sancholi man ka vrat visheshakar chaitra ya ashvin mas ki navratriyon men karne ka vidhan hai. asharh v magh mas ke shukla paksh men parne vali navratri bhi is vrat ke lie uttam hai.
sancholi devi ka svarup golok bihari bhagvan shrikrishn ki adbhut divya lila ka mahaprasad hai. yah svarup sachchi bhagvti man ke rup men jila mathura ke nandganv se 8 kimi. dur sancholi ganv men sthit hai. jo jan sachchi shraddha v bhakti ke sath is divya dham ki yatra kar man sancholi ke shrichrnon men vinyanavat ho kisi bhi kamna purti ke lie sankalp karta hai aur ek varsh tak anavarat man sancholi ki puja-aradhna karta hai, uska sankalp purn ho jata hai.
book navratri special puja online
man sancholi ki kripa se santan ki abhilasha valon ko santan ki, nirdhan ko dhan ki, vidyarthiyon ko vidya ki, kshatriyon ko bal ki tatha brahmanon ko vidya v gyan ki prapti hoti hai. visheshakar yah vrat bhagvan shrikrishn ke darshanon ka labh karane vala hai. shrikrishn ke darshana-pujan se vyakti ki sabhi manokamnaen puri ho jati hain aur use charon purusharthon tatha sabhi sukhon ki prapti hoti hai.
yah purnata ka suavasar jivan men tabhi prapt ho sakta hai, jab vrati stri ya purush, balak ya vriddh man sancholi ki kripa prapt kar leta hai. bas is vrat men vrati ko itna karna hai ki man sancholi ko darshanoprant sankalp ke sath apne nivas sthan men sthapit kar le aur nitya naimittik karmon ko purn karte hue man ka shodshopchar ya panchopchar vrat praranbh kar de.
ek varsh tak lagatar is vrat ka niyamit rup se palan karne se vrati ko dainyataon, apurnataon, vipdaon adi se mukti milti hai aur vanchit fal ki prapti hoti hai. sancholi man ki aradhna se use shrikrishn ki kripa prapt hoti hai aur uska jivan dhanya ho jata hai. is vrat ki ek bari hi sundar katha hai, jo is prakar hai. brajmandal, jahan lathamar holi hoti hai, bhagvan shrikrishn ki lila tatha krirasthali aur nandbaba ki sharanasthali ke nam se prasiddh hai. usi brajmandal men sundr-sundar vrikshon ke madhya ek sundar aur manoram ganv hai, jise nandganv kahte hain.
book online nav durga puja this navratri
dvapar yug men jab bhagvan shrikrishn devki ke garbh se avtrit hue, to sanpurn brajvasiyon ko apni manoram v adbhut ashcharyamyi lilaon ka avlokan karate hue nandganv ki sima tak vistirn anbika van men vicharan kiya karte the, gayon ko charaya karte the. isi van men susvadu madhuratimdhur jal se purn ek vishal talab tha. is talab ke kinaron par am, kadanb adi vibhinn prakar ke faldayi v divyasugandhi se paripurn falon vale vriksh man ko mohit kar lete the.
anbika van se vibhinn prakar ke pakshi, jaise- mayur, koyal, papiha adi bhi sundr-sundar boliyon ke dvara jivmatra ke chitt ko akarshit kar lete the. kahne ka ashay yah hai ki talab tatha anbika van donon hi pakshiyon v pashuon se paripurn tatha manohari drishyon se yukt the. us van se prani matra ko anand pradan karne vali mand, sugandh evan shital pavan ka sanchar anavarat hota rahta tha.
lila bihari bhagvan shrikrishn nityaprati anbika van men gayon ko charakar talab par pani pilane late the. jan-jan ke anuragi, sabhi ki atma yashodanandan bhagvan shrikrishna ke darshan karne ko nandganv se krishnaskhi namak ek gopi bhi nitya prati aya karti thi.
vah yah niyam kabhi bhi bhang nahin karti thi. ek din krishnaskhi ke man-bap ne usse pucha ki beti! tum rojana kahan jati ho? to usne uttar diya ki main sabhi ka kalyan karne vali, amritmyi varsha karne vali, mamta ki devi man devi ke darshan ko jati hun. mata-pita ko krishnaskhi ke uttar se santushti nahin hui, man men sandeh utpann ho gaya aur vichar karne lage ki hamari yah beti hamse kuch chipa rahi hai.
ek din jab vah shrikrishn ke darshan ko chali to man-bap bhi uska picha karte hue chale. sakhi man-bap ko piche ate dekh to ghabrai aur sochne lagi ki ab kya hoga? mainne man-bap se jhuth to bol diya, ab shrikrishn hi mere sahayak hain, govind hi meri raksha kar sakte hain. vah jaldi-jaldi dag barhate hue shrikrishn ke darshan ko ai aur hriday men manohari jhanki ko sthit kar shrikrishn ki stuti karne lagi, unka vandan karne lagi.
sakhi kahne lagi- he dayalu prabho ! ap var dene vale brahmadi devtaon ko bhi var dene men samarth hain. ap nirgun hai, nirakar hain. apki lila bari hi anokhi v anandit karne vali hai. apke uttam charan is sansar men sakam purushon ko sabhi purusharthon ki prapti karane vale hain.
ap bhaktavatsal, kripa v daya ke sagar tatha karuna nidhan hain. meri raksha kijie. mere asatya bhashan rupi apradh ko kshamakar mujhe is sankat se ubarie. yah prarthana karti hui sakhi ke netron se jhar-jhar premashru bahne lage, lanbi-lanbi sansen ane lagin.
tabhi sabhi jan ke kamal rupi hriday ko navjivan, anand v shitlta pradan karne vale adbhut manohari rup lavanya se yukt, karoron kamdev ki chavi ko bhi dhul-dhusrit karne vale, karoron surya ki prabha se bhi prabhavan brajmandal ke rasiya murli manohar bhagvan shrikrishn mand-mand muskarate hue se madhur, priya v dhairya pradan karne vali vani bole- he gopi! ghabrati kyon hai? tere man-bap ke samne tujhe jhutha nahin banne dunga.
aisi amritmyi vani kahakar bhagvan svayan devi man ka rup dharan kar baith gae aur vah sakhi bhagvan shrikrishn ka smaran karti hui shila men parivartit ho gai. is tarah bhagvan ne apne bhakt ki satyata ujagar kar di. tabhi se is jagah ka nam satya ke adhar par sancholi par gaya tatha is man ka nam bhagvan shrikrishn ke chandravansh se avtar dharan karne ke karan chandravli par gaya.
aj is sancholi ganv men man sancholi ka darbar hai, jinke dayen aur bayen bhag men man jvala evan langur balvir virajte hain. man ke darshanamatra se hi sanpurn manorath safal ho jate hain tatha rog, shok, bhay adi pas nahin ate.
march mas ke pramukh vrat-tyohar 8 march (shitlashtami vrat): yah vrat chaitra krishn ashtami ko kiya jata hai. is vrat ko karne se parivar men shitla rog ke prakop ka bhay kam rahta hai. is din vishesh rup se shitladevi ka vibhinn pakvanon se pujan kiya jata hai. vrat karne vale ke parivar men shitla devi ki kripa se shitla janit sabhi doshon ki shanti hoti hai.
16 march (vasant navratra aranbh): varshabhar men ashvin tatha chaitra ke navratron, jinhen shardiya evan vasanti navratra ke rup men jana jata hai, men devi bhakt devi trishakti mahakali, mahalakshmi, mahasarasvati svarup durga ka vrat, puja, path, mantra jap, sadhna karte hain. navratra ke in dinon men devi ke nimitt kie gae vrat, anushthan, sadhna ka kai guna fal hota hai. devi ki kripa se dhan-dhanya, arogya, yash, man-pratishtha ki prapti hoti hai.
16 march (sanvatsar pujn): yah chaitra shukla pratipda ko kiya jata hai. is din se hamara navavarsh ka aranbh hota hai, sath hi basant navratra bhi praranbh hote hain, puranon ke anusar prajapti brahma ji ne srishti ka aranbh pratipda tithi ko sarvottam man kar isi tithi se aranbh kiya tha islie ise srishti ka pratham din mana jata hai. sanvatsar pujan men brahma ji ka evan apne guru, isht devta tatha panchang devtaon kak pujan karna chahie evan brahmanon ko navin panchang, dharm granth bhojan vastra ka dan dene se varsh bhar sukh sanpannata bani rahti hai.
24 march (ramnvmi): yah vrat chaitra shukla pratipda ke lid kiya jata hai. yah tithi bhagvan purushottam ram ki janmatithi hai. pratyek varsh sanatan dharmavlanbi sabhi log ise bare shraddha, bhakti evan vishvaspurvak manate hain. is din upvas rakha jata hai.
if you are facing any type of problems in your life you can consult with astrologer in delhi