nilanjanam samabhasan raviputra yamagraj. chayamartand sambhutan tan namami shanaishcharam.. namaskar mantra ke sath shani grah ke sanbandh men vichar karte hain. surya se chatha aur saurmandal ka bahya grah shani surya se 143 karor ki.mi. tatha prithvi se 15 karor ki. mi. dur hai. iska madhya vyas 1.20 lakh ki. mi., ayatan prithvi se 744 guna, gati 9.60 ki. mi. prati sekend, bhari 0.70 guna halka, valay - 13 tatha upagrah - 33 hain. shani ke anya nam shanishchar evan mand hain. yah makar evan kunbh rashiyon ka svami hai tatha iski mahadsha 19 varsh ki hoti hai. yah kundli ke tisre ,chathe, 11ven aur 12ven gharon men shubh faldayi hota hai.
yah tyag, tapasya, kshama, sahnshilta, sannyas, tap ,pashchattap evan moksh ka karak grah hai. yah mesh lagn ke lie badhak, vrish evan tula ke lie rajyog karak, mithun, kark, sinh, kanya ke lie madhyam tatha vrishchik evan dhanu lagnon ke lie sadharan fal dene vala makar ke lie shubh, kunbh ke lie sadharan aur min ke lie ashubh karak hai. iski sarhe sati se bhaybhit hone ki avashyakta nahin hai. is avdhi men aishvarya aur vaibhav ki prapti evan padonnati bhi heati hai. vastav men shani guru jaisa hai. yah jab chandra ke upar ata hai to dar lagta hai ki jo kuch jivan men ikattha kiya hai, kahin chala n jae. shani ke prakop se raksha ke 15 mukhya upay is prakar hain:
1. ghore ki nal ki anguthi madhyama men pahnen.
2. shanivar ko chaya dan karen.
3. shani mantra ka jap karen.
4. mahamrityunjay mantra ka sava lakh jap karen.
5. shanivar ko pipal ke per ke niche dipak rakhen.
6. sarson ka tel shani mandir men den.
7. shani yadi yogkarak ho to nilam dharan karen.
8. yadi shani ashubh ho to munga evan nav ki kil dharan karen.
9. pratidin hanuman chalisa ka path karen.
10. bandron ko kele, chane aur gur khilaen.
11. urad, kanbal aur kale chane dan karen.
12. 27 shanivar ko sharir par tel lagaen.
13. sundar kand ka path karen.
14. dasharath krit shani stuti ka path karen.
15. tel men chupri roti kutte ko khilaen.
eko'ham bahusyamah ki bhavna ke uday ke sath nirakar kasmik laigos apne tin ayamon brahma, vishnu evan mahesh ke rup men vibhakt hua jo kramshah srishtikarta, pushtikarta evan sanharakarta kahlae. srishti ki rachna ke kram men prajapti ki 13 kanyaon ki shadi kashyap rishi se hui. diti se daitya aur aditi se dev paida hue jinmen surya, chandra, indra tatha varun pramukh the. vishvakarma ki putri sangya surya par mohit hokar vivah bandhan men bandh gayi. sahvas kal men surya ke tej se ashrudhara nikli jisse yamuna paida hui tatha garbh se yugm rup men yam evan yami ne janm liya.
mahan vidushi aur jyotish ki prakand gyata anindya sundri sangya apne tej men vriddhi hetu, daityon ke dar se ashva rup men uttari dhruv men tapasyarat ho gai tatha surya ki seva men apni pratirup chaya ko rakh diya. chaya se tin santanen savarni, mahakal evan tapti utpann huin. yam yami ke prem men par gae atah surya ne yami ko pran dand diya evan yam ko nana ke ghar bhej diya. yam naraj hue aur vapas akar pita ko fatkar lagai tatha chaya ko pair se mara. chaya ne shrap diya, ‘jao tumhare pair men kushth ho jay, koi man apne putra ko shrap nahin de sakti, atah surya ne dhyan lagakar jan liya ki yah sangya nahin hai.
chaya ko bhasm kar suryadev uttari dhruv pahunche tatha sahvas kar sangya se ashvini kumar evan revant ko utpann kiya. revant indra ke senapti bane tatha ashvini kumar dhanvantari kahlae. savarni manu kahlae tatha mahakal shanishchar ke nam se prasiddh hue. man ko bhasm karne ke karan shani pita se kruddh hue evan yam ke pair men apna tej pravahit kar pira haran kar li. surya ke srishti mandal men shani ne vyavdhan paida shuru kiya, atah shankar ko ana para. ve shani ko lekar kailash chale gae. man parvati ne ‘gyani bhav’ ka ashirvad diya. shankar ne rahasya vidya parhai.
mahamrityunjay jap se shiv ko shani ne prasann kar mahanyayi evan mahakal ka vardan prapt kiya. shani ka nirnay antim hoga, ise koi badal nahin sakta. shani ne kaha, ‘‘prabhu ! apka bhakt mera bhakt hai, uska koi anisht nahin kar sakta.’’ shiv ne yam ko dharmaraj nam dekar svarg ka svami banaya tatha shani ko bhulok dev banaya aur yam lok saunp diya. sahayta men chitragupt ko diya. yam ko ashirvad diya, ’’agar bhumi par pair n rakho to dard nahin hoga.’’ atah shani bhainse ke rup men unki savari bane. is prakar shani hi dharmaraj, yamraj evan chitragupt hain. prithvi par shani ka janm shanivar ko ardharatri men krishn paksh ashtami ko hua. unhonne balak rup men guru ke ashram men shiksha grahan ki.
guru ne ashirvad diya, ‘‘dhairya evan nyay ke praneta bano.’’ shani ne kaha, ‘‘jab guru men shani ki ya shani men guru ki dasha chalegi to main tatasth rahunga.’’ adhik vidvan banane hetu shiv ne shani ko shukracharya ke pas bheja. yahan mrit sanjivni vidya sikhi tatha prajapti ki 13 kanyaon se shadi ki jinse 13 santanen paida huin. ye hi shani ke 13 valay hain. tin bare putron yurenas, neptyun aur pluto ko bhrigu ki seva men arpit kar diya tatha jyotish evan parkaya pravesh ki shiksha li. adhyatm - arjun krishn se prashn karte hain - kin tadbrahm, kin dhyanan kin karm purushottam. arthat brahm kya hai? dhyan evan karm kya hain? uttar - aksharan brahm param svabhavo'dhyatm uchchate. bhutbhavod bhavko visargah karm sangyaitah..
arthat akshar (jo nasht n ho) brahm hai, jivatma adhyatm hai evan bhutane men bhav utpann karne vala karm hai. vastav men man ko, sadhna, samadhi evan tap se sahasradhar men le jana adhyatm hai. tatvamsi, ahan brahmasmi evan shivo'ham kah kar maharshiyon ne kuch shabdon men adhyatm ko paribhashit kar diya hai.
adhyatm andar ki yatra hai jo muladhar se aranbh hokar shakti aur shiv se milti hai. muladhar men makar evan kunbh rashiyon ka nivas hai, svami shani hai tatha 7 nakshatra sthit hain. shesh chakron men 20 nakshatra evan shesh grah tatha rashiyan hain. is prakar brahmand sharirasth hai ya kahane ki jyotish sharirasth hai. shani kripa se hi shakti upar uthti hai. shani ek vairagi sadhu hai. isi ki kripa se vyakti sannyasi hota hai. yah bhagya rekha hai, karm karak hai tatha prarabdh ka svami hai. ise kathor svami, niyamnishth skul shikshak aur manav jati ke mitra ki sangya di gai hai. yah nyayadhish, vakil, shiv, hanuman, dharmaraj yamraj, chitragupt adi bhi hai. shani avasar deta hai, chetavni deta hai aur fir dandit karta hai. keval pashchattap evan tap hi kam ate hain. gat janm ke pap aur punya ka fal data hai.
apni dand sanhita ke anusar usne raja harishchandra, shriram, nal, damyanti, ravan, bali, vikramaditya, yudhishthir, dasharath, jatayu, parshuram, karn adi ko bhi nahin chora. shiv ko mansrovar men gupt vas karna para. shani ne lakshmi ko bhi nahin bakhsha. unka asan jalakar unhen shyama lakshmi banaya tatha svayan billi evan ullu ka rup dharan kar unki savari bane. shani ke sahayak rahu aur ketu bhi hain. rahu ki isht devi dhumavti, tatha ketu ki chinnamasta hain. gulika evan mandi shani ke putra hain. kundali ke 1 se 4 tak purusharth ke, 5 se 8 tak prarabdh ke evan 9 se 12 tak sanchit karm ke bhav hain. pichle janmon ke karmon ke fal ko sanchit, vartaman men prapt hone vale ko prarabdh aur vartaman men jo kar rahe hain. use kriyaman kahte hain. karm fal dene vala shani hai, islie dasham men makar rashi agya deti hai, ‘karm karo’ tatha ekadash men kunbh rashi fal deti hai. kundali ek prakar se prarabdh ka hi ‘bluprint’ hai. shani ki vibhinn bhavon men sthiti se gat janm ka pap gyat kar uska parimarjan kiya ja sakta hai. shani antim nyay ka svami hai.
brahm gyan itna ki vishnu svayan apni shanka ka samadhan shani se karte hain. bhagvan puchte hain, ‘‘ jab sab kuch bhagya men bada hi hai to fir fal ka nirnay kyon?’’ shani uttar dete hain, ‘‘bhagavan ! pratyek nashvar prani ko janm ke samay ek vishesh paristhiti men niyamon ke antargat paida kiya gaya hai. karm vidhan se hi vah jan pata hai ki uske jivan ka uddeshya kya hai. uski kamjori, pitron ka ashirvada/shrap evan kal jivan ka uddeshya nirdharit karti hai. dev banne hetu bhagavan, atma ko pavitra banana parta hai. mahapralay ke bad sab nasht ho jate hain- chandra, surya, prithvi, tare, dev ,brahma, vishnu adi. keval shiv shesh rah jate hain. nai srishti aur nae dev ate hain.’’ vishnu ji punah shiv ke pas gae tatha vrittant bataya. shiv ne pralay ka chitra darshakar vishnu ki shanka dur ki. kabir kahte hain ki shish jo katave vah hamare sath chale. shish katane vala ketu hai.
ketu langoti hai, shani sannyasi . atah kundali men donon ka milan karm sannyas ka dyotak hai. kark, min evan dhanu rashiyon men shani adhyatm deta hai. shani pancham ya navam men ho to apni puja karata hai. char grah kendra men aur unmen ek svagrihi sannyas ka karak hai. navmesh aur dashmesh sath hon ya parivartan yog ho to dharma-karm yog banta hai tatha vyakti adhyatmik hota hai. dvadash men shani ya ketu ya guru sannyas ki taraf pravritt karta hai. shani ketu barhven bhav men sannyasi banate hain. shani aur guru ek sath kahin bhi hon to vyakti adhyatmik hota hai.
prastut udahrnon men, krishn ki vrishchik rashi men, shankracharya ki dhanu rashi men, jisas ki min rashi men, ramanujacharya ki dhanu rashi men, chaitanya ki vrishchik rashi men, raman ki min rashi men shani sthit hai. shani ki yah sthiti upar likhe niyamon ki pushti karti hai. vivaran talika men mahapurushon ke chakron ka ullekh kiya gaya hai. jinse uprokt niyam siddh hote hain. bina shani ke koi mahapurush nahin ban sakta hai. shani svayan jyotishi hai. budh ke sath guru ho to shani ke ashirvad se jatak jyotishi hoga. shani ke karan hi aj jyotish ka prachar-prasar barha hai tatha jan sadharan apne kashton ke nivaran hetu jyotishi ke pas ate hain. shani hi prerna deta hai jyotishi ke pas jane ki.
shani ki antardasha evan shukra ki dasha men jyotish ki vishvavidyalay star par shiksha dene ki manyata mili tatha sarvochch nyayalay ne ise uchit bataya. kahavat hai ki shani shatru kam mitra adhik hai. yah tapa kar manushya ko kundan jaisa khara bana deta hai. 23 mahapurushon ke chakra die gae hain jinmen shani, ketu evan guru grah 4,8,11,12,9 ki rashiyon men sthit hain. adhisankhya janm 4,7,11,9 lagnon men hua hai jo adhyatmik rashiyan hain.
aiya,e is pushtikarta, dandakarta, dharmakarta, nyayakarta evan sannyasakarta se prarthana karen ki vah bhulok men sarva duahkh haran kar sabhi ko sukhi, nirog, evan kalyanaparak banaen. sarve bhavantu sukhinah sarve santu niramyaah. sarve bhadrani pashyantu m kashchid duahkhbhagbhvet.. ta