aj ke arth pradhan yug men pratyek vyakti stri/purush dhan dhanvan evan sanpattivan shighrashighra hona chahta hai. is chahat men vivah vilanb se ho rahe hain, tatha vyakti ka rujhan bhi parivar barhane ka vivah ke uprant shighra santan nahin chahta atah santan ki ichcha dhan sanpatti ke bad hoti hai. tab tak striyon ki ayu 30 se adhik ho jane se santan prapti men kasht ya badhaen utpann hoti hai. janmapatrika jatak ki bhut, vartaman evan bhavishya ka aina hoti hai tatha jatak se sanbandhit samast baton ka gyan isse prapt hota hai jatak ko santan sukh hai ya nahin ya der se prapt hoga, ya santan god lena hoga ya medikal upchar se hogi.
pratyek jatak ki ichcha santan sukh prapt karne ki hoti hai, parantu sabko yah sukh prapt nahin hota. aie dekhen ki jatak ki patrika men yah yog hai ya nahin hai. janmapatrika ki vivechna: janmapatrika men pancham bhav v panchmesh santan ki drishti se mahatvapurn hota hai. santan prapti ka vichar athva is vishay par nirnayak fal ke lie mata-pita donon ki janmapatri ke grihon ka dekhna avashyak hai. svasth, sundar v yogya santan prapti sabhi mata-pita ki ichcha hoti hai, parantu purva janmon ke karm vartaman sthiti men in grahon dvara apko fal dene ate hain. aisi sthiti men apka bhagya kitna sath deta hai
yah sab sthiti janmapatrika ke sahi sahi ankalan se jana ja sakta hai. lagnesh (lagn ka malik) pancham men ho athva panchmesh pancham man ka adhipti grah bhi vahi ho yah ek yog hai. athva panchmesh kendra athva trikon men gaya ho to putra sukh prapt hota hai. prabal putra yog: maharshi parashar ke anusar yadi pancham bhav men budh, guru, shukra ho to balvan grah (purush grah) se dekhe jate ho aur panchmesh bhi balvan ho to bahut se putra hote hain.
putri yog: yandi panchmesh chandra ke sath ho athva panchmesh kark rashi ke derashkan men ho to devagya ko kanyaon ka janm kahna chahie. putra janm se bhagya vriddhi: yadi panchmesh apni uchch rashi men ho, mul trikon v svarashi men arthat rashi bali ho tatha lagn se ek, do, panch, nau, bhav men ho to aur guru se drisht rahe to putra janm ke bad jatak ka bhagya chamkta hai.
dattak putra yog: yadi pancham bhav men mithun, kanya, makar, kunbh rashi men shani v mandi (gulik) ki drishti ya yog ho to jatak dattak ya kritrim svikrit putra hota hai. apni patni se utpann putra nahin hota. yadi pancham bhav men 6 grah ho tatha panchmesh vyay bhav men sthit ho, lagnesh v chandra bali ho to jatak ka god liya putra hota hai. kasht purvak putra labh: yadi panchmesh 6, 8, 12 bhav men ho to athva panchmesh nichasth, shutrakshetri, hokar pancham bhav men hi ho to bhi kashtapurvak putra hota hai. yadi navmesh lagn men ho aur panchmesh nich arthat nich rashi men ho sath hi pancham bhav men ketu v budh ho to prayatn (chikitsa, mantroshdhi) karne se putra labh hota hai.
santanhinta yog: kakbandhya yog yadi panchmesh shashth sthan men tatha lagnesh kisi bhi bhav men mangal se yukt ho to pahli santan jivit nahin rahti tatha bad men (jatak purush ho to uski patni tatha stri ho to pati) age garbhadharan nahin karti, jis stri ke jivan men ek bar garbhadharan ho to ve kakbandhya tatha kabhi garbh n ho to bandhya hoti hai. putra viyog yog: yadi pancham sthan men rahu panchmesh ke sath pap grah tatha guru makar rashi (nich rashi) men ho to 32ven varsh men putra shok hota hai. guru v lagn se pancham sthan men ek sath pap grah ho to 33, 36, 40ven varsh men kabhi yatha sanbhav putra nash hota hai. lagn men gulik ho v lagnesh nich rashi men ho tab 56ven varsh men putra shok hota hai.
in yogon men panchmesh par shubh grahon ki drishti ya yog pancham bhav par hone se bachav hota hai. uprokt vivaran se spasht hota hai ki jatkon ko kisi vidvan pandit ya jyotishacharya se apni janm kundli dikhakar usmen varnit yogayog anusar santan prapti hetu prayas karna chahie tatha yadi santan prapti men koi badha a rahi ho to jyotish dvara batae gae upchar puja path evan chikitsiya salah lena chahie taki danpatya jivan ki mahatvapurn ichcha santan prapt ki ja sake.