shriyantra arthat hamare jivan men ‘‘shri’’ (lakshmi) akarshit karne ka yantra. sannyasi ise brahmand ka naksha ya khaka kahte hain. pauranik shastron men shriyantra ko duniya ka sabse purana aur prabhavshali yantra mana gaya hai tatha kai shastron men yantraraj (yantron ka raja) bhi kaha gaya hai. prachin log shri yantra ki shakti ko itni achchi tarah se samjhte the ki shriyantra akar ke vibhinn mandiron ka bharat aur duniya bhar men nirman kiya gaya hai.
iske alava kai prasiddh mandiron jaise tirupti balaji mandir (anadhra pradesh), pashuptinath mandir (nepal), shriram mandir (maerishs) adi men kisi n kisi rup men mandir parisar men sthapit hai. 1990 ke dashak men amerika ke oregan men ek sukhi jhil par ek prakritik shriyantra dekha gaya. vah alaukik 23 ki.mi. lanba v 23 ki.mi. chaira shriyantra amerika ki samriddhi aur pragti ka ek karan mana jata hai.
is ghatna ne kai adhunik vaigyanikon ko shriyantra par anusandhan ke lie prerit kiya. ameriki vaigyanik dae. paitrik flenegan ke anusar shriyantra ki urja ek samtulya piramid sanrchna ki tulna men 70 guna adhik hai. vibhinn prachin shastron men shriyantra ke mahan prabhavon ke bare men bataya gaya hai. rudrayamal granth ke anusar- sau yagya, solah mahadan evan 1.5 karor tirthon men snan ke punya fal ki prapti shriyantra ke keval prem aur samarpan se darshan karne matra se prapt hoti hai.
shriyantra ek divya sadhan (yantra) hai jo hamen uchch adhyatmik chetna ka anubhav karne men madad karta hai evan islie hamare mastishk aur ekagrata men samagra sudhar karta hai. maesko vishvavidyalay men hue shodhon ne is bat ki pushti ki hai ki shriyantra ke sath dhyan karne se mastishk tarangane alfa star par pahunch jati hain
- alfa star antajrnyan, rachnatmakata, vishram v gahre dhyan se jure man ki ek avastha hai. vaigyanik drishtikon se shriyantra brahmand se brahmandiya urja ko akarshit karta hai aur lagatar uske aspas ke kshetron men is divya urja ko failata hai evan nakaratmakata aur vastu doshon ko dur karta hai. shastron men varnit aur vaigyanikon dvara pramanit, upar batae gaye shriyantra ke sakaratmak prabhavon ko abha fotografi evan manushya ke urja chakron ke skain se pramanit kiya gaya hai
- sat urja chakron men manushya ke pichle janmon ke achche
- bure karmon ki manovaigyanik chap hoti hai jo us vyakti ke sukh, dukh aur vartaman paristhitiyon ke karan hote hain. svarn shriyantra ke sanpark men ane se vyakti ke urja chakron evan abhamandal men sudhar hona yah batata hai ki shriyantra behatar svasthya, khushi, shanti, samriddhi aur sakaratmakata ko akarshit karta hai. kya apka shriyantra sahi hai?
- kisi bhi shriyantra ki pramanikta sunishchit karne ke lie ath anivaryataen hoti hain-
1. shriyantra ke sabhi trikon samavarti aur sankendrit hone chahie evan bindu ke niche ka trikon sambhuj hona chahie.
2. sabhi nau staron ki unchai barabar honi chahie. yah jyamiti men samrupta lata hai.
3. nau staron ke niche ka adhar sahi hona jaruri hai jaise niche chitra men dikhaya gaya hai.
4. shriyantra ka bhitri kshetra andar se khali hona chahie - jiski jyamiti bhi bahri jyamiti ke saman honi chahie. utpadan taknik ke abhav men logon ne thos shriyantra banae hain. andar se thos shriyantra ’yantra’ nahin balki shriyantra ki murti hota hai.
5. saubhagyalakshmi upnishad ke anusar, shriyantra ka nyunatam vazan 160 masa (154 gra.) hona chahie. adhikadhik vazan achcha evan adhik prabhavi hota hai.
6. pauranik shastron- tantraraj tantram, dakshinamurti sanhita aur lakshasagar men sona, chandi evan tanbe se bana shriyantra samriiddh, svasthya, khushi aur samagra saflta deta hai.
7. pauranik shastra tantraraj tantram ke anusar, sisa (jo pital ka hissa hai) aur kanse se bana shriyantra nakaratmak parinam deta hai.
8. saubhagyalakshmi upnishad ke anusar pila shriyantra vittiya labh ke lie adarsh hai.
keval sahi jyamiti vala shriyantra sakaratmak parinam deta hai, galat jyamiti nakaratmak urja deti hai. shriyantra sadhna kisi bhi prakar ki sangthit ya sanrchit dharmik bhavnaon ke bhi purvakal se chali a rahi hai kyonki yah sadhna sannyasiyon ko unke dhyan evan adhyatmik jagaran ki uchchatam sthiti men prapt hui hai.
is karan shriyantra kisi bhi dharm, jati, ling, rashi, samay sima ya jivan kal se nahi bandha hai. shriyantra pujn- ek sahi shriyantra svayan jagrit hota hai fir bhi shriyantra ko nimn men se kisi bhi mantra jap dvara mantra chaitanya kiya ja sakta hai:
1. un shrin hrin shrin kamle kamlalye prasid prasid un shrin hrin shrin mahalakshmyai namah.
2. un shrin hrin shrin namah.
3. un shrin un namo devyai ujjval hastikayai .
4. shrisukt ka samputit path. shriyantra sthapna- svarn shriyantra ko kisi bhi shubh din evan muhurt men sthapit kiya ja sakta hai. ise aefis tebal, ghar, aefis, dukan adi ke purva, uttar, athva uttara-purva dishaon men rakha ja sakta hain.