vastu ka prachalan hamare desh men dirgh kal se chala a raha hai. atah lok anchal men iski kai kahavten bhi prachlit hain, taki jan-samanya bhi un tathyon se parichit ho sake. unhin men se kuch kahavten niche di ja rahi hain:
jake uttar dhobi sove.
tahi bhavan ko malik rovee.
arthat jis ghar ke uttar ki or dhobi rahta ho, us bhavan ke svami ko koi n koi samasyaen ati rahti hain.
jakai purab pipal hove.
so lakshmi par lakshmi khove..
arthat jis ghar ke purva men pipal hota hai, use lagatar arthik hani uthani parti hai.
jehin munde par ashok vriksh basa.
shok rahat ui bhavat suvasa..
arthat jis bhumi par ashok ka vriksh hota hai, vahan ka bhavan uttam sukhdayak hota hai, yani ghar ki sima men ashok ke per ka hona param sukhdayak hai.
sinh mukhi jo rahne javai.
tan, dhan apan sakal ganvavai.
arthat age se chaire aur piche se sankre arthat sinh mukhi bhavan men rahne vale ke sharirik svasthya evan dhan donon ki hani hoti hai.
baron duar bhavai.
afat bulavai..
arthat jo vyakti ghar men bara darvaja (mukhya dvar) lagvata hai, vahan nana prakar ki samasyaen ati hain.
bichai kup n avai dhup.
hauve rank rahenge bhup..
arthat jis bhavan ke bichon-bich kuan ho tatha jis bhavan men dhup n ati ho, vahan ke rahne vale vasi daridrata ko prapt karte hain.
ishan puja nairit bhari, amini agan jatavai..
vayu khulla, nabhi khuli, uhi ghar ram rakhavai..
arthat jis ghar men ishan men puja hoti ho, nairritya kshetra bhari ho, agney kon men agni jalti ho, vayu kon khula ho tatha jiska brahm sthan (nabhi kshetra) khali ho, us bhavan ke vasiyon par ishvar ki kripadrishti bani rahti hai.
jis bhavna men gauan raiven.
unki nav murari kheven..
arthat jis bhavan mane gayon ka vas hota hai, vahan bhagvan ki kripa bani rahti hai.
gardabh laute, shukar janne nar ko badh ho jay.
bin suddhi tapar rahe, ukai vaii rava jay..
arthat jis bhumi par gadha lot lagave, suari jane tatha jahan kisi ki hatya ho jaye, us jamin par rahne valon ko vahan bina shuddhi karaye nahin rahna chahie anyatha vahan ke nivasiyon ka shanaiah shanaiah nash ho jata hai.
gaj jehi harai jhanud uthavain.
sakal shagun as bat jatavai..
jo pahile ghar-dev khichavai.
uhi ghar ko bahi daiv rakhavai..
arthat jis ghar men pahle vastu devta ko ahar diya jata ho aur bad men ghar ke anya log bhojan karte hon vahan ke nivasiyon ko vahi dev sukh, shanti, samriddhi deta hai.
nabhi men khanta.
mari jay suntha..
arthat jis bhavan ke kendra men khanbha hota hai uske nivasi santan se param kasht pate hain arthat marte samay bhi unhen santan ka sukh nahin hota hai.
dasna upar agar jatavai.
ghar ko burho sukh nahin pavai..
arthat jis ghar men ishanya kon par agni dahan hota ho (rasoi ghar hota hai) vahan ka mukhiya kabhi bhi sukhi nahin rahta hai.
nerit gaddha isna bhari.
vako ka kar pay murari.
arthat jis bhavan ke nairritya kon (dakshin-pashchim kon) men gaddha ho tatha ishan bahut bhari ho, us bhavan ke nivasiyon ka kalyan bhagvan bhi nahin kar sakte.
chote darvajo moti chor.
bahon hoy to afat ghor..
arthat jis bhavan ka dvar (mukhya dvar) bahut chota hota hai vahan choron ke ane ki bahut sambhavna bani rahti hai tatha jis bhavan ka dvar bahut bara hota hai, vahan anek samasyaen ati hain.
ghar men andhero - bimari ko fero
arthat jis ghar men surya ka prakash nahin ata hai vahan ke vasi bar-bar bimar hote hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!