jab kisi jatak par sarhesati ati hai to jatak men yah janne ki khvahish barh jati hai ki unke upar sarhesati kab tak bura prabhav degi, uske lie sarhesati kitni buri ya kitni achchi hai. shani ki sarhesati praranbh hona ya shani ki dhaiya ka lagna, yah sab tab hi hanikarak ho sakte hain jab shani ki mahadsha ya antardasha chal rahi ho, janmakunndali men kharab bhavon ka suchak ho, agar yah kharab bhava men nahin hai ya dasha antardasha nahin chal rahi ho to shani ashubh nahin hota, matalab jatak ko hani nahin pahunchata. keval dekhta hai ki kaun anuchit aur pap ke karya kar raha hai, unko apni dasha-antardasha men ya sarhesati ke dauran hi un sabka fal deta hai.
janmakundli janchte samay nimn baton ka dhyan rakhna avashyak hai:-
1. vayakti ki kaunsi dasha-antardasha chal rahi hai.
2. jis grah ki dasha-antardasha chal rahi ho, vah kundli men kahan par sthit hai.
3. shani kaun se bhavon ka svami hai.
4. shani kis rashi men gochar kar raha hai.
5. shani ki koainsi drishti un bhavon par ya svami grah par par rah hai. yahi drishti us dasha ya antardasha ke milne vale fal ko prabhavit karti hai.
6. chandrama ka gochar kya hai janm kundli men chandrama kis bhav ka svami hai.
7. chandrama kundli men shubh bhavon se sanbandh rakhta hai ya ashubh bhavon ke sath.
8. janmakundli men chandrama kis rashi men hai, rashi ke shuru men hai (shuru ke anshon men) ya madhya men ya kis sthiti men hai.
9. chandrama aur shani ke anshon ko bhi dekhna chahie.
10. shani kis bhav ka svami hai, kis-kis bhav par shani ka prabhav hai jisse jatak prabhavit ho sakta hai.
11. janmakundli men shani kis ansh par hai, kaun sa nakshatra hai, us nakshatra ka svami grah kaun sa hai, svami grah kis bhav ka svami hai. yah sabhi dekhna bhi bahut jaruri hai.
shani grah kitna shubh ya ashubh hai. shani grah jitna kasht aur hani deta hai, utna hi labh, yash aur samman bhi deta hai, yah sabhi janmakundli men chandrama aur shani ki sthiti aur bal par nirbhar karta hai.
yadi kundli janchte samay upar likhi baton par dhyan diya jaye ki janm kundli men shani ki kya sthiti hai, shani kitna shubh aur ashubh hai, vartaman men shani se kya labh pahunch raha hai ya age kitna nuksan pahunchne vala hai, in sab baton ka dhyan rakha jaye to sahi janchne se falit thik nikal sakta hai.
shani brahm gyan ka bhi karak hai, yah majdur, nyay ka bhi svami hai. kisi bhi jagah ko shushk aur svadhin kar dena shani ka khas gun hai. shani ka budh se sanbandh hone se beimani avashya karvata hai. shani ki mangal, rahu aur surya se yuti tatha ashtamesh se sanbandh hone par markesh ka rup bana leta hai. chaturth bhav men shani ho to jatak jyadatar purane makan men hi rahega, agar naya makan kharidega to usmen rah hi nahin payega. vah shukra ki dasha-antardasha men kisi dusri mahila se dhan dilata hai.
koi naya vahan nahin kharid sakega, agar kharid liya to jyada der tak rakh nahin sakega, mata ka sukh n ke barabar hoga. pancham ka shani santan kasht, kutil, divaliya yog deta hai. chathe bhav ka shani ho to jatak hathi, nirogi, shatruon se ajay, pashu, zamin jaydad milti hai. saptam men shani hone se jatak jhagralu, rogi, samaj se tiraskrit, svayan vyabhichari, stri bhi vyabhicharini ho jati hai, ashtam ka shani dhan ka nash, rogi, shani-mangal ki yuti par gupt rog hone ki sanbhavna bani rahti hai, navam mane shani uchch ka hone par jatak sannyasi, devtulya hota hai. balhin shani pita ke lie arisht hota hai.
shubh shani ki dasha-antardasha men rajsÿaa se lakshmi prapt hoti hai, dashmesh shani apne navansh men ya shani ke navansh men ho to lakshmi yog hota hai. shani vrishabh lagn men navmesh ya dashmesh hota hai aur vah kahin dasham ya ekadash men ho to purn lakshmi yog banta hai. shani shukra ki yuti chaturth men hone par jatak ko mitron aur striyon se dhan prapt hota hai. yahi yuti agar dasham men ho to vaibhvshali evan raja ke saman hota hai.
agar shani guru ki yuti ho to donon ek-dusre brihaspati ke prabhav ko le lete hain matalab shani par brihaspati ka prabhav a jata hai to brihaspati par shani ka. agar shani ki drishti chandra par ho ya chandra ki drishti shani par ho ya donon ikatthe lagn men hon to uchchakoti ka tapasvi ya mahan sant, dharm pracharak hota hai. mesh lagn ya mesh rashi men ho to ya mesh, mithun, kark, sinh, vrishchik, dhanu v min ka shani janmakundli men ho to jatak ko kisi khas vishay par maharat hasil hoti hai.
sarhesati ke dauran agar kisi bhi jatak ki jankundli men chandrama purn bali, uchch vrishabh rashi men ho ya svarashi ka ho to shani ke shubh prabhavon ko chandrama kafi kam kar deta hai. chandrama ke nirbal hone ya shatru ki rashi ya nichasth rashi vrishchik ke hone par shani ki ashubhta men vriddhi karta hai tatha jatak ko mushkilon ka samna karna parta hai aur jatak mansik tanav men rahta hai.