chandra man ka pratinidhitva karta hai aur man kam shakti ka karak hai. sabhi prakar ke sanbedhon ka karan bhi chandra hota hai. jab chandra ki drishti, yuti adi surya se ho, to sanbandh men ashray pane ke vichar hote hain. mangal karan karmath vyaktiyon se, budh ke karan vyapari varg se, guru ke karan adhyatmik kshetra se jure vyaktiyon se, shukra ke karan viprit ling se aur shani ke karan alochna karne valon se sanbandh hote hain. rahu-ketu ke karan unke svami ke anurup hi sanbandh hote hain. mangal tatha shukra ke karan kamuk sanbandh sthapit hote hain. lekin inke sath chandra ki bhi ahan bhumika hoti hai. aur in yogon men shani ka yogdan anaitik sanbandh karak mana jata hai. chaturth bhav ka sanbandh naitik tatha pavitra mana jata hai. lekin saptam, ashtam evan dvadash bhav ka sanbandh uparyukt yogon ke sath anaitik hota hai. nirbal mangal gopniya sanbandh banakar vivahoprant jivan ko kashtamay bana deta hai. lekin mangal aur shukra donon balvan hon to bahu sanbandhon ke sath bahuvivah bhi safal hote hain.
vivah ath prakar ke hote hain- brahman vivah, prajapatya vivah, arsh vivah, dev vivah, gandharva vivah, asur vivah, rakshas vivah, paishach vivah.
in ath prakar ke vivahon men brahman varn ke lie brahm vivah, prajapatya vivah, arsh vivah aur dev vivah sarvashreshth hote hain.
kshatriya varn ke lie asur vivah aur rakshas vivah shreshth mane jate hain.
vaishya tatha shudra varnon ke lie gandharva vivah tatha paishach vivah shreshth mane jate hain.
gandharva vivah ki anumti sabhi varnon ke vyaktiyon ko hoti hai kyonki is vivah ka karak chandra, mangal aur shukra hain.
iske antargat purush stri se prem sanbandh sthapit kar vivah kar leta hai. yah donon ki sahmti se hi hota hai. uparyukt yogon ke sath-sath anya grahon ki bhi apni-apni bhumika hoti hai. jaise lagnesh yadi chaturth bhav men ho tatha chaturth evan saptam bhav mangal aur rahu se prabhavit hon, to jatak ya jatka ke kai striyon ya purushon se sanbandh hote hain.
isi prakar saptam bhav v saptamesh, pancham bhav v panchmesh tatha dvadash bhav v dvadshesh ka kisi bhi rup men sanbandh ho, to stri ya purush kamukta ke vashibhut hokar vivahetar sanbandh banate hain. jyotish men shukra dusron ko romans ki drishti se akarshit karne ki kshamata ka parichayak hai. vah jatak ya jatka ko uski kamechcha, abhilasha, abhipsa adi ki purti hetu sangharsh ke lie prerit karta hai. bahu sanbandh evan bahu vivah ka ek pramukh karan sthan vishesh ka vatavaran bhi hota hai. svabhav se purush saundaryapriya tatha stri dhanapriya hoti hai.
vartaman kal men 40 pratishat vivah dhan ke karan tatha 30 pratishat vivah saundarya ke karan hote hain. shesh 30 pratishat vivah nivas ya karyalay ke vastudoshon ke karan hote hain. lekin in sabhi karnon men uparyukt grah yogon ki bhumika aham hoti hai. isi prakar uparyukt yogon ko hath ki rekhaon ke madhyam se bhi dekha ja sakta hai. yadi mangal v shukra ke karan bahu sanbandh ya anaitik sanbandh ban rahe hon, to jatak ki hast pariksha se shukra parvat par mahin jali milegi ya guru parvat par ek tara ka chihn avashya milega. yadi trikon ke andar chandra ki akriti ho, to charitrik shithilta ka bodh hota hai. shukra parvat par 2 kraes ati kami banakar bahu sanbandh banate hon, to shukra parvat ke niche ki taraf koi varg ho tatha kisi anguli men 4 parva hane, to anaitik sanbandh se karagar prapt hota hai.
kundli - 1: kuch svanubhut yog yahan prastut hain. kundli ke adhar par chaturthesh v bhagyesh lagnasth bhaum ki purn drishti shani par hai rajyesh v tritiyesh shukra svayan parakramasth hai, yah sari sthiti bahu sanbandh ki suchak hai. jatak ke 2 vivah ho chuke hain tatha vivah se purva aur pashchat bhi anek sanbandh rahe hain. tisra vivah hone bala hai. ichcha shakti v kam shakti atyant prabal hai. chandra dvadash sthan par purn drishti karak hai. dasham tatha pancham bhavon par shani ki drishti sanbandhon men vriddhi ki suchak hai.
kundli - 2: mangal tatha shukra ke sanyog ke sath nichasth budh bhagya bhav men tatha ank jyotish ke anusar ketu se prabhavit pancham bhav men navmesh tatha bhagyasth panchmesh hain. saptamesh ki drishti shatru par hai. yah sari sthiti vivahetar sanbandh ki suchak hai. jatak ne 18 varshon ke bad patni ko apnaya hai.
kundli - 3: lagnesh v shashthesh mangal ki purn drishti nichasth shukra par hai, jiske sath sthit chandra ne sangit ke kshetra men unnati di tatha vijatiya sanbandh sthapit karne ko prerit kiya. shani ne matri drohi banakar bahu sanbandh sthapit karae, lekin lagnesh ne bahu sanbandh karakar itna shithil kar dala ki ab patni se bhi sanbandh rakhne men ghabrahat ho rahi hai.
kundli - 4: rajyesh v labhesh ne tatha gajkeshri yog aur lagnesh v ashtamesh saptam bhaum ne raj parivar men janm dekar birasat ke dhan ka apavyay vishay vasna par karaya. saikron daihik sanbandhon ke pashchat do vivah hue lekin anaitik sanbandhon ka ant nahin hua. mangal ne sharirik shakti pradan ki aur vivahetar sanbandhon ka silsila aj bhi jari hai.
is prakar kundliyon par shodh tatha unke vishleshan se bahu sanbandhon evan bahu vivahon ki jankari milti hai. inse bachav ke lie mangal v shani ke upay vidvan evan jankar jyotirvid ke paramarsh ke anusar karne chahie.