kundli dekhne ke niyam: - jatak ki pratham kundli janch len use thik kar len. - mahadshasvami, antardashasvami, pratyantardashasvami ek taraf raf pej par likhen. - uske bad dashasvami sabhi kundliyon men vartaman kal men kahan gochar kar rahe hain use likhan. - surya aj ki tarikh men kahan gochar kar raha hai use likhen. - jatak ke sabhi prashn kram var likh len. - jatak ke prashn se sanbandhit savalon ka javab dene hetu jo saval hoga, us bhav ko dekhen, us bhavesh ko dekhen, fir dashasvami (rashi) ko dekhen. agar dasha koi bhi bhavesh ki hogi to sanbandhit bhav se sanbandhit ghatna ghategi hi. ab kab ghategi uska ur janne ke lie jo bhavesh ki dasha hai. uska kal dekhiye. kab se kab tak hai fir us kal men surya ka gochar us bhavesh ke rashi ya nakshatra se hota hai kya? us mahine men hi jatak ke jivan men dashasvami sanbandhit ghatna ghategi. ab isko ek kundli dvara dekhte hain. prashna: ghar kab banega? ur: niyam sabhi dekhen. mahadshasvami rahu 2012-2013 chaturth men bhav men gochar karega tab ghar banega, karan jatak ka saval ghar se sanbandhit hai. ghar bhav chaturth bhav hota hai. ab rahu ka gochar kal 16 mahine ka hota hai. is kal men ghatna kab ghatit hoga? rahu disanbar 2012 ko tula men pravesh kar chuka hai. ab surya rahu ke nakshatra men kab jayega, yah dekhna hai. karan rahu ki rashi nahin hai. to jab surya mithun rashi men, tula rashi men aur kunbh rashi men gochar karega tab ghar ka kam hoga. rahu ka nakshatra upar diye rashi men hi hai. isse apna fal satik baithega. agar jatak ka saval naukri ke sandarbh men hai to rahu ka gochar dasham bhav men jab, jis varsh hoga us varsh men naukri lagegi. santan sanbandhi prashn hai to sabhi dashasvami grah jab-jab gochar men apne dasha kal men pancham bhav se gujrenge aur usi dashakal men surya jab gochar karte hue pratyantardashasvami ke nakshatra men gujrega santan avashya hogi. ab antardasha ko dekhen, man lo rahu vartaman kal men chaturth men gochar kar raha hai. lekin jatak ka prashn vivah sanbandhi hai. tab kaise ur den? antardasha ketu ki hai ketu dasham men gochar kar raha hai. jab ketu ka gochar saptam bhav men hoga, uska vakt bata den. pratyantardasha shani ki hai. shani chaturth bhav men gochar kar raha hai. uski dasham drishti saptam bhav par pad rahi hai isse vivah ki sanbhavnaen badhengi aisa seachakar batana chahie. isse ghatnaen sahi hokar jatak ka vishvas jyotish par aur baithta hai. isse bhi satik ham gochar se hi prashnakundli dvara bata sakte hain. janmakundli aur gochar ka milan hi satikta deta hai. jatak koi bhi prashn puche, uske prashn hetu vah anukul javav hamse chahta hai. lekin kundlinusar hi hamen jatak ko javab dena hai. grahon ko gochar men anukul hone tak jatak ko intjar karna hi padta hai.
Kya aapko lekh pasand aaya?
Subscribe