dan sanbandhi niyam janmakundli ke sath varshafal men bhi grah vishisht rup se a jae to dan dena mana hai. mana karne par kiya gaya dan shubh fal nahin dega, balki hani ka karan bhi ban sakta hai. yah hani varshafal ke varsh men hi hogi, bad men nahin.
- uchch grah vale ko apne uchch grah se sanbandhit chij ka dan dena ya nich grah se sanbandhit kisi chij ka kisi se dan lena achche ki jagah bura parinam dega. yah mande jahar ka bahana hoga.
- chandra chathe ghar men ho to am logon ki bhalai ke lie, muft upyog ke lie talab, kuan, bavri banvana, pyau lagana ya pani ka anya prakar se dan dena ya apni kamai ka bhag aise karya ke lie dena jatak ke lie hanikarak siddh hoga. aise chandravale jatak ko dan santanhin karke chorega ya asamay ki mauton ke karan vansh ghatta jaega.
- athven ghar men shani ho to aise jatak ke lie dharmashala ya musafiron ke lie muft aram karne ki jagah banana nuksandeh hoga. aisa jatak dan karne se svayan beghar ho jaega.
- shani pahle ghar men ho, usi samay brihaspati panchven ghar men ho to aise jatak ka kisi fakir ko tanbe ka paisa dena uske apne bachche ki achanak mrityu ka, ashubh samacharon aur mauton ke ane ka sandesh hoga.
- jab brihaspati dasven ghar men ho aur usi samay chandra chaithe ghar men ho to aise vyakti ke lie dharmarth ki jagah, mandir, masjid, gurudvara banvana jo am logon ke istemal ke lie ho, jhuthi tohamat ka ya fansi ki saja ka karan banega.
- shukra nauven ghar men ho to aise jatak dvara garib-yatim bachchon ki parhai ke lie vajifa (skaelrship) dena, pustaken evan davai ke lie paisa dena apne lie arthik gaddha khodne jaisa hai
. - chandra barhven ghar men ho to sadhu-fakir ko roj muft ki roti khilana ya koi skul muft vidya dene ke lie kholna, aisi bimariyon ya duahkhon men khara kar dega ki jatak ki tarpti hui jan ko maut ke bad bhi shanti nahin milegi.
- brihaspati satven ghar men ho to aise jatak ka kisi sadhu ya dharm sthal ke pujari ko muft naye kapre dena, apne apko nirdhan karna hai. unki apni aulad par bhi bara bura asar hoga. rihaish sanbandhi niyam - rihaishi makan men dakhil hote hue agar pahle bane hue hisse men jamin ki tah ke andar kuen ki tarah khudi hui bhatthi ho aur vah bhatthi sirf byah-shadiyon ke vakt kholi jae aur bad men mitti dalakar band kar di jae ya sada ke lie pakke taur par band kar di jae to jab kabhi us ghar men athven ghar ke manglvala bachcha paida hoga to tabahi shuru ho jaegi. agar aisi bhatthi kayam ho chuki ho to jahan tak uski mitti jali ho vah nikalakar bahte pani men ya dariya men pravahit karen.
- apne nivas men murtiyan adi rakhakar use puri taur se mandir banane se puja ki ghantiyon ki jagah santanhinta paida ho jaegi. murtiyon ki sthapna mandiron men shubh rahti hai. kagji foto ya devi-devta ki tasviren ghar men lagane men koi apatti nahin hai. - makan men dakhil hote hi daen hath ki or jahan makan ki sima khatm hoti hai, kai bar andheri kothri hua karti hai jismen pravesh dvar ke atirikt roshni ya hava ane-jane ke lie aur rasta nahin hua karta, yadi aisi kothri men roshndan bana diya jae ya ek darvaja aur banakar roshni evan hava ka prabandh kiya jae to vah ghar ya vansh barbad hoga. kisi karanavash aisi kothri ki chat badlni pare to pahle us chat ke upar dusri chat bana len aur bad men hi purani chat giraen. aisi chat kabhi apne ap nahin girti, girane se hi girti hai. rahne ke makanon men kai bar kimti chijen, javahrat, rupya adi rakhne ke lie chipe hue gaddhe banae jate hain. yadi ye gaddhe khali hi rahen to dhan-daulat ke asar men keval budh bolta hoga, yani us ghar ke malik ki keval fiki baten hi hongi, koi labhkari bat nahin hogi. aise men badam, chuare ya koi-na-koi mithi chij rakhna labhdayak rahta hai.
- makan ke farsh men yadi kachcha hissa bilkul n ho to aise ghar men shukra ka nivas nahin rahta. us ghar ki striyon ka man-samman, sehat aur dhan sab par shani ka prabhav parta hai, dekhne men bhale hi ve tismarkhan bani firti hon. yadi kisi karan kachcha hissa n rah saka ho to vahan shukra karak chijen sthapit kara len. ghar men gay rakhen ya alu adi ka paudha laga len. dakshini dvar ka makan visheshakar striyon ke lie labhkari nahin hota. admi ko bhi sukh kam hi milega. dakshini dvar ka makan ashubh hota hai. islie mukhya pravesh dvar dakshin disha se hatakar banana chahie. dharm ghar men jane ki manahi janmakundli men dusre aur barhven ghar men shubh grah ho aur athven evan gyarhven ghar ke grah apas men shatru hon to dharm ghar men jane se kisi bhi musibat ka samna nahin karna parega aur koi bhi use dhokha nahin de sakega. janmakundli ke athven tatha barhven ghar men baithe grah apas men shatru hon aur dusra ghar khali ho to dharm ghar men jane se athven aur barhven ghar ke grah apas men takraenge aur is takrav ka bura asar jatak ke jivan par parega. athven ya barhven ghar men baithe grah apas men mitra hon ya chathe ghar men koi uttam faldayi evan shubh grah ho aur donon hi halaton men dusra ghar khali ho to aise jatak ke lie dharm ghar men jana bahut hi shubh rahega
lal kitab ke dan sanbandhi niyam
1. teve men lal kitab ke hisab se jo grah uchch ka ho ya shreshth ho us grah ki vastuen kabhi dan nahin karni chahie.
2. teve men lal kitab ke hisab se jo grah nich ka ho, us grah ki vastuen kabhi dan n len.
3. teve men khana-2 khali ho aur khana nan. 8 men shani ho to aise jatak ko dharmasthan ya mandir nahin jana chahie bahar se hi ishtadev ko pranam kar lena chahie.
4. chandrama khana nan. 6 men ho to aise jatak ko kuan, talab, nal, pyau adi nahin banvana chahie n hi unki marammat ke lie dhan dena chahie.
5. shukra khana nan. 9 men ho to aise jatak ko anath bachche ko god nahin lena chahie.
6. shani khana nan. 8 men ho to jatak ko dharmashala yatri nivas nahin banvane chahie.
7. shani khana nan. 1 v guru khananan. 5 men ho to jatak kisi bhikhari ko tanbe ka paisa ya bartan dan n karen.
8. chandra khana nan. 4 v guru khana nan. 10 men ho to aisa jatak ko puja sthal v mandir adi nahin banvane chahie.
9. chandra khana nan. 12 men ho to aise jatak nirdhan bachchon ko shiksha ke lie chatravritti n de aur n hi niahshulk shiksha ke lie skul pathshala adi khole. kisi sadhu mahatma adi ko roj-2 muft roti n khilaen, n dudh pilaen.
10. guru nan. 7 men ho to aise jatak kisi ko vastra dan n karen.