rudraksh ek-gun anek harishchandra prasad ‘‘arya’’ bharat varsh men to rudraksh se sabhi parichit hanai. yah astha ke kendra ke sath anekon prakar se upyogi hai. ajakal to yurop aur amerika ke log bhi rudraksh se parichit ho chale hain. unmen bhi bhartiya darshan aur adhyatm ke prati ruchi jagrit hui hai. parinamasvarup vahan ke nivasi bhi bari astha aur utsah ke sath rudraksh dharan karte hain vastutah rudraksh sarvadhik pavitra aur prabhavi padarth hai. shiv bhakton ko yah bahut priya hai. anya devi-devtaon ki puja stuti men bhi rudraksh ki mala dharan karne aur rudraksh ki mala se mantra jap ka vidhan hai. yadyapi vibhinn mano- kamnaon ki purti ke lie alag -alag padarthon ki mala ka vidhan hai parantu padarth vishesh ki mala ke abhav men rudraksh ki mala sahaj evan sarva siddhi ko dene vala hai. rudraksh ko shodhit karne ka vidhan: rudraksh ya usse nirmit mala ko dekh-parakhakar layen. unhen ‘‘guru pushya’’ ya ‘‘ravi pushya’’ ya anya shubh muhurt men dhokar ek thali men rakh den. thali men rakhne se pahle gangajal ya shuddh jal se dho lena chahie. fir rudraksh ya iski mala ko gangajal se snan karaen, fir dudh se aur shuddh jal se snan karana chahie. fir shvet chandan lagakar, dhature ke shvet ful, akshat, belapatra charhaen. ant men dhup arpit kar arti karen. is puri prakriya men ‘‘un namah shivay’’ ka jap karte rahen. shivji ka dhyan kar unse prarthana karen- ‘‘he shivji kripa ke divya prabhav se ise prabhavshali banaiye. main is rudraksh ko dharan kar sadaiv apka kripapatra bana rahun. meri raksha kijie.’’ is prakar prarthana karke rudraksh ko dhup ke dhuen men shodhit karke mathe se lagaen. agar rudraksh ki mala hai to mala ke sumeru ko mathe se lagaen. iske pashchat gyarah mala jap ‘‘un namah shivay’’ mantra ka japen. fir isi mantra se ikkis ahuti dekar havan karen aur brahman ko sadakshina v bhojan karakar vida karen. fir rudraksh ya iski mala ko shivji ki pratima se sparsh karakar mantrochchar ke sath dharan kar len aur bhasm ka tika mastak par lagakar bhagvan shiv ko pranam karane. vibhinn rogon men rudraksh ka prayog: ayurved aur tantra men rudraksh ki mahima ko apar kaha gaya hai. vividh prakar ki daihik, daivik aur bhautik samasyaon ke nidan ke lie prakarantar se rudraksh ke anek prayog batae gaye hain. upri badhaon ke nivaran ke lie: tantra-shastra ke anusar rudraksh ke dane ya mala ko shodhit karke dharan karne par vayavya dosh, bhut-pret, abhichar prayog adi se hone vale kashton se chutkara milta hai. rudrakshadhari vyakti jangal, pahar, shmashan ya anya sanktpurn sthanon men bhi chala jae to vah tan-man se surakshit rahta hai. bandhyatva nivaran ke lie: madhyam akar ka ek shuddh rudraksh lekar ek tola sugandh rasna ke sath kharal men kut-pisakar churn kar len. santanhin mahila ritumti hone ke pratham din se sat dinon tak roj subah sham uprokt churn ko 2-3 mashe ki matra men gay ke dudh ke sath sevan karen. iske prabhav se use garbhadharan hokar santan ki prapti hogi. bachchon ke rogon men labhkari: bachcha agar rat men chihanukta hai, darta hai, rone lagta hai ya fir asvabhavik rup se hath pair patkne lagta hai to aise bachchon ke gale men ek ya tin mukhi rudraksh ke dane dhage men dalakar pahna den. sath hi ek rudraksh ko pani men ghisakar, pani bachche ko pila den aur sote samay uski chati par lep kar den. bachcha in pareshaniyon se mukt ho jaega. udar vikar nashak prayog: ek tanbe ke lote men rudraksh ke panch dane dalakar usmen pani dalakar ratri men chor den. subah us pani ko pi jayen. is prakar kuch din tak karne se udar vikar nasht hokar rakta-sanchar men sahayak hota hai. alas, anidra, pet ki gais, kabj adi men bhi labh hota hai. rakta-chap ko niyantrit karta haiah rudraksh ya iski mala ko dharan karne se raktachap niyantrit rahta hai. rudraksh ko hriday ke pas sparsh hona chahie. inke atirikt rudraksh ko chandan ki bhanti ghisakar mathe par tilak lagane se shivkripa prapt hoti hai aur vyakti logon ka priya banta hai.
Kya aapko lekh pasand aaya?
Subscribe