shani ka dvadash bhavon men fal evan upay dae. bhagvan sahay shrivastav manav ka daya dharm dan punya karne karane men kitna hi nam ho athva lakhon rupyon ka dan karta karata ho magar vidhi ke vidhan ke anusar uska samay viprit pratikul hone par prakriti apna lekha mita nahin sakti. vastu ke adhar par banaye gaye bhavan, faiktri, dukan ke svami ko aman, chain sukh, shanti, dhan parivar ki vriddhi vikas ki garanti nahin de sakte. lal kitab men jis vastu ka varnan hai vah makan, dukan ya faiktri ke malik ki janmakundli aur makan ki kundli par adharit hai. jo jatak apni janmakundli ke adhar par vastu siddhi karke jis makan, dukan faiktri men rahega, use pratyek prakar se sukh-samriddhi ki prapti hogi. yah siddhant malik ke atirikt ghar men nivas karne vale anya logon par bhi lagu hota hai. lal kitab ke anusar bhavan, dukan tatha faiktri par parne vale prabhav ka vichar shani ki sthiti se kiya jata hai. shani jab shubh hoga tab makan ke svami v nivasi ko sukh milega. shani ke ashubh hone par makan se sanbandhit pareshani hoti hai aur grihasvami, grihasvamini aur santan ko kasht jhelna parta hai. kirayedar dvara makan par kabja, faiktri ya dukan karmachariyon dvara dhokhadhri, chori, ya hani pahunchana, nyayalay dvara kurki, prashasan v mahapalika dvara anek prakar ki apattiyan adi samasyaen utpann hoti hain. yahan shani ki ashubh sthiti se mukti aur bachav ke lal kitab par adharit kuch totke prastut hain. in totkon ka prayog nishthapurvak kiya jae to anukul fal ki prapti ho sakti hai. shani lagnasth ho aur makan banvaya jae to yah dhan aur parivar ke lie ashubh hoga. nirdhanata, kurki, paitrik sanpatti ke nash hone adi ki sanbhavna rahti hai. vyakti dhokhebaj, ashikshit, beiman, jhagralu, netrahin aur alpayu ho sakta hai. use santan sukh ki sanbhavna bhi kam rahti hai . upay: madyapan v mans ka sevan n karen. viran jagah par bhumi ke niche surma dabae.n baragad ke vriksh ki jar men dudh charhakar gili mitti ka tilak lagaen, vidya men badha v rog se mukti milegi. dhan vriddhi ke lie bandar palen athva shanivar ko bandar ko khana den. tave, chimte v angithi ka dan karen. shani agar dusre bhav men ashubh ho to makan apne ap banega. parantu apatti hanikarak hogi. yadi shani dusre men aur rahu 12ven men ho to sasural men dhan ki kami hoti hai. yadi guru 11ven men ho to apayash milega. yadi dusre bhav men shani ke sath mangal ashubh ho to jatak 28 se 39ven varsh tak rogi rahega. upay: pratyek shanivar nange panv mandir jakar kshama yachna karen. shivling par jal charhaen. kali ya dorangi bhains, kutta v anya koi janavar n palen. mathe par kabhi tel n lagaen. dudh ya dahi ka tilak lagaen. shani janmakundli ke tritiya bhav men ashubh sthiti men ho to dhan ka abhav ya hani karata hai. jatak ko netra rog hoga ya drishti kamjor hogi romkupon men roen adhik hon to jatak nirdhan, ayogya v ayyash hoga. shani tisre v chandra 10ven men ho to avaidh dhang se dhanarjan karne ke bavjud jatak dhanhin rahega aur uske ghar ka kua athva ghar hi maut ka karak banega. tisre bhav sthit shani ke shatru grah sath hon to jatak samasyaon v dhanhani se pareshan rahega. surya bhav 1, 3 ya 5 men ho to larka v shani ka ashubhafal milega. upay: fakiron aur paltu v kutton ki seva karen, ya tin kutton ki seva karen to makan banega. ghar men kutta sadaiv palen anyatha shani v ketu ka ashubh fal milega. ketu ka upay karne par dhan sanpatti barhegi. ghar ki dahlij lohe ki kilon se kilen. netron ki aushdhi muft bantne se drishtidosh dur hoga. bhavan ke ant men andheri kothri banana dhan sanpatti ke lie shubh hoga. mans ya sharab ka sevan n karne par ayu dirgh hogi. shani janmakundli ke chaturth bhav men ashubh ho to mata, mama, dadi, sas aur nani par ashubh prabhav parega. arthat makan ki ninv khodte hi sasural aur nanihal par ashubh prabhav parna shuru ho jaega ya jatak ko apne banae makan ka sukh prapt nahin hoga. aise jatkon ko plaet lekar makan nahin banvana chahie. parastri se sanbandh banane par shani ka ashubh fal milta hai. shani chaithe v guru tisre men ho to dhokhe v lutpat se sanpatti barhegi. makanon ke karobar se labh milega. upay: sanp ko dudh pilaen. kauon ko roti dalen. bhains palen ya use roti dalen. majdur ki seva karen. kuen men dudh giraen. parastri athva vidhva se sanbandh rakhen anyatha nirdhan aur kangal ho jaenge. bahte pani men sharab bahaen. rog se mukti hetu shani ki vastuon ka prayog karen. sanp ko n maren. sharab n pien. ratri men dudh n pien. shani janmakundli ke pancham bhav men ho to makan banvane par santan ko kasht hoga. santan ka banaya makan jatak ko shubh fal dega. santan ko yadi makan banvana pare to jatak ki 48 varsh ki ayu ke bad hi banvaen. santan ke banae makan men vaham n karen. shani panchven bhav men ho aur varsh kundli men jab bhi surya, chandra aur mangal 5 ven men aenge tab jatak ka svasthya thik nahin rahega. jatak ke tan par bal adhik hon to vah chor, dhokhebaj aur durbhagyashali hoga. kalam par kabu hone par bhi nirdhan rahega. rog, mukdme v jhagron se pareshan rahega. dhan ki hani aur santan ko kasht hoga sath hi svasthya kharab rahega aur gulami karni paregi. upay: paitrik bhavan ki andheri kothri men surya ki vastuen gur, tanba, bhuri bhains, bandar, mangal ki vastuen saunf, khand, shahad, lal munge, hathiyar aur chandra ki vastuen chaval, chandi, dudh, kuen, ghore adi ki vyavastha karen. apne bhar ke dashansh ke tulya badam bahte pani men bahaen ya dharmasthal men le jakar adhe badam ghar men rakhen, unhen khaen nahin. santan ke janm lene par mitha n banten, yadi bantane to usmen namak laga den. kutta palen. shani janm kundli ke shashth bhav men ashubh sthiti men ho to jatak apni ayu ke 36 balki 39 varsh bad makan banae to shubh hoga. 48 varsh ki ayu ke bad banana larki ke sasural ke lie ashubh hoga. aise jatkon ko nukkar ka makan n to banvana chahie aur n hi kharidna chahie. shani ki vastuen (chamre v lohe ki vastuen) ghar par lana ya sajana ashubh hoga. jis varsh varsh kundli men bhi chathe bhav men ae, us varsh rajyabhay, dukh v ashubh fal milenge. sharab v mans ka sevan hanikarak hoga. 28 se purva vivah karne par 34 se 36 varsh ke bich mata v santan shok hoga tatha kasht barhenge. upay: tel men apna munh dekhakar sarson ke tel ka bhara bartan pani ke bhitar jamin ke niche dabaen. shani sanbandhi karya krishn paksh men ratri men karen. sanp ki seva (dudh pilane) se santan sukh milega. nariyal ya badam bahte pani men pravahit karaen. budh ka upay karen. kala kutta palen ya uski seva karen ya use roti den. shani janmakundli ke saptam bhav manen ashubh ho to jatak ko bane banae makan milne ke avasar milenge jo labh denge. kisi grahyogavash yadi makan bikne ki naubat a jae to bujurgon ke makan ki dahlij ki puja karne se bike makanon ke barabar makan punah banega arthat makan sukh milega. shani 7ven bhav men ashubh ho aur budh pahle ho to jatak ki mrityu sir men chot se hogi. shani satven aur budh v shatru bhav 3, 7, 10 men hon to pita ko dhan hani hogi. shani 7ven men ho aur guru v shukra ashubh hon to jatak bhagyahin hoga. upay: shani supt ho to bansuri men khand bharakar ekant sthal men dabaen. pahla bhav khali ho to shahad bhara bartan ekant men dabaen. anyatha pautra hone ke bad nirdhan ho jaenge. kali gay ki seva karen. bhavan ki dahlij saf rakhen v uski puja karen. sharab aur mans ka sevan n karen. parastrigaman se bachen anyatha santan ko kasht hoga. shani janmakundli men ashtam bhav men ashubh ho aur jatak makan banvae to jatak ko mrityu tulya kasht ho sakta hai. rahu-ketu ki shubhashubh sthiti par apna shubh fal dega. is sthiti men jatak ko apne nam se makan nahin banvana chahie n hi band gali ke makan men nivas karna chahie. aise jatak ke sharir par bal adhik hon to vah ajivan gulam rahega. vah darpok aur rajyamay se bhaybhit hoga. rahu nich ho to durghatana hoti hai aur bhai shatru ho jata hai. shatru grah shani ke sath hon to vah ashubh fal dega. burhape men najar ka dhokha hoga. dvar par mrityu dastak deti rahegi. shani athven men ashubh ho aur 12 van bhav rikt ho to arthik abhav se dukh hoga. vriddhavastha men drishtidosh hoga. upay: mitti par baithakar snan n karen. kintu snan karte samay nange talve bhumi par nahin balki patthar ya lakri par hone chahie. chandi dharan karen. chandi ka chaikor tukra pas men rakhen. sharab aur mans machli ka sevan n karen. jaisa ketu hoga vaisi raksha hogi. rahu ashubh fal dega. chandra shubh ho to budhvar ya shanivar ko 800 gram urad sarson ka tel lagakar pani men bahaen. yadi chandra ashubh ho to somvar ko urad bahane se purva 800 gram dudh pani men bahaen. shani janmakundli men navam bhav men ashubh ho to jatak stri ya mata ke garbh men bachcha hone ke samay makan n banae anyatha jatak ki kashtadayak mrityu hogi. aise jatak ko 3 rihaishi makan nahin banvane chahie. (plat, daftar, dukan men yah shart nahin hai). shani nauven men aur mangal chaithe men ho to jatak bhagyahin hoga. shani nauven men aur papi grah rahu aur ketu ke sath ho to jatak ko kasht hoga. shani nauven men ho aur dusra bhav rikt ho to dhan sanpatti hote hue bhi jatak dukhi hoga. upay: tin manjila makan n banvaen. guru ka upay karen. mata-pita ki mrityu ke uprant yadi kasht ho to ghar men kahin bhi patthar lagaen. ghar ki chat par lakri, indhan aur chaikhat vyarth men n rakhen. shani dasven bhav men ashubh ho to jatak ke pas makan banane ke lie paisa aega aur jama hota rahega. jab jatak makan bana lega to nagad dhan ki kami ya nuksan hoga. aisa jatak praranbh men dharmatma aur ant samay nikamma hoga. kharab ane par darhi, munch ke bal kam honge. parakram men kami hone par niji dhan se makan nahin banega. shani ke shatru grah surya, chandra aur mangal chaithe bhav men hon to yah sthiti ashubh aur anarthakari hogi. upay: guru ka upay karen. sharab v mans ka sevan n karen. das netrahinon ko bhojan karaen. ganesh ki upasna karen. kisi ki hatya n karen n karaen. shani janmakundli men ekadash bhav men ashubh ho aur jatak ke makan (55 varsh ayu men) ka mukhya dvar dakshin men ho to lanbi bimari se kashtoprant uski mrityu hogi. aise jatak ki shiksha adhuri rahegi. ve krodhi honge alpayu aur parivar ko sankat ke samay chor denge. budh tisre men ho to shani shubh fal kabhi nahin dega. rahu shubh ho to sasural dhani aur ketu shubh ho to putra bhagyashali hoga. shani 11ven men ho, tisra bhav rikt ho, shani supt ho aur varsh kundli men pahle men ho to 34ven varsh men fal milega. shani 11ven men ho aur mukhya dvar dakshin men ho to ashubh fal prapt honge. jatak hatyara v krodhi hoga. aise jatak ko sanpatti nahin banvani chahie. anyatha vah niahsantan rahega. upay: 43 dinon tak pratahkal suryoday ke samay dharti par tel ya sharab giraen. sharab v mans ka sevan katai n karen. kisi bhi karya se bahar jaen to pani se bhara ghara sammukh rakhen ya darshan karke hi jaen. parastrigaman n karen, kamukta se bachen arthat sanyam se rahen. guru ka upay karen, kisi ko dhokha n den. jis jatak ke 12ven bhav men shani ashubh ho use bane banae makan milte hain. makan ka nuksan n karen. makan vaisa hi rakhen. banta makan roken nahin. aisa jatak jhutha, shararti, striyon ka premi, rasik svabhav ka aur chatora hota hai. barbadi karne vala hota hai. netra rog ho jane par ashubh adhik hota hai. shani 12ven men chandra v rahu ke sath ho to chandra min ho jaega. budh ke ashubh hone par uski vastuen hani karengi. shani 12 ven aur surya chathe bhav men ho to stri par stri marengi aur rajyabadha se mansik tanav barhega. upay: jhuth n bolen, sharab n pien aur n mans khaen. parastri gaman n karen. kisi se dhokha, jalsaji n karen. 12 badam kale kapre men bandhakar lohe ke patra men band karke ajivan rakh chorane. use kabhi khol kar n dekhen. vishesh inke sath-sath shani stotra ka path surya ke samne baithakar karen. ek lota pani men chaval aur chini dalakar path sanpurn hone ke bad lote ka pani kisi gamle, park ya ghar ki chat par dal den. band gali ke makan men dhan aur parivar ki hani hoti hai. har varsh 8 kilo urad jal men pravahit karen. dakshin disha ke makan ashubh hote hain. yadi apke makan ka mukhya dvar dakshin disha men hai to mukhya dvar ki dahlij ke niche chandi ki patti lagaen aur kachchi mitti ya safed patthar ka bandar ghar ke draing rum men ya mukhya dvar par rakhen.
Kya aapko lekh pasand aaya?
Subscribe