pratyek vyakti kisi shubh karya ko shubh samay men praranbh karna chahta hai taki vah karya safal, labhkari tatha mangalamay ho. aise anek shubh samay (avsr) vibhinn kalangon tatha var, tithi, nakshatra adi ke sammishran se bante hain jinhen yog kaha jata hai. isi prakar ke shubh yog pratyek karya ke lie acharyon ne nirdharit kie hain. shubh yogon ki bhanti ashubh yog (kuyog) bhi inhin kalangon se milakar bante hain jinmen shubh karyon ka praranbh varjit hai. is alekh men unhin yogon ka varnan karenge jinki rachna men nakshatron ki bhumika rahti hai. dvipushkar yog: yah nimn sthitiyon men banta hai. tithi: 2, 7, 12 din: manglvar, shanivar ya ravivar. nakshatra: mrigshira, chitra ya dhanishtha (mangal ke tin nakshatra). yah ek shubhashubh yog hai jiska namanurup arth ‘dohra’ hota hai arthat is yog men koi karya hone par dohra labh ya dohri hani hoti hai.
yadi koi labhkari karya ho to vah ek bar aur hota hai. isi prakar yadi koi vastu kho jae to punah ek bar koi vastu kho jati hai. atah shubh karya karte samay aise yog ki talash ki jati hai. tripushkar yog - tripashkar yage nimn sthitiyon men banta hai. tithi: 2, 7 ya 12 var: manglvar, shanivar ya ravivar nakshatra: kritika, uttara falguni, uttarashadha, punarvasu, vishakha, purvabhadrapad. tripushkar yog men shubh athva ashubh karya ho to vah kul tin bar hota hai, jaise kisi ki mrityu is yog men ho jae to do anya vyaktiyon ki mrityu ki ashanka ho jati hai. yadi is yog men kisi vishisht karan se dhanagam ho to do bar aur dhan prapti hoti hai. isilie makan kharidne, gahne banvane ya latri-res adi men dhan prapti ho to iski punravritti do bar aur hoti hai.
atah shubh karyon ke lie tripushkar yog ka upyog kiya jata hai. dvipushkar evan tripushkar yog men bahumulya evan upyogi padarth, vastuen jasai jamin-jaydad, hire javahrat, svarna-chandi ke abhushan, kar, trak, skutar, gay, bhains kray karna, navin udyog ki sthapna adi karna labhdayak rahta hai. guru pushya yog: jaisa ki nam se spasht hai, guruvar ko yadi pushya nakshatra ho to gurupushya yog ghatit hota hai. vidyaranbh, vyapar, grihapravesh evan anya shubh karyon ke lie guru pushya yog atyant shubh hai. guru pushya yog men guru athva pita, dada ya shreshth vyakti se mantra, tantra ya kisi vishisht vishay ke sanbandh men uchch vidya grahan karna, dhan, bhumi, vidya evan adhyatmik gyan para pt karna, garu se diksha grahan karna, videsh gaman karna shubh hota hai. sabhi yogon men se kisi bhi yog ka chayan karne se purva tithi evan chandrama ka bal bhi dhyan men rakh len to atyant labhdayak hoga arthat krishn paksh ki trayodshi se shukla paksh ki pratipda paryant chandrama nirbal mana jata hai.
iske atirikt guru, shukra grahon ke astakal men grahan kal, shraddh kal adi ka bhi dhyan kar lane avashyak hai. vivah, mundan, grihapravesh adi karya nirdharit muhurton men hi karne se kalyankari honge. ravi pushya yog: yadi ravivar ko pushya nakshatra ho to ravi pushya yog hota hai. ravi pushya yog shubh karyon ke lie upyogi hai. mantradi sadhan ke lie bhi yah shreyaskar hai. ravipushya jyotish ke shreshthatam yogon men gina jata hai. isme jadi batu tade n, ashdhi banana evan rog vishesh ke lie aushdhi grahan karna shubh evan labhdayak hota hai. iske atirikt mantra-tantra, yantra adi taiyar karne ke lie bhi yah yog vishesh upyukt mana jata hai. pushkar yog: surya vishakha nakshatra men ho tatha chandrama kritika nakshatra men ho to aisa sanyog ‘pushkar yog’ kahlata hai. yah shubh yog atyant durlabh hai. ravi yog: ravi yog atyant shaktishali shubh yog hai.
is yog ke din yadi terah prakar ke kuyog men se koi bhi kuyog ho to ravi yog us kuyog ki ashubhta nasht kar shubh karyon ke praranbh karne hetu marg prashast karta hai. ravi yog nimn sthiti men ghatit hota hai. suryadhishthit nakshatra se chaithe, chathe, dasven, terhven athva bisven nakshatra men yadi chandrama ho to us din ravi yog ghatit hota hai. yadi kisi din kisi pakrar ke kayuage kekaran rkaie shubh karya praranbh nahin kiya ja sake to vidvajjan ravi yog ke adhar par us shubh karya ko praranbh karvate hain. kuyog: var, tithi evan nakshatron ke sanyog se athva keval nakshatra ke adhar par kuch aise ashubh yog bante hain jinhen, kuyog kaha ja sakta hai.
in kuyogon men koi shubh karya praranbh kiya jae to vah safal nahin hota apitu usmen hani, kasht evan bhari sankat ka samna karna padta hai. kuyog suyog: yadi kinhin karnon se ek kuyog tatha ek suyog ek hi din pad jae dagdh nakshatra: ravivar ko bharni, somvar ko chitra, manglvar ko uttarashadha, budhvar ko dhanishtha, guruvar ko uttara falguni, shukravar ko jyeshtha, shanivar ko revti nakshatra dagdh nakshatra kahlate hain. inmen koi bhi shubh karya nahin kiya jana chahie. mas-shunya nakshatra: chaitra men ashvini aur rohini, vaishakh men chitra aur svati, jyeshth men uttarashadha aur pushya, ashadh men purva falguni aur dhanishtha, shravan men uttarashadha aur shravan, bhadrapad men shatbhisha aur revti, ashvini men purva bhadrapad, kartik men kritika aur magha, margashirsh men chitra aur vishakha, paush men adrra aur ashvini, magh men shravan aur mul tatha falgun men bharni aur jyeshtha mas-shunya nakshatra hote hain.
inmen shubh karya karne se dhan nash hota hai. janm nakshatra: jatak ka janm nakshatra, 10 van anujanm nakshatra tatha 19 van trijanm nakshatra kahlate hai. saman rup se janm nakshatra ki shreni men ate hain. shubh karya praranbh karne hetu janm nakshatra tyagna chahie.