mana jata hai. storrum ghar men kahan aur kis sthan par hai isse ghar men rahne valon ki arthik, mansik aur sharirik sthiti ka pata lag jata hai. aie dekhte hain kis prakar stor rum ka prabhav ghar men rahne valon par parta hai. purva - is disha men ghar ka stor rum ho to us ghar ke mukhiya ko apni ajivika ke lie jyada yatraen karni parti hain. agney - agney konasth rasoighar men jyada khane ki samagri rakhi jae to ghar ke mukhiya ki amdni ghar ke kharche se kam hoti hai aur us par karj bana rahta hai. dakshin - is disha men ghar ka stor rum ho ya yahan khadyann rakha jata ho to bhaiyon men galtfhmi, vivad aur jhagra hota hai. nairritya- yahan par khadyann jama kiya jae to khadyann men kire lagne ki shikayat hoti hai, bhojan bhi jyada paushtik nahin rahta aur admi kitna hi kamae, kam parta hai. ghar ke malik ki man ko thand aur gais ki samasya rahti hai aur uska man bhi bhramit rahta hai. pashchim - yahan par khadyann ka sangrah kiya jae to ghar ke bachche yatra se sanbandhit karyakshetra men ya vyaparik saudon se labh pate hain. ghar ka mukhiya buddhiman hota hai, kintu ghar ka mukhiya durghatanavash apni patni ke hote hue bhi kisi anya stri ke akarshan men fans jata hai. dikhne men vah admi anbhigya aur agyani najar ata hai, par vastutah vah jyada yatra karne ke karan bahut buddhiman aur safal hota hai. vayavya - yahan par anaj ka bhandaran kiya jae to yah disha bahut hi shubh hoti hai. yadi stor rum men hi puja ka sthan ho to bahut hi shubh hota hai. vahan rahne vala parivar arthik rup se sanpann hokar man-samman prapt karta hai. aise ghar ka mukhiya yatra ka shaukin hota hai, kintu man men anshanti rahti hai aur kisi stri ke sath sanbandhon ke karan badnami bhi hoti hai. uÿar -yahan par stor rum ho, yahan anaj rakha jae to yah darshata hai ki ghar ka mukhiya buddhiman aur romantik tabiyat ka hai, lekin aise mukhiya ko stri evan purush mitron se mitrata ke karan badnami ka samna bhi karna parta hai. patni men koi dosh ho sakta hai jis karan use garbhadharan men dikkat ati hai. ishan - yadi yahan par stor rum ho to aise ghar ka mukhiya ghumne ka shaukin hota hai evan mata paksh ke log dharmik aur dan-punya karne vale hote hain. uparyukt dishaane men bane stor rum ke alava ghar ke anya kamron ki sthiti ka bhi prabhav ghar ke mukhiya v anya sadasyon par parta hai jo is prakar hai. yadi ghar ke agle bhag ke danyane hath ki khirki vale kamre ko stor rum bana rakha ho to us ghar ke mukhiya ka pita ya ek beta samaj ke logon dvara pasand kiya jata hai, parantu sath hi vah aramaparast aur dhire-dhire kam karne vala admi hota hai. aisa admi sarkari naukar ho sakta hai ya sarkar se labh pa sakta hai. yadi ghar ke agle bhag ke bayane hath vale kamre men roshni madhyam rahti ho aur vahan ghar ka anaj, rashan ka saman rakha rahta ho to aise ghar ki mahila ko gais ki samasya rahti hai aur parivar men galtfhmiyon ke karan apsi larai-jhagre chalte rahte hain. yadi ghar ki rasoi ke andar ya usse jure stor rum men anaj rakha jae to us parivar ko apne kairiyar, profeshan, aur dhandhe men kai samasyaon ka samna karna parta hai. unhen kamane men bahut mehanat karni parti hai aur sari kamai kharch ho jati hai. bhavishya ke lie bachat nahin ho pati. yadi ghar ke hael ke andar hi ghar ka khadyann rakha jae ya stor rum hael se jura hua ho to us ghar ke log buddhiman aur aklamand hote hain, lekhak hote hain, vyapar men labh hota hai. aise ghar ka mukhiya bahut hi satvik, guni aur bhala vyakti hota hai aur mahila mitron se jyada sahyog prapt karta hai. stor rum pujaghar ke ekadam samne ho ya usse jura ho ya pujaghar men hi stor rum ya stor rum men hi pujaghar ho to us ghar ka mukhiya buddhiman hota hai aur imandari se paisa kamata hai. yadi stor rum ka rasta bedrum se hokar jata ho ya bedrum ke sath hi stor rum ho ya stor rum hi bedrum ke rup men upyog kiya jata ho to aise ghar ki patni bahut hi bhagyashali hoti hai. aise ghar ke mukhiya ki tarakki bhi shadi ke bad jab patni ati hai, tab hi shuru hoti hai. ghar ke khadyann rakhne ke kamre men yadi ghar ke gahne, kapre ityadi rakhe jaen ya yah saman rakhne ka hi ek bhag ho to aise ghar ke log paise udhar dene ka kam karte hain ya lagjari aitam ya bare saudon se paisa kamate hain. yadi stor rum jarurat se jyada bara ho arthat ghar ke anya kamron se bhi bara ho aur vahan andhera bhi rahta ho to us ghar ka mukhiya galat tarike se dhan kamata hai, logon ko thagta hai. is tarah vah kai logon ko apna shatru banata hai. yadi stor rum kisi galiyare men ho, sankra ho, ya vahan bathrum ho, nali ho, mori ho ya pas men hi sab ho to yah darshata hai ki us ghar ka mukhiya nishchit hi mehanat karke khub kamata hai, parantu vah ashant aur nakhush rahta hai. ghar ke jis kone men is khadyann ka sangrah kiya jata hai, use stor rum kahte hain. stor rum mane hi ghar ka dusra rashan bhi ek sath lakar rakha jata hai, taki roj-roj ghar ka rashan lene jane men samay ki barbadi n ho. islie stor rum ghar ka ek mahatvapurn sthan mana jata hai.
Kya aapko lekh pasand aaya?
Subscribe