saniya ka janm 15 navanbar 1986 ko pratah 11 bajakar 28 minat par munbai men hua. janm ke samay un par aranbh hui shukra ki mahadsha 25 agast 2004 tak rahi. abhi un par surya ki mahdsha prabhavi hai, jo 25 agast 2010 tak chalegi. vartaman samay men prabhavi surya-shukra ki dasha 26 agast 2010 tak chalegi. yah samay saniya ke lie pratikul rahega, kyonki ashtamesh surya nich rashi men shukra ke sath tula rashi men sthit hai. gochar men guru, shani aur mangal achchi sthiti men hain, kintu 14 aprail se 15 mai tak is lagn se ashtam bhav ka svami surya gochar men janm rashi ke upar rahega, islie unhen mansik pira ho sakti hai. is tarah 26 agast 2010 tak pareshaniyan ati rahengi.
ashtam bhav aur ashtamesh ki dasha men jatak ko korta-kachahari ka samna karna par sakta hai, uski durghatana ya kisi karanavash uska aepreshan ho sakta hai. jahan tak saniya mirja ke vivah ka prashn hai, shoeb ke sath unka vivah to hoga, parantu ashtamesh ki dasha men agast 2010 tak pareshaniyan ati rahengi. is varsh agast ke bad chandra ki dasha men 2010-2020 tak ka samay sukhamay rahega. dekha jae to surya, budh aur shukra ke chandra se saptam bhav men hone ke falasvarup surya-shukra men vivah nishchit hai. chandra se saptam bhav par guru ki drishti hai, islie saniya mirja ka is samay men shadi hona svabhavik hai.
nich rashi ke surya ke chandra se saptam bhav men hone ke karan unka vivah ek vivahit vyakti se hone ja raha hai. navansh kundli men saptamesh chandra ashtam bhav men aur ashtamesh surya chathe bhav men sthit hai. yah sthiti bhi vivahit vyakti se sanbandh ki dyotak hai. is kundli men kai rajyog hain. uchch ka mangal lagn men panch mahapurush ke ruchak yog ka nirman kar raha hai. lagnesh ekadash ka svami shani paraspar rashi parivartan yog men hai aur shukra dasham bhav men apni hi rashi men malavya yog ka nirman kar raha hai. parantu yahan par ashtamesh surya ne rajyog ko bhang kar diya, isilie saniya antarrashtriya tenis men pratham sthan par kabhi nahin a pain. is kundli men lagn aur shani donon vargoÿami hain.
mangal uchch ka hai. shani aur mangal rashi parivartan yog men hain. surya ke samne chandra purn chandra hai. dhan bhav men guru, parakram bhav men rahu, dharm bhav men ketu tatha bhav chalit men dasham bhav men budh aur shukra navmesh aur dashmesh hokar sthit hain. is prakar kundli men kai rajyog vidyaman hain. nich ke surya ne nich bhang rajyog ka nirman kiya. surya jahan uchch hota hai, uska svami mangal lagn men kendra men sthit hai. surya ke chandra se bhi dasham kendra men hone ke karan nich bhang rajyog ka nirman hua. jis jatak ya jatka ki kundli men itne rajyog hon, use dhan, yash aur man-samman ki prapti avashya hoti hai. uchch ke mangal ki drishti chandra tatha sukh sthan par aur dhan bhav men sthit dhan ke karak guru ki drishti karm sthan par hai.
lagn par ekadash bhavasth ayukarak grah shani ki drishti hai. ashtam bhav par guru aur shani ki drishti hai. in donon yogon ke falasvarup saniya dirghayu hongi. lagn par lagnesh shani ki tatha chaturth bhav par chaturthesh mangal ki drishti hai. dhankarak grah guru dhan bhav men vartaman samay men bhi gochar men dhan bhav men aur chandra se ekadash men rahega. saniya ka vaivahik jivan nishchit rup se sukhamay rahega. vartaman samay men ashtamesh surya ki dasha ke sath-sath panchmesh aur dashmesh shukra ki antardasha chal rahi hai. gochar men shukra agast tak uttam bhav men rahega, parantu stri jatak ki kundli men guru pati ka karak hai aur vartaman samay se vivah tak guru kunbh rashi men aur chandra se ekadash bhav men rahega.
tula rashi par kunbh rashisth guru ki drishti rahegi. ashtamesh ki dasha men surya ki dasha men saniya ko chandra ki dasha tak mansik kasht milta rahega. kintu unki kundli men itne rajyogon ke karan unka koi kuch nahin bigar sakta. ruchak yog, vasi yog, chakravarti yog, amla yog, parvat yog, nich bhang rajyog adi shreshth yogon ke karan jatka ka jivan mahlon ki rani jaisa sukhamay rahega. agast 2010 ke bad chandra ki mahadsha men khyati prapt hogi kyonki purn chandra bharni nakshatra men aur svami shukra chandra lagn se saptam tatha lagn se dasham bhav men hai. tatpashchat mangal ki mahadsha 2020-2027 tak aur adhik achchi rahegi kyonki uchch ka mangal dhanishtha nakshatra men apne hi nakshatra men ruchak yog bana raha hai.
uske uprant rahu ki dasha 18 varsh chalegi. yah avdhi bhi achchi rahegi, kyonki rahu parakram bhav men do shubh grahon guru evan chandra ke madhya shubh kartari men sthit hai. parakram nahin rahta, to khel kud men itni pravin nahin ho patin. lagn aur parakram bhav ka balvan hona, shani ka vargottami hona tatha bhagya evan karm bhavon ka balvan hona in sare yogon ke bavjud jatka ko dhan aur man-samman ki prapti ho rahi hai. chandra sukh men sthit hai aur sukh bhav par uchch ke mangal ki drishti apni hi rashi par hai. sukh ke karak shukra ki drishti bhi sukh bhav par hai. in sare yogon ke karan hi jatka ke jivan men charon or sukh hi sukh hai. lagn se saptam bhav ke svami chandra par surya, budh aur shukra ki drishti hai.
chandra lagn se saptam bhav men surya, budh aur shukra hain tatha ashtam bhav men navansh ka saptamesh mitra rashi men hai. shadbal men saptamesh shukra sabse balvan hai. shukra ashtakavarg men bhi 31 paeint rakhakar balvan hai, islie saniya ka vivah shoeb ke sath nishchit rup se hoga. unka vaivahik jivan sukhamay rahega, lekin surya ki mahadsha men 25 agast 2010 tak mansik ashanti bani rahegi. kuch log inke piche parenge parantu kuch kar nahin paenge. shashthesh budh mitra rashi men surya ke sath hai tatha shashth bhav aur shashthesh donon par guru ki drishti hai.
in yogon ke karan saniya ke shatru ya virodhi unka kuch nahin bigar paenge. navansh kundli men bhi surya shashth bhav men hi hai. yah bhi ek shubh yog hai. dashmansh kundli men lagn aur tula ke svami shukra ke pancham bhav men, shani ke mitra ki rashi men aur surya ke dasham bhav men hone ke falasvarup surya ki mahadsha men saniya krira jagat men khyati arjit kar rahi hain. ukt sare shubh yogon ke falasvarup saniya ko sharirik sukh, mansik sukh, dampatya sukh aur karm jivan ke sukh ke sath-sath santan ka sukh bhi milega. unke virodhi lakh cheshta kar len, unka kuch nahin bigar paenge.